عَـبْدُاللهِ

يعني الحمدلله قد أنعمَ اللهُ عليَّ بختم القرأن الكريم حفظاً مجوداً تجويداً تامّاً بقراءة عاصم الكوفى براوييه حفص وشعبه. يعني دي المرة التانيه اللي أختمه فيها حفظ الحمدلله يختلف إن المرة دي شَيخى هو "أبي" ربنا يبارك فيه ويحفظه. اللهم اجعل عملى بِه ولَه خالصاً لوجهك الكريم.

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ

لو فيه صورة واحدة هختارها وتكون بتعبّر عن الأمان فأكيد أكيد هتكون الصورة دى.

ياربّ أسافر ياربّ أتجوز ياربّ ارزقنى من وسع ياربّ أعمل عمرة ياربّ اكتبلى الخير ياربّ أدخل الجنّة ياربّ في خير وعافية. "))

وعسايَ ألقَى من بِمثل طبائعي. ")

الحالة:

اللى بقوله وأنا حرفيًا متدغدغ:

الحياة مش حلوة خالص والله وانت لوحدك، الحياة وحشة أوى من غير مشاركة. بتمنّى محسش الشعور دا أبدًا تانى ولا حد أبدًا يحس الشعور دا والله وياربّ دى تبقى آخر مرة أحس الشعور دا فيها. الله يؤنس وحشتنا ووحدتنا.

صحابي كتير والله وعلاقتنا زي الفل بش مفيش منهم اللى أقوله ييجي معايا فييجي. بحس بزعل كبير والله كل مرة بضطر أنزل فيها لوحدى أشترى حاجة ببقي زهقان ومليش نفس بس مُجبر على كدا.

في لحظات كتيرة بحس بالوحدة بشكل فظيع لما بيبقى عندى مناسبة زي الفترة الحالية كدا عندى فرح أخويا الصغير كمان يومين تلاته والمفروض عايز أشترى بدلة بقالى تقريبًا أسبوع مأجل الخطوة لأنى مش لاقي حد ينزل يجيب معايا على مدار حياتي معملتش الصاحب اللى لما أقول نروح أي مكان ييجي معايا...

"صاحب الكلّ وحيد".. دى حقيقة مش مجرد جملة

ساعات بحسّ إننا محتاجين نتعامل مع المواضيع دى بمبدأ (الحلال والحرام - الصح والغلط - ينفع ومينفعش - عيب ولا مش عيب) بدل ما بنقول رأينا اللى بيميل لطرف على حساب التانى لمجرد الرجالة للرجالة أو الستات للستات.

بصراحة؟ تعبت من الشعور الدايم بالقلق والخوف والتوتر تجاه كل الأشياء اللى في حياتى أو فقدها تعبت من محاولاتى في البحث عن شعور الراحة اللى بضيع عليه طاقة كبيرة وفي الآخر مش بلاقيه ياربّ نفسى أعيش حياتى مرتاح ومبسوط ومطمن ومش تعبان ولا قلقان ياربّ تولَّ قلبي، ياربّ.

الله يرزقنا الحبّ والألفة والونس والسعادة والشاي بحبيب ")

عامل ايه؟:

أنا حاليًا مصدع دماغى هتنفجر ضهرى واجعنى مش قادر أعمل أي حاجة مليش نفس لأي شيء ونفسى الشتا يرجع ياربّ فك الضيقة ")

يا ربّ هب لى بيتًا آمنًا لا يتسرّب سره.. ولا ينفذ خيره. ")

أه والله:

انتهت الحلول ياربّ إن شاء الله يكون دا آخر كاس عالم أشوفه وأنا مش متجوز!

شعار المرحلة: