somashekar bagur ಸೋಮಶೇಖರ

#ಕನ್ನಡದ್ದೇ ಪದಗಳು:- ಸಾರ್ದ = ಹತ್ತಿರದ ಕಿಡುವುದು = ಕೆಡಿಸಿವುದು ನುಡಿ ತೊಡವು = ಒಡವೆ ಪರ್ಬಿ = ಹಬ್ಬಿ ಅಲುಗುವ ಸುರ್ಬು = ಹುಲುಸು , exuberance, luxuriance ಪೆರ್ಬಟ್ಟೆ = ಹೆದ್ದಾರಿ ---- ತದ್ಬವ ಕಜ್ಜ < ಕಾರ‍್ಯ(ಸಂ) ಪುರ‍್ಬು(eyebrow) < ಭ್ರೂ (ಸಂ) ಬಟ್ಟೆ < ವಟ್ಟಾ (ಪ್ರಾ)

We love you, 12th Man Army! ❤️

ಮಾನ್ಯ ರಾಜ್ಯಪಾಲರಾದ ಶ್ರೀ ತಾವರಚಂದ್ ಗೆಹ್ಲೋಟ್ ಅವರೇ, ಕರ್ನಾಟಕ ಸರ್ಕಾರಕ್ಕೆ ನೀವು ಬರೆದ ಪತ್ರದ ಕುರಿತ ಮಾಧ್ಯಮ ವರದಿಗಳನ್ನು ಗಮನಿಸಿದೆ. ರಾಜ್ಯದಲ್ಲಿ ಎಸ್ ಎಸ್ ಎಲ್ ಸಿ ಪರೀಕ್ಷೆಗಳಲ್ಲಿ ತೃತೀಯ ಭಾಷೆಗೆ ಗ್ರೇಡಿಂಗ್ ನೀಡುವ ಸರ್ಕಾರದ ನಿರ್ಧಾರವನ್ನು ಮರುಪರಿಶೀಲಿಸುವಂತೆ ನೀವು ಹೇಳಿದ್ದೀರಿ. ನಿಮ್ಮ ಈ ಪತ್ರ, ಈ ಹಸ್ತಕ್ಷೇಪ ಒಕ್ಕೂಟ ವ್ಯವಸ್ಥೆಯನ್ನು ಅಣಕಿಸುವಂತೆ ಇದೆ. ನಿಮ್ಮ ಅಧಿಕಪ್ರಸಂಗವನ್ನು ಕರ್ನಾಟಕದ ಜನತೆ ಒಪ್ಪಿಕೊಳ್ಳುವುದಿಲ್ಲ. ರಾಜ್ಯಪಾಲರು ಸರ್ಕಾರದ ಪದನಿಮಿತ್ತ ಮುಖ್ಯಸ್ಥರು ಎಂಬುದನ್ನು ನೀವು ಮರೆತಿದ್ದೀರಿ. ನೀವು ನಮ್ಮಿಂದ ನೇರವಾಗಿ ಆಯ್ಕೆಯಾದ ಜನಪ್ರತಿನಿಧಿಯಲ್ಲ. ಒಂದು ಸರ್ಕಾರ ಬಹುಮತದೊಂದಿಗೆ ಸದೃಢವಾಗಿ ಕಾರ್ಯ ನಿರ್ವಹಿಸುತ್ತಿರುವಾಗ ದೈನಂದಿನ ಆಡಳಿತದಲ್ಲಿ ಮೂಗು ತೂರಿಸಲು ನಿಮಗೆ ಯಾವುದೇ ನೈತಿಕ ಅಧಿಕಾರವಿಲ್ಲ, ಸಾಂವಿಧಾನಿಕ ಹೊಣೆಗಾರಿಕೆಯಿಲ್ಲ. ಅದು ನಿಮ್ಮ ವ್ಯಾಪ್ತಿಯ ಕೆಲಸವೂ ಅಲ್ಲ. ರಾಜ್ಯದ ಶಿಕ್ಷಣ ವ್ಯವಸ್ಥೆಯಲ್ಲಿ ಕಾಲಕಾಲಕ್ಕೆ ಬದಲಾವಣೆ ಮಾಡುವ ಸಂವಿಧಾನಬದ್ಧ ಹಕ್ಕು ರಾಜ್ಯ ಸರ್ಕಾರಕ್ಕಿದೆ. ಸರ್ಕಾರ ಈಗ ಗ್ರೇಡಿಂಗ್ ವ್ಯವಸ್ಥೆ ಜಾರಿಗೆ ತರುತ್ತಿರುವುದಕ್ಕೆ ಸಾಕಷ್ಟು ಕಾರಣಗಳಿವೆ. ಇದರ ಸಾಧಕ ಬಾಧಕಗಳನ್ನು ನಮ್ಮ ಜನಪ್ರತಿನಿಧಿಗಳು ನೋಡಿಕೊಳ್ಳುತ್ತಾರೆ. ʻಬೆಂಗಳೂರು ಸ್ಥಳೀಯ ಭಾಷೆಗಳ ಸಂರಕ್ಷಣಾ ಸಂಘʻದವರು ನಿಮಗೆ ಕೊಟ್ಟಿದ್ದಾರೆ ಎನ್ನಲಾದ ಮನವಿಗೆ ತುರ್ತಾಗಿ ಪ್ರತಿಕ್ರಿಯಿಸಿರುವುದನ್ನು ಕೇಳಿ ಆಶ್ಚರ್ಯವಾಯಿತು. ಬೆಂಗಳೂರಿನಲ್ಲಿ ಇಂಥದ್ದೊಂದು ಸಂಘ ಇದೆ ಎಂಬುದೇ ನಮಗೆ ತಿಳಿದಿರಲಿಲ್ಲ. ಈ ರೀತಿಯ ನಾಟಕಗಳನ್ನು ನಾವು ಎಷ್ಟೋ ನೋಡಿದ್ದೇವೆ. ಇಂಥ ಕುತಂತ್ರಗಳು ಕರ್ನಾಟಕಕ್ಕೆ ಹೊಸದೇನೂ ಅಲ್ಲ. ಮರೆಯಲ್ಲಿ ನಿಂತು ಬಾಣ ಬಿಡುವ ಈ ಹೇಡಿಗಳು ಬೀದಿಗೆ ಬರಲಿ ಎಂದು ನಾವೂ ಕಾಯುತ್ತಿದ್ದೇವೆ. ರಾಜ್ಯಪಾಲರ ಹುದ್ದೆ ಎಂಬುದೇ ಪ್ರಜಾಪ್ರಭುತ್ವ ವ್ಯವಸ್ಥೆ ಒಳಗೆ ನುಸುಳಿಕೊಂಡಿರುವ ರಾಜಶಾಹಿ ವ್ಯವಸ್ಥೆಯ ಒಂದು ಪಳೆಯುಳಿಕೆ. ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಜನರೇ ಪ್ರಭುಗಳು. ಇನ್ಯಾರೋ ಇಲ್ಲಿ ರಾಜರಂತೆ ಮೆರೆಯುವುದು ಸಾಧ್ಯವಿಲ್ಲ. ನಿಮ್ಮ ಈ ಅಧಿಕಪ್ರಸಂಗದ ಪತ್ರ ರಾಜ್ಯಪಾಲರ ವ್ಯವಸ್ಥೆ ನಮ್ಮ ದೇಶಕ್ಕೆ ಬೇಕೇ ಎಂಬ ಪ್ರಶ್ನೆಯನ್ನು ಮತ್ತೆ ಮುನ್ನೆಲೆಗೆ ತಂದಂತಾಗಿದೆ. ಜನರಿಂದ ಆಯ್ಕೆಯಾದ ಸರ್ಕಾರದ ದೈನಂದಿನ ಆಡಳಿತದ ತೀರ್ಮಾನದ ಕುರಿತು ಪತ್ರ ಬರೆಯಲು ನಿಮಗೆ ಯಾವುದೇ ಹಕ್ಕಿಲ್ಲ. ಒಂದು ವೇಳೆ ನೀವು ಸಾಮಾನ್ಯ ನಾಗರಿಕರಾಗಿ ಈ ಪತ್ರವನ್ನು ಬರೆದಿದ್ದರೆ, ಮೊದಲು ಉತ್ತರದ ರಾಜ್ಯಗಳ ಮುಖ್ಯಮಂತ್ರಿಗಳಿಗೆ ಪತ್ರ ಬರೆದು ತ್ರಿಭಾಷಾ ನೀತಿ ಅನ್ವಯ ಕನ್ನಡವನ್ನು ಮೂರನೇ ಭಾಷೆಯನ್ನಾಗಿ ಅಲ್ಲಿನ ಮಕ್ಕಳಿಗೆ ಕಲಿಸಲು ಹೇಳಿ. ನಿಮಗೆ ಆ ಧೈರ್ಯವಿಲ್ಲದಿದ್ದರೆ ಕನ್ನಡಿಗರ ಹಿತಾಸಕ್ತಿಗೆ ವಿರುದ್ಧವಾಗಿ ಕರ್ನಾಟಕದ ನೆಲದಲ್ಲಿ ನಿಂತು ಮಾತನಾಡಬೇಡಿ. ತೃತೀಯ ಭಾಷೆಯ ಮೇಲಿನ ಪ್ರೇಮವನ್ನು ಉತ್ತರ ಭಾರತದ ರಾಜ್ಯಗಳಲ್ಲಿ ಉಕ್ಕಿ ಹರಿಸಿ. ಪಾಪ, ಅಲ್ಲಿನ ಮಕ್ಕಳು ಇದುವರೆಗೆ ಎರಡೇ ಭಾಷೆಗಳನ್ನು ಓದಿಕೊಂಡು ಬಂದಿದ್ದಾರೆ. ನೀವು ಹಿಂದಿ ಸಾಮ್ರಾಜ್ಯಶಾಹಿಯ ಲಾಬಿಯ ಪರವಾಗಿ ಮಾತನಾಡುತ್ತಿದ್ದೀರಿ ಎಂಬುದು ನಮಗೆ ಚೆನ್ನಾಗಿ ಗೊತ್ತಿದೆ. ಕನ್ನಡಿಗರು ಔದಾರ್ಯವಂತರು. ನಮ್ಮ ನೆಲದಲ್ಲಿ ನಿಮಗೆ ಐಶಾರಾಮಿ ವ್ಯವಸ್ಥೆ ಕಲ್ಪಿಸಿಕೊಟ್ಟಿದ್ದೇವೆ. ಕನ್ನಡಿಗರ ತೆರಿಗೆ ದುಡ್ಡಿನಲ್ಲಿ ರಾಜಭವನ ನಡೆಯುತ್ತಿದೆ. ತಿಂದ ಮನೆಗೆ ಕನ್ನ ಹಾಕುವುದು ತರವಲ್ಲ. ಇದೇ ಅಧಿಕಪ್ರಸಂಗವನ್ನು ಮುಂದುವರೆಸಿದರೆ ರಾಜ್ಯಪಾಲರೇ, ಗಂಟುಮೂಟೆ ಕಟ್ಟಿಕೊಂಡು ನಿಮ್ಮ ರಾಜ್ಯಕ್ಕೆ ತೊಲಗಿ ಎಂದು ನಾವು ಹೇಳಬೇಕಾಗುತ್ತದೆ. ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳಿಗೆ ನೀವು ಬರೆದಿರುವ ಪತ್ರವನ್ನು ಕೂಡಲೇ ಹಿಂದಕ್ಕೆ ಪಡೆಯಿರಿ. ಸರ್ಕಾರ ಶಿಕ್ಷಣ ತಜ್ಞರ ಅಭಿಪ್ರಾಯ ಪಡೆದು ಗ್ರೇಡಿಂಗ್ ವ್ಯವಸ್ಥೆ ಜಾರಿಗೆ ತಂದಿದೆ. ದಶಕಗಳಿಂದ ಕನ್ನಡದ ಜನತೆಯನ್ನುಕಾಡುತ್ತಿದ್ದ ಶಾಪ ವಿಮೋಚನೆಯಾಗಿದೆ. ಒಂದು ವೇಳೆ ಇದನ್ನು ಜಾರಿಗೆ ತರುವುದನ್ನು ತಡೆಯಲು ಯಾರೇ ಯತ್ನಿಸಿದರೂ ಕರ್ನಾಟಕದಲ್ಲಿ ಧಗಧಗಿಸುವ ಕ್ರಾಂತಿಯ ಜ್ವಾಲೆ ಹೊತ್ತಿಕೊಳ್ಳಲಿದೆ. ಮಾನ್ಯ ರಾಜ್ಯಪಾಲರೇ, ನಿಮ್ಮ ಕೆಲಸ ನೀವು ನೋಡಿಕೊಳ್ಳಿ. ಹಿಂಬಾಗಿಲಿನಲ್ಲಿ ಬಂದು ಆಡಳಿತ ಮಾಡುವ ಯತ್ನ ಮಾಡಬೇಡಿ, ನಿಮಗೆ ಆ ಅಧಿಕಾರವನ್ನು ಕರ್ನಾಟಕದ ಜನತೆ ಕೊಟ್ಟಿಲ್ಲ. ರಾಜಭವನದಲ್ಲಿ ನಿಮ್ಮ ಉಪಚಾರಕ್ಕೆ ಏನಾದರೂ ಕೊರತೆಯಾಗಿದ್ದರೆ ಕೇಳಿ, ವ್ಯವಸ್ಥೆ ಮಾಡಿಕೊಡೋಣ. ಬೇರೆ ಉಸಾಬರಿಯನ್ನು ನಮ್ಮ ಜನಪ್ರತಿನಿಧಿಗಳು ನೋಡಿಕೊಳ್ಳುತ್ತಾರೆ. ನಮಸ್ಕಾರಗಳು (ಟಿ.ಎ.ನಾರಾಯಣಗೌಡ) ರಾಜ್ಯಾಧ್ಯಕ್ಷರು ಕರ್ನಾಟಕ ರಕ್ಷಣಾ ವೇದಿಕೆ

ಲಿಂಗಾಯತ ಸಮಾಜದಲ್ಲಿ ಹುಟ್ಟಿ, ಸಮಾಜ ಸೇವೆಗಾಗಿ ಶರಣರಂತೆ ಬಾಳಿದ ಹೆಮ್ಮೆಯ ಸಕ್ಕರೆ ಕರಡೆಪ್ಪನವರು. ಬಳ್ಳಾರಿಯ ಸಕ್ಕರಿ ಸಂಗನಬಸಪ್ಪ ಮತ್ತು ಗಂಗಾಂಬೆ ಸದ್ಭಕ್ತ ದಂಪತಿಗಳು, ಶರಣ ಧರ್ಮವೇ ಮೈವೆತ್ತು ಬಂದಂತಿದ್ದ ಪರೋಪ ಕಾರವನ್ನು ಸಹಜ ಬದ ಕಿದವರು ಅವರಿಗೆ ಗಂಡು ಮಗುವಾಯಿತು; ಅದಕ್ಕೆ ಬಸವಪ್ಪನೆಂದು ಹೆಸರಿಟ್ಟರು. ಆದರೆ ಮುಂದೆ ಆತನಿಗೆ ಕರಡೆಪ್ಪನೆಂಬ ಹೆಸರು ಪ್ರಾಪ್ತವಾಗುತ್ತದೆ. ಕರಡಪ್ಪನವರಿಗೆ ಯೌವನ ಬಂತು. ನಿಂಬಗಲ್ಲಿನ ಗಂಗಾಂಬಿಕೆಯನ್ನು ಮದುವೆ ಯಾದ; ಮನೆತನದ ಕಾಯಕವಾದ ವ್ಯಾಪಾರದಲ್ಲಿ ತೊಡಗಿದನು. “ಚಿತ್ರಶುದ್ಧನಾಗಿ ಕಾಯಕ ಮಾಡುವ ಸದ್ಭಕ್ತನಿಗೆ ಎತ್ತ * ನೋಡಿದತ್ತ ಲಕ್ಷ್ಮೀ ತಾನೇ ತಾನಾಗಿಪ್ಪಳು.” ಕರಡೆಪ್ಪನ ಸಂಪತ್ತು ಬೆಳೆಯಿತು. ಸತ್ಯಶುದ್ಧ ಕಾಯಕದಲ್ಲಿ ದಾಸೋಹ ವಿರಲೇಬೇಕು. ಕರಡೆಪ್ಪ ದಾಸೋಹಿ ನಿತ್ಯ ನೂರಾರುಜನ ಆತನ ಮನೆಗೆ ಬರತೊಡಗಿದರು; ಮನೆ ಮಠವಾಯಿತು ಅನ್ನದಾನದ ಜೊತೆಗೆ ಕರಡೆಪ್ಪ ವಿದ್ಯಾದಾನಕ್ಕೂ ಮನಸ್ಸು ಮಾಡಿದನು. ಗುರುಗಳ ಆದೇಶದಂತೆ ಸಂಸ್ಕೃತ ಪಾಠಶಾಲೆ ಸ್ಥಾಪಿಸಿದನು. ಕರಡಪ್ಪನವರ ಚೌಕವೆಂದು ಈಗಲೂ ಬಳ್ಳಾರಿಯಲ್ಲಿರುವ ಸ್ಥಳದಲ್ಲಿಯೇ ಸಂಸ್ಕೃತ ಪಾಠಶಾಲೆಯಿತ್ತು ಊಟ, ವಸತಿ, ಬಟ್ಟೆ, ವಿದ್ಯೆ- ಎಲ್ಲವೂ ಇಲ್ಲಿ ವಿದ್ಯಾರ್ಥಿಗಳಿಗೆ ಉಚಿತವಾಗಿ ದೊರಕುತ್ತಿತ್ತು, ಒಂದು ದಿನ ಗುರು ಸಕ್ಕರಿ ಕರಡಪ್ಪನನ್ನು ಕರೆದು "ನಮ್ಮ ಇಹಲೋಕ ಮಣಿಹ ಮುಗಿಯಿತು. ನಿನಗಿನ್ನು ನಾನಾ ರೀತಿಯ ಕಷ್ಟಗಳು ಬರುವವು; ಧೀರನಾಗಿ ಬಾಳು" ಎಂದು ಹೇಳಿ ಕೆಲದಿನಗಳಲ್ಲಿ ಐಕ್ಯನಾದನು. ಕರಡೆಪ್ಪನಿಗೆ ಒಂದರ ಮೇಲೊಂದು ಕಷ್ಟಗಳು ಬರತೊಡ ಗಿದುವು, ಮಡದಿ ಗಂಗಾಂಬಿಕೆ ಲಿಂಗೈಕ್ಯಳಾದಳು. ಕರಡಪ್ಪ ಮತ್ತೊಂದು ಮದುವೆಯಾದನು ಕಾಡಿ ನೋಡುವ ಶಿವ ನಿಗೇನು? ಇನ್ನೊಬ್ಬ ಮಗ ಕೊನೆಯುಸಿರೆಳೆದನು, ವ್ಯಾಪಾರದಲ್ಲಿ ಅಪಾರ ಹಾನಿಯಾಯಿತು. ಒಮ್ಮಿಂದೊಮ್ಮಿಗೆ ಸರಕಾರಕ್ಕೆ ಲಕ್ಷ ಹಣ ಕಟ್ಟಬೇಕೆಂದು ಆಜ್ಞೆ ಬಂದಿತು; ಕೈಯಲ್ಲಿ ಹಣವಿಲ್ಲ ಶಿವೇಚ್ಛೆಯೆಂದು ಗುರುವನ್ನು ಸ್ಮರಿಸಿದನು ಬೆಳಗಾಗು ವುದರೊಳಗಾಗಿ ಹಣ ಕಟ್ಟಬೇಕಾಗಿಲ್ಲವೆಂದು ಸರಕಾರದಿಂದ ಮತ್ತೊಂದು ಆಜ್ಞೆ ಬಂತು ಶಿವನು ಭಕ್ತರೊಡನೆ ಕಾಲುಕೆದರಿ ಜಗಳ ತಗೆಯುತ್ತಾನೆ; ತರಕಟ ಕಾಡಿ ನೋಡುತ್ತಾನೆ ಆದರೆ. ಕೊನೆಗೆ ತಾನೇ ಸೋಲುತ್ತಾನೆ; ಸೋತು ಸಂತೋಷ ಪಡು ತ್ತಾನೆ: ಭಕ್ತನನ್ನು ತನಗಿಂತ ಅಧಿಕನೆನಿಸುತ್ತಾನೆ. ರಾಕ್ಷಸ ಸಂವತ್ಸರ ಕಾಲಿಟ್ಟಿತು; ಭೀಕರ ಬರಬಿತ್ತು ದೂರ ದೂರದಿಂದ ಜನ ಸಕ್ಕರಿ ಕರಡೆಪ್ಪನ ಹೆಸರು ಕೇಳಿ ಬರತೊಡ ಗಿತು, ಬಂದವರಿಗೆಲ್ಲ ದಾಸೋಹಕ್ಕೆ ಅಣಿಮಾಡಿದನು ಕೈಯಲ್ಲಿದ್ದ ಹಣ, ಮನೆಯಲ್ಲಿದ್ದ ಸಂಪತ್ತು ಎಲ್ಲವೂ ವೆಚ್ಚವಾಯಿತು ಆಗ ಜನ ಆತನ ನೆರವಿಗೆ ಬಂದರು, ಬರಗಾಲ ಮುಗಿಯುವ ವರೆಗೆ ಅನ್ನ ಸಂತರ್ಪಣೆ ನಡೆಯಿತು. ತನ್ನ ಸಂಪತ್ತೆಲ್ಲ ಬರಗಾಲ ಪೀಡಿತ ಬಂಧುಗಳಿಗೆ ವಿನಿಯೋಗವಾಯಿತೆಂದು ಕರಡೆಪ್ಪ ಹಿಗ್ಗಿದನು. ಶಿವನ ಸೊಮ್ಮು ಶಿವನಿಗೆ ಸಲ್ಲಿತೆಂದು ಹೆಮ್ಮೆಪಟ್ಟನು. ಗುರು ಮರಿಸ್ವಾಮಿ ಆದೇಶವಿತ್ತಿದ್ದಂತೆ ಭಸ್ಮ ಮತ್ತು ಲಿಂಗಗಳ ಒಂದು ಕಣಜವನ್ನು ಮಠದಲ್ಲಿ ಕಟ್ಟಿಸಿದನು. ೧೭೯೭ ಯುವ ಸಂವತ್ಸರ ಕಾರ್ತಿಕ ಶುದ್ಧ ದ್ವಾದಶಿಯಂದು ಲಿಂಗದಲ್ಲಿ ಲಿಂಗವಾದನು.