مشاري محمد

طرّف الليل يا أصحاب النفوس العميقه من يرتّب مواعيدي ويرسل سلامي كل ما أسمع قصيد وكل ما أسمع موسيقه كنّي أقطع معاليقي وأكسّر عظامي من ضغوط الحياه ومن صداع الشقيقه مابقى الا القصيد اللي يشدّ إهتمامي أتقهوى دلاله وأتقهوى بريقه وأكتبه في مواقف كل حرٍ قطامي وفي بنات الهبوب وفي غرام العشيقه وفي هيام الذلول وفي رقبة الآدامي كم لي أدوّر لنفسي بنفسي طريقه والعرب ماتحنّ من الظمأ كل ظامي دام الأرزاق تكتب عند رب الخليقه ما لحد فضل في رزقي ولا في دوامي كثر ما شفت هم وكثر ما شفت ضيقه مستحيل أرخص دموعي وأنزّل مقامي عادي أتبع سراب اللي خدعني بريقه بس ما أعيش في حكم الظروف إنهزامي يا رفيقي لا شلت اللي ما تقدر تطيقه خل راسك شجاع وخل قلبك عصامي أبشر إن المشاكل كلها في حريقه وأبشر إن الوعد قدام والطق حامي وأبشر اني رفيقٍ ما يخلّي رفيقه لا غدا كل طيّب عن رفيقه يحامي يوم ذلّ الجبان اللي ماكمّل طريقه الشجاعه براسي والسعد في حزامي يأكل الخوف فاللي نشّف الوقت ريقه مثل مايأكل الشعار بيت الزلامي أترك اللي يماري بالجدود العريقه وأعتنز بأسمي اللي من كبار الاسامي العرب هرجهم فالثانيه والدقيقه ولا تسد اللزوم ولا تغيث الظوامي وأنت خبرك عتيق وذكرياتك عتيقه ودي ألوم لكن كيف تفهم ملامي إن بغيت الكلام الواقعي والحقيقه آخذ مني كلامي وأنتبه في كلامي وإعتبرها نصيحه من صديق لصديقه وزلةٍ دون قصد ورميةٍ دون رامي

@kuwaiti_611_ تسلم يامشعل

@dih2i لله درًك👏🏻

للمشاوير صوت وللحياة ألوان وللرسايل قصيد وذكريات وشوق كنت أدوّر على أدنى سالفة.. والآن تاركٍ في زوايا الذاكرة طاروق أدري إن السنين تعلّم الإنسان والتجارب عذاب الطارد الملحوق خلّ الأفواه تنطق والوجيه تبان وأسمع الشاعر الواثق من المطفوق كل لحظة ماتشبه لحظة النسيان وكل ضحكة ماتشبه ضحكة المعشوق أنت ياللي عطاك الله من التحنّان الله يزيد عمرك بالحلا والذوق ايه أحبك وأشوف إن العتب برهان واحدٍ مايعاتب مايعرف يتوق لك معي ما يشدّ الخاطر الزعلان ولي معك ما يتلّ القلب والمعلوق قد مضى الوقت وأحداث العمر سيّان ما تداوي جروح ولا تبلّ حلوق لين جادت بك الدنيا رضى وإيمان نعمةٍ جابها ربّ البشر من فوق

@asbei3 الله يسلمك يابو عبدالله

@dih2i أستذة يابو محمد

كيف بنساك يا عودٍ تنامى في خميلة

- - جمة" يصبح عليها اللي يمن ويمسي لا تحذف الدلو فيها لو تجيها ضامي - -

من أعذب قصائد مشاري محمد ؛ هالاربع قصايد وغيرها ايضاً من قصائد عذبه وتاريخيه لكن هالاربع لها مكانه خاصه /

@yvvuuy رايق يا عبدالرحمن

يا لقاي بذاتي المتغرّبه ، عن ذاتي يارضا نفسي على خير الزمان وشره أنت جيت وجابك الله عقب طول شتاتي وعودت فيك السنين الذابله مخضرّه نظرتي .. ذوقي .. سواليفي .. غناي .. سكاتي ودي أعرف لـ إرتباط اللي معك وش سره فيك من حزني ، كثر مافيك من ضحكاتي فيه أحد قال أنت تشبهني قبل هالمرّه ؟

عيد الله عليكم مبارك كل عام وأنتم بخير 🤍

ماني معيّد لو الناس هذي عيّدت لين أشوف اللي لشوفي قتلها همّها آنسة كل القصايد هذيك.. وسيدة: حلم شاعرها وقلبه وأبوها وأمها

لا إله إلا الله وحده لا شريك له، له الملك وله الحمد وهو على كل شيءٍ قدير

@Hamad_bnhindi تسلم يا حمد الله يرفع قدرك 🙏🏻

@dih2i ما تداوي جروح ولا تبلّ حلوق.. الله يا مشاري

كنت أدوّر على أدنى سالفة.. والآن تاركٍ في زوايا الذاكرة طاروق

@tmaah_ @6olxr تسلم ياطماح

@dih2i @6olxr الله الله الله يبو محممد :)

قال ﷺ: "سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة" قيل وما الرويبضة يا رسول الله ؟ قال: «الرجل التافه يتكلم في أمر العامة»

@6olxr الله يسلمك يامطلق

@dih2i قرّبتك الليالي لين طاب السمر .. - الله علييك يابو محمد

كل الأحداث يا غصنٍ من الله رطيب ما تقلل غلاك الباقي المستمر حطّ قلبي بكفّك وأعتبرني حبيب وأعتبرك السحاب الصيّب المنهمر كنت الأبعد بعيد وصرت الأقرب قريب قرّبتك الليالي لين طاب السمر العجب يوم أشوفك وأنت كلّك عجيب تجمع اللول والماء والبرَد والجمر ماني بناشد الدنيا وش اللي تجيب بعد هبّ النسيم وبعد طلّ القمر ماتحت رمش عينك غير قلبٍ صويب ولا ورى رمش عينك غير ليلة عمر

يامشرّف بي على روس الطوايل

عادي تشوف اللي يحك العود فالعود ولا تشوف اللي يزيد الطين بلّه