Nada Babelli نَدَىٰ بِنْت إِسْمَاعِيل

كلام من القلب، راح اكتبه مرة وحدة واذا احد سألني ثاني بوجهه لنفس الرسالة 🙏🏻 رأيي الشخصي عن الطب البشري في السعودية وكيف ممكن اتغير لو معدلي قليل… اذا كنت انسان مرن وما عمره فرق معاك ايش تشتغل…وازن حياتك اذا عندك شروط، ولا تبغا تتخصص الا تخصص معين وتنافسي او مدينة معينة… معليش لازم تضحي تقريباً بكل شي (الدين والصحة والاهل من الدرجة الاولى هم اللي راح يبقوا لك فقط) هاذي الحقيقة واكلمكم من المستقبل المستقبل ما يرحم اللي ما اجتهد…ممكن تعطي فرص ثانية اكيد لكن مو بالطريقة اللي تبغاها ولا في المكان اللي تبغاه جهز دايماً نفسك للمستقبل ما تعرف ايش تحتاج واعطيكم امثلة البعض كان متأمل في وظيفة سيرفس (طبيب عام) من بعد التخرج عشان نقاط الهيئة…لكن صدف ان البوابة قفلت لها اكثر من ٦ شهور الله اعلم متى تطلع. طبعاًالبض بينه وبين القبول صار بعيد جداً اشبه بالمستحيل (على حسب معدلات السنة الماضية، اكيد الله كريم النسب تتغير كل سنة لكن على حسب الارقام صعب ينقبل هاذي السنة) الابتعاث…البعض يعتقد ان اي شخص ممكن يبتعث لكن اعرف ناس شخصياً اترفضوا من الابتعاث بسبب ان معدلهم اقل من 3.5/5 سيبوكم من الابتعاث بعض المستشفيات لها حد ادنى للمعدل للقبول بدون تحديد اسماء وكم النسب لكنها مستشفيات مرجعية، من باب فلترة الطلاب. موضوع انك ما تنقبل من اول سنة مهي نهاية العالم بس جهز نفسك بتدفع عن كل شهر اتاتشمنت (تدريب ما بعد الامتياز ٢٠٠٠ ريال تقريباً ولازم تتدرب ٦ شهور يعني يعني ١٢ الف ريال وانت مو موظف لسا. الطريق شاق لكن الطب يعطي فقط للي يعطي كل ما يملك لمهنته، طبعاً فيه اشخاص ربي ابتلاهم حتى بعد كل هذا لكن اذا ما اشتغل على نفسه في الكلية اللي كان التخرج منها مستحيل كان ايش صار فيه؟ انت ورزقك وهذا ابتلاء اكيد ولازم تصبر عليه الطريق الامثل للنجاح من بعد الدعاء والعمل بالاسباب والالتزام من رأيي هي العلاقات بالطلاب من دفعتك واكبر منك، اذا اخذت اسلوب الانانية ماراح تتوفق بحياتك وراح تحرم نفسك من مصادر ونصائح جوهرية في كل بلوك. انا دايماً امشي خطوة بخطوة كنت مع شخص اكبر مني عدى البلوك او الروتيشن واسمع بنصائحه من بدري وطبعاً اشغل عقلي اشوف ايش اللي تغير لكن عمري ما بدأت من الصفر في اي مادة دائما ابني على اللي بنوه زملائي…ومباشرة انشره لدفعتي كاملة ولا ابخل بالمعلومة حتى لعدويي لأن ابغا ربي يوفقني قبل اي شي لكن في نفس الوقت زملائي صارو يساعدوني من نفسهم من دون ما اطلب. واذا طلبت محد يردني بحول الله طيب كيف ممكن اتغير؟ معدلي ومستواي مو عاجبني؟ هذا رأيي وما يهمني ايش غيري يقول الحقيقية في دي النقطة، السر في التحسين هو المذاكرة المستمرة حتى في الصيفية…السر انك تصير مكينة علم وقراءة…تتشبع علم وتغير كيميائية دماغك وتصير تستمتع بالعلم. اذا قعدت تحارب نفسك وتحارب العلم انت بتعذب نفسك، مافي تغيير بدون تضحية، اولها لازم تفكر انك عسكري، مكينة…وهذا تفكيري الشخصي الطب عسكرية الدوافير كعسكري ما تهمني الحلطمة، ما تهمني المفاجآت ولا الالتزامات المفاجئة سواء للكلية او في الحياة، دائماً اهدافي قصيرة المدى ما عمري طالعت في ال A+ دايماً هدفي اني فقط امر على اللي درسته اليوم مهما صار. اجي قبل غيري بنص ساعة الى ٤٥ دقيقة لكل بداية يوم اقرأ فيها من amboss اخلص محاضرة او اسمع مقطع قصير قبلها في السيارة اسمع المحاضرة قبل احضر الجامعة، عدت نفس مقطع ال myocardial infarction من مدرسين مختلفين على اليوتيوب قبل احضر وتصير المحاضرة تثبيت للفكرة او تجميع وتوصيل للنقاط فقط. عمرك لا تخلي الجامعة او محاضرة الدكتور هو اول تعرض لك للمعلومة كل محاضرة ادخل لها وانا عارف راح يتكلم عن الشي الفلاني، بالعكس انا قاعد احتريه يتكلم عنها! اجلس اول واحد او ثاني واحد عشان ما انام، واكتب نوتات وما اعتمد على ملاحظات غيري الا للضرورة القصوى. ما اعتمد على تسجيل المحاضرة لو كان موجود لها تسجيل مهما صار لاني راح اتكاسل وما اركز. بالنسبة للإجازة كانت فقط يوم الجمعة لحد الساعة ٦ المغرب من ٦-١٠ اذاكر فيه. الطريق يحتاج تبدأه من بدري بدي الطريقة لو تبغا تصير الاول على الدفعة بحول الله، انا عرفت الطريقة بعد ما تأخرت اكثر من سنة من دفعتي اللي تخرجت معاها في الثانوي بعد ما شفت اغلاطهم قررت امشي بأفضل طريق ممكن. وعدت نفسي اني اتغير بعد ما الله عزوجل اعطاني فرصة في حياتي ودخلت الكلية الحمدلله. كل ما تبدأ ابدر بتشكر نفسك قدام، واذا وصلت للسنوات الاخيرة لازم تستغل الصيفية وتتغير. الطريق موجود لكن العزيمة مطلوبة…تحرر من الحرب الداخلية واستمتع بالرحلة، وتخل عن حياتك السابقة. وفقكم الله

اللهم لك الحمد احمدوا الله واشكروه فإننا غارقون في نعم الله وأفضاله

فداك العمر، وايام الشباب ولمة الأقراب وسنين تجي وتروح ماهي محسوبة

لكُلِّ شيءٍ أوانٌ فلا تستعجِلْ! #رسائل_من_القرآن

فيه شيء غلط لما طبيب ينصح الاطباء الباقيين بالعقار او البحث عن مصدر رزق آخر. في 2017 رجعت السعودية من استراليا وكان راتبي 40 الف ريال لما جيت انعرض علي 3 الاف ريال. الحين عدوى طب الاسنان اصاب الطب البشري. كالغرغرينا تنتقل ببطء من عضو لآخر. الحل ليس ان تغير تخصصك او تبحث عن وظيفة أخرى. الحل ان تطور نفسك في مجال تخصصك وترفع دخلك طبق النصائح التالية: الطبيب اللي دخله كله من التأمين. بنى بيته على أرض غيره. التأمين يدفع ما يبيه هو. مو ما تستاهله أنت. وأي قرار إداري يغير شبكته. يغير معه راتبك. الحل في أربع خطوات واضحة. الأول. ابنِ ذراع نقدي موازي. خدمات اختيارية ELECTIVE. برامج متابعة. حزم وقائية. أي شيء المريض يدفعه لأنه يثق فيك. مو لأن شركته وافقت. الثاني. افتح حساب واكتب. السوشيال ميديا مو دعاية. هي سيرتك الذاتية الحية. الطبيب اللي ما عنده حضور رقمي موجود. لكن غير مرئي. والمريض اليوم يختار طبيبه قبل ما يحجز بأسابيع. الثالث. اهتم بتجربة العميل النقدي أكثر. مريض التأمين جاء لأن شركته تدفع. مريض النقد جاء لأنه اختارك. الفرق في الولاء. في الالتزام بالخطة. في احتمال إنه يرجع ويجيب معه أهله. الرابع. اجعل اسمك أكبر من لافتة المكان اللي تشتغل فيه. لما مريضك يجي لأنك أنت. مو لأن العيادة قريبة من بيته. ما تكون رهينة أي قرار إداري. وما تحتاج تدور بديل كل ما تغير عليك شيء. الطبيب القوي مو اللي عنده أكثر مرضى. اللي عنده أكثر خيارات.