مشاري المطيري

اللهم ارحمني يوم لا تنفعني إلا رحمتك.

الي تركنا والليالي تساهيل بترجعه سود الليالي علينا

عسى نقبل ونقفي وحنا عزاز نفوس وعسى من يظن فينا لقانا على ظنه

مسيراتك مثل سرب الحباري تبغيلها واحداً ماقد تروع أقدم لها صقراً عليها انتحاري حول عليها مثل حراً مجوع

ياصبر الأرض الي تضم الرياجيل نمشي عليها والنشاما تحتها

على طاري الذكرى تذكرت لي رجال يفك النشايب كنه " يفك ازاريره ".

لاصار طيري يجذبه كّل ملواح يدي على فرقاه ترخي سبوقه

﴿رَبِّ يَسِّرْ لِي أَمْرِي﴾

لابتي وان جا نهار يشيب بالوليد زعزعت برعوص واللي سمعها ما قعد

لعل مابينــــــي وبينه مواصيل اللي على طرد الكــــلام يتلهب إليا عزمته وأنت عندك رياجيل كنك تحاضـي لك سلاحٍ مزهب.

هذا الزمن لاعاد تشره على الناس ولا تعاتب كل ماشفت زلة البعد زين وعزة النفس نوماس اخير لك من ربع قلي وقله تنسى سوالف كل باير وبلاس وينزاح عنك الهم دقه وجله من جالس اهل القيل يبشر بالافلاس لو كان ريس دولةٍ مستقله

ابليس شب النار وابليس من نار والناس طين وزادوا الطين بله

آنا كذا مخلوق من خمسة آنهار حزن وألم شعر وخيال وشجاعه بيني وبين الحظ غربه ومشوار همي سنّه وآفراح دنياي ساعه

رفيقنا تفنى له ارصدة البنوك قبل الذخاير فالحزام الممتلي تحدّنا صوبه مواثيق وصكوك غير الغلا اللي بيننا ماله حلي اليا رضا قلنا عسى حجاجه ضحوك وعسى سنينه ماتغيب وتنجلي واليا زعل روس المشايخ والملوك صارت عندنا ماتسوى راس الطلي

ان ضاعت الوقفه بـ سودان الوجيه  ترى مواقفنا .. ماهيب مصنّعه  انسنّع اللي لازمه .. نقدر عليه  حتى اللي مانقدر عليه ، نسنّعه .

ياشين طعم الصبر لاصرت مجبور تصبر ولا تدري وش الأيام تعطيك

مايذبح الرجال غير الحسايف اليا تذكر فرصةٍ وقتها فات يصير في صدره عليها لهايف وده على ترجيعها مير هيهات

جرح في ظهر الخيل تحت السرج متداري لا الخيل يشكي ولا الخيال داري

إليا دعـانا الشر ونـادى مناديه حنا إليا نادى مناديه جينا يا مـرحبا بالعلم الاقشر وطاريه اللي بيكشف من لنـا ومن علينا

الذكريات بكل الاحوال تشقيك مافيه روح من الحنين استراحت تحزن على ذكرى حزينه تبكيك وتضيق من ذكرى جميله وراحت .

سلم على جدي وعطه البشاره اللي بقى من سور مجده بنيناه .