
Rayan Almaghrabi
7K posts

Rayan Almaghrabi
@iRayan_M
مهتم ب #التجارة_الالكترونية وخبير ب #التسويق_الالكتروني . مؤسس #متجر_نانو @nano_eshop ماجستير #هندسة_صناعية



مميزات و عيوب سيارة لكزس RX 2023 بعد التجرية ✅ بوست طويل تجربتي وتقييمي لسيارتي الخاصة بعد استخدام 8 أشهر .. وان شاء الله اذا مقبل عالشراء تستفيد من هالمحتوى .. امور الاداء والمحركات ماتعمقت فيها عشان كذا لازم تشوف محتوى آخر عشان تكوّن إنطباع كامل عن السيارة. نبدأ بسم الله ♥️ المميزات 👍🏻 - التصميم الجديد جميل جدا من الخارج والداخل ولفت نظري من يوم الاعلان لين اشتريتها ولين اليوم ماشاء الله بس .. قطعة حلوى تمشي في الشوارع. - بعيد عن تقييمات المحترفين كمستخدم عادي .. كل شي يتعلق بالاداء كويس .. مبسوط من السيارة عزمها كويس و ماشية معي زي الحلاوة. - القيادة مريحة .. ماني مهتم لابسفر ولا بر ولا ني حق كرف ومرتاح جدا جدا جدا معها تبارك الله. - سافرت عليها الاردن وكانت تجربة ممتازة لدرجة وقفت مرتين في الطريق اصور واشم هوى .. ماجاني شعور الله يعين متى نوصل لاني كنت مرتاح في السواقة. -انظمة الامان في السيارة وميزات السلامة مثل التحذيرات و تحديد المسار موثوقة وحساسة جدا وتعمل بشكل مثالي ومبسوط منها حتى لو انها بثرة احيانا. - السيارة مترابطة بشكل مثالي من تحت مالاحظت اي اصوات نهائياً حتى اللحظة مع الحفر والمطبات بعض السيارت تطلع اصوات هذي ماشاء الله تلقم الحفرة وتتألم بصمت😬 - التكييف ممتاز لولا مشكلة رائحة الثلاجة الزفت طفشتني. -سيارتي هايبرد ولاتصرف بنزين لدرجة حرفيا انسى متى عبيت اخر مرة ومن اي محطة. - الكاميرات جيدجدا .. المقاعد اوكي .. الشنطة كهربائية وفيه مساحات تخزين متنوعة. - الصوتيات ولاغلطة وهي من السيارات اللي تخليك تطول المشوار عشان تكمل اغنيتك صراحة 🤩. - الشاشة كبيرة ورائعة لكن للاسف النظام اللي عليها مااستغلها صح. - خيارات التحكم والتخصيص من الشاشة تمشي الحال - كمستخدم اندرويد طبعا مبسوط من تواجد منفذ تايب C في كل مكان. - الكل يقولي هي سيارة اعتمادية ولكن هالشي يحتاج وقت للحكم بشكل دقيق فما اقدر احكم الا بعد فترة. العيوب 👎🏻 - رغم اللمسات الجميلة .. لسى ماوصلت لمستوى فخامة ورفاهية السيارات الالمانية يوم تركب مرسيدس قديمة 2020 مثلا بتعرف وش اقصد. - في أصوات تك تك جغ جغ في الديكوات مستفزة جداً. - ريحة ثلاجة المكيف لازم دورة تنظيف للهواء كل فترة. - صوت المكينة عالي واحيان اقول ليتني خذت بنزين وتركت الهايبرد يمكن الصوت اهدى. - تبريد المقاعد اذا شغلته صوته مستفز كنت مشغله وماادري وش هالصوت احسبه عطل فني في السيارة لين علمني واحد من الشباب وطفيته وافتكينه من ونينه. - العزل عادي كنت متوقع افضل بكثير .. شكله كويس بس انا رفعت سقف التوقعات. - نظام الاوتو هولد غير سلس مرات اتشنج لين تفز وتمشي فصرت اطفيه والله يغنينا عنه.😅 - واجهة المستخدم فقيرة .. شوية قوائم تقليدية مافيها اي ابتكار ولاحماس .. ننتظر الافضل بعد شراكتهم مع هواوي. - اندرويد اوتو لازم سلك قالوا بيجي تحديث يحلها ولا جاء. - مساحة الارجل للركاب في الخلف صغيرة الى حد ما. - تخيل سيارتي Hybrid Plus و مافيها تشغيل عن بعد.🤦🏻♂️ - سعر السيارة مبالغ فيه واعتقد مو بس هي اغلب السيارات اسعارها مرتفعه. - مع كل زيارة للصيانة في تبوك تحس انك رجعت 20 سنة للخلف فوضى وتعامل سيء لأبعد الحدود. تقييمي للسيارة 7 من 10 حتى الان .. لو لكزس السعودية تحل مشكلة اندرويد اوتو خصوصا ان سيارات اوروبا وامريكا لاسلكي ومشكلة فرع صيانة لكزس في تبوك مستعد اتعايش مع الاشياء الاخرى وبكون سعيد جداً .. وسلامتكم #Lexus












نسعى للتنويع في أشكال ومقاسات منتجاتنا حتى تلائم جميع احتياجاتكم 📦📦 #شحن#تغليف#كرتون#تصنيع#














