M . omar

صباح الخير. محدٍ كامل! بس ارتبط بشخص يكون إضافة لحياتك، ليومك، يزيد عليك أشياء حلوة، سمح، ليّن، هيّن، واعٍ وحنون، معدنه طيّب ما ينخاف منه. هذه متطلبات الحد الأدنى وبخلاف ذلك (بلاش منه).

مساء الخير، بالمناسبة أنتَ في حِلٍّ من كلِّ ذنب، لكن قف وقفةَ الأوفياء، وأرني دمعةً عصيّةً على السقوط؛ ليعلمَ قلبي أنكَ حزنت، ولتأمنَ عيني أنكَ لم تنكسر.

@abdullah8da لقد هرمنا

5:50

أعظم مراحل السلام النفسي توصلها لما "تطيب نفسك" من شيء كنت تقاتل علشانه. الراحة اللي تجيك مع زوال الرغبة وانطفاء اللهفة، تشبه تمامًا "لـذة" الحصول عليه! شعور الاستغناء بعد محاولات كثيرة… انتصار عظيم للنفس.

ودائمًا خل "الباب مردود" بكل علاقاتك. وعلّق عليه لوحة بخط عريض: (درب السلامة)… عشان يطلع منه اللي ودّه. حياتك أغلى بكثير من أنك "تحاول" بأحد يبقى فيها.

صباح الخير، كان الاتفاق أننا سنمشي معًا تحت أي سماء، ولكنك عند أول غيمة، أفلتَّ يدي، وادعيتَ أننا كنا نسير مصادفةً.

طاقتك النفسية لها حدود.. فلا تبعثرها في تحليل نوايا الناس وأفعالهم .. احفظ مشاعرك لشيء يستحق … حرق الأعصاب على تصرفات الآخرين، هو: كأنك تتطوع بجلد ذاتك، بالنيابة عن حماقة سواها غيرك.

صباح الخير. هو الشخص اللي أنت مو فارق معه، ما راح يتكلم لا فيك ولا عنك، وهذه قاعدة شاملة. "ما يهذري المهذري، إلا من حرّ السخونة"

لا تربط مبادرتك في علاقاتك بانتظار المقابل.. اللي يدوّر استقرار حقيقي ما يوقف مكانه ويتحجج بانتظار أن يبدأ غيره. العلاقات الناجحة تُبنى على المبادرة والمسؤولية الذاتية.. سوّ اللي عليك بصدق، وإن بخلوا أو تراجعوا، فقد أديت أمانتك، عجزهم يعنيهم لحالهم.

كان هذا كل شيء مني وآخر شيء، ما بيننا من مسافة تقع على عاتقك بعد الآن.

من يعلق حياته بالانتظار.. يروح عمره يترقَّب.. لا تعيش على فكرة إن للسعادة "أسباب" و"أماني" لابد تتحقق.. وتضيع أيامك تنتظر الدنيا تجود عليك بفرح "جاي".. افرح وانبسط اليوم باللي عندك.. وبتلقى كل الأسباب الباقية صارت "تحصيل حاصل". اللي تعيشه اليوم، هو أُمنية غيرك بكرة.

أغلى استثمار نحط فيه أعمارنا هو "العائلة". اليوم محد مجبور يبقى… لكن النتيجة العظيمة تبي جهد استثنائي؛ شوية تغافل، ومصارحة، وأخذ وعطا… الرحلة شاقة، لكن بكرة هالدفء و "العزوة" بعائلة مترابطة وسوية، يسوى ويستاهل.

المتردد حتى الحياة ما تحترمه! فإن قررت اجزم واقدم ولا تلتفت… دائمًا الخطوة الأولى هي "الركزة" خلها قوية ثابتة … ما سرق من الأعمار شيء.. كثر ما سرق منها التردد.

شارد ؛ كأنه يتبع أثرًا لا نراه .

@DrNafi3 😂😂

@ma8buol ليتك شايف التغريدة على البروجكتر 🤣 ابيهم 🔥 ، وصدقني بيصدقون السالفة ههههه

شيء يضحك يوم تكتشف إن كم سطر كتبتها بعفوية عن بيئات العمل السامة صارت ضمن "أجندة" نقاش في قاعة اجتماعات! حنا نكتب عن واقع للموظف البسيط وما سمينا أحد، لكن صدق من قال اللي على رأسه "بطحة". 😂

@DrNafi3 عطيته ؛ وللأسف مامعه ماعون .

صباح الخير. عسى طلع يستاهل العنوة؟

الإيميل اللي فيه "CC للكل" مو استفسار بريء، هو فخ لاستدراجك! إذا حاول أحد "يحشرك" العب بالمنطقة الرمادية… وبدال ما تكتب "معروض" تدافع فيه، رد ببرود: "الموضوع يطول شرحه كتابةً، بأتصل عليك لتوحيد الفهم"… انقل المعركة خارج السجلات؛ حرمانهم من الدليل المكتوب هو طوقك للنجاة.

يؤسفني تهميش العاطفة في اتخاذ القرارات الشخصية وكأنها نقيصة يُعاب عليها. الواعي لا يجرّد نفسه من عاطفته، بل يأخذ بقلبه كما يأخذ بعقله.. فما الحكمة من وجود هذه الأحاسيس بدواخلنا إذاً؟

صباح الخير. الشخص غير السوي لا تردعه روابط الدم، والغيرة المفرطة هي من أوضح أدلته.