..

رسالة حُب تدل صاحبها لو لامست حروفي قلبك .. إذاً هي لك 🩵 أنا أعرف حجم التعب اللي مريت وتمر فيه التعب الجسدي الكل يلاحظه ويعذره التعب الجسدي من الأسهل علاجه لكن أنا أتفهم وأستشعر تعبك النفسي والشعوري والفكري بكل مرة تعتقد إنك وصلت وتكتشف إن قدامك الطريق طوييييييل بكل مرة تغمرك مشاعر زي الطوفان ترجعك لنقطة كنت تتوقع إنك سويت لها تسجيل خروج وانتهيت منها أنا هنا بواقعك .. معك .. أفهم عليك أعرف مرررة زين هذا الشعور وجربته أستشعر مقدار السعي اللي بذلته عشان توصل لنتيجة ظنيت إن فيها خلاصك من الألم لكن اسمح لي أقولك: هذا الوقت لن يستمر وهذا الألم راح يتشافى كل اللي تمر فيه يسحب وينهي كل شيء ما يشبهك وما يشبه حقيقتك وجوهر روحك انت مو ألمك انت مو ضعفك انت مو خوفك انت مو شرَّك! الله سبحانه جعلك خليفه في أرضه روحك شرارة من روحه تحمل معها غاية وهدف ورسالة من النور للنور انت فقط تمر بمرحلة تطهير وتزكية لنفسك يزول معها كل شيء غير حقيقي كان مغطي عليك نور روحك ✨ عملك الصالح منها يكمن في سعيك وصبرك والنتيجة اللي بترضيك حتمية! هذا وعد من الله لقلبك 🩵 ﴿ وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ﴾ وتذكر .. انت مو لحالك! أنا بهالطريق معك أنا وكثير ناس يحبونك معك الله سبحانه وتعالى معك يسمع ويرى 🩵