OSAMA

من إبداعات الشعراء في وصف الشعر الطويل يقول العلم عبدالله بن زويبن بأبيات من عرض قصيدة : وفي ضفهم راع العيون المكاحيل اللي يذوب القلب من سلهمتها إلى اقبّلت قام يتكفكف دجا الليل كل الديار المظلمة — نورتها والى ادبرّت غطت جسدها المجاديل بين الخلايق لو تعرّى كستها ان كفته مثل الغصون المحاميل وإن فلته قام يتثنى تحتها !

مادام مافيه لا مشلح ولا دبله سمحت والي مضى من طيشنا كافي نحرك ساحة حرم وشفاهك القبله لكني اثرت دين اباي و اسلافي

عليك القلب يدوي مثل مايدوي الهوى بالموج وعليك العين مشبعها سهر والكبد مجروحه لكن ليه المعاتب وأنت ضلع من الضلوع العوج لا عدّلته كسرته وإن تركته ما عدل روحه ليا شفتك أقول إني ملكت من الغناة بروج وليا من غبت كنّي من غدا حقه ومصلوحـه

من لابتن يوم الـقبايل تـصافـق على ظهور الخيل خذها وذقها دواسـرٍ تـروي شباة الـمذلقّ منهم صفوف القوم يكثر طققها وصفوفهم يوم اللقا ماتفرق لو ينتحر جمع العدا ماخترقها

@aercs_ ماعليك زود وابشر بسعدك انا خويك بالليالي المعاسير ولا الرخى كلن يسد مكاني

لا ضاقت الارض ماضاقت صدور الرجال يالي تحسب الليال السود ما تنسري انطح بنا الجمع لا شانت وجيه اليال والله مايلحقك ضيم ومحزمك دوسري @1pp1_

ياوجود اللي عيونه شقاويه مرها حلو المنام وتعداها ٰ كنّ بين جفونها جمرةٍ حيه مايطفيها سهرها ولا ماها ٰ بيّته ليل الشتا في ابو حدريه واحتداه وحد نفسه على اقصاها ٰ مشكلة بعض الصدور الجنوبيه لو تجيها دمعة الطير تملاها

@9rrd19 😔

البارحة ربي كتب لي ومريت دربٍ عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت ياليتني في لفة الدرب زليت كان العيون من الدموع استباحت   محمد بن فطيس

الوكاد .. إني سريت العمّر و أعلنت إرتحالي وأسترحت بـ غربتي عن كل دربٍ كنت أهيمه

اشمخي يا نفسي اللي . . كلها عزة وأنافة لك علي إنّي ما آعرّضك المهانة والمسبة كل ماشفت العباد اللي يعيشون بضعافة قمت أعرّض راسي المرفوع للريح ومهبه فـ المذلة !.. دايمًا عذر الذليل يكون تافه لو مايلقى له سبب لـ الذل ذل بدون سبة و الوجيه اللي ماترجي من عباد الله مرافة لو تموت من الظما والجوع ماها ماتصبه إكتشفت إن الحياة بـ كبرها قطعة مسافة تغوي المفتون ، لين العقل يصحى ويتنبه وإستعذت مْن الدروب اللي نهايتها حسافة قبل ترميني ملذات الزمن . . في جوف غبة مايخاف المومن: اللي فيه من ربه مخافة مصدر الخوف الحقيقي واحدٍ ماخاف ربه والمحبة بعد كره ، تكون من داعي نظافة البلا .. فاللي يحس بـ كره من بعد المحبة شيمة الانسان ميزان .. اعتداله وانحرافه تنذره ، لا شافت الاوضاع ما هي مستتبه إن عجزت إنك ترد النفس عن شيٍ تعافه ماقدرت تحط نفسك فالمكان اللي تحبه

اللي معي وأعافرك به "حلالك" واللي معك: أدري بك بتسفطه ليّ مدّيت لي عمرك، قبل مَدّ مالك ولاذخرت من المحبّة ولا شيء ياما سهرت ومظلِم الليل حالك كم ليلةٍ ماغمّضت عينك شوي والله لو أصلّي صلاتك بدالك: ما أوفيك حقك بالغلا ميّت وحيّ

العين عن حلو الكرى موقهـا  تـاب ماتذوق حلـو النـوم مـع  ذايقينـه أسباب لأنه ماش شيئاً بـلا  أسبـاب هاك الغـزال اللـي ذبحنـي  بزينـه مر يتخطـاء ويتلفلـف   بالأسـلاب وطير عن القلـب المشقـى   يقينـه من نظرته وقّع على القلب  مضـراب أشد وقّـع مـن الرمـاح  السنينـه يسرق نظر عينه حذر مدري   أعجاب وأنـا منـه قلبـي تقطّـع وتيـنـه عرّض ومن تعريضتـه خافقـي ذاب وقمت أتبعه ما غير عينـي   بعينـه وأقفى عجل من نظرتي فيه  مرتـاب ويحط ظـول النـاس بينـي  وبينـه وصديت عنه وخاطري منه   ماطـاب كني مني يمه وأنا أقـول وينـه   ؟؟ من خوف يفطن لي وننشب  بالأنشاب السـوق زحمـه والأوادم  ذهيـنـه وأخذت عنه أشوي مقفي   والأعصاب متوتـره مـا فـكـرت  بتهويـنـه ولّديت بـه لأنـه يسعـر بالاطيـاب عند الهنـود اللـي لغتهـم  رطينـه وأرسلت يمه نظرة أحبـاب   لحبـاب النظره اللـي مـا أتركتلـي  غبينـه وأقبل يبـي يحطنـي عنـه مجنـاب وشكيت في ممشـاه عـلاه  وينـه؟ وناظرت فيه وضحـك النـاب لنـاب ومن ضحكته حلت علـي   السكينـه موّه على أهل السوق وأشر  بالاهداب أشـارةٍ تبغـى قـلـوبٍ   فطيـنـه منها فهمت أنه يبي يعود لـو  غـاب وأن الأمر ماعاد هـو فـي   يدينـه وعقب غلاق أسبوع مر ومعه   جاب أصغيـراً متجـودٍ فــي   يميـنـه أصغيراً فـي الزيـن للعقـل  نهـاب يقـول أخـوي ومقصـده  فاهمينـه قصده يقول أن كان عندك  أستيعـاب علـي مـن هـذا ملامـح  وعينـه وأخذت أنـا ويـاه مـزح  وتعجـاب عقله رزيـن وكـل كلمـه  رزينـه في موقعٍ عنـه المخاليـق   غيـاب الأ ملايكـة العـمـل   حاضريـنـه بيني وبينـه ماوقـف غيـر   الأداب أداب سـلـمٍ كلـنـا   وأرثـيـنـه منه أحترام شعور عربين   الأنسـاب ومنه أحترام الرجـل نفسـه  ودينـه وبغى الوكاد وقلت هايـم  ومنصـاب حبـك ذبحنـي لعنـبـو  والديـنـه قال أستميحك عذر وأقـول   لاعـاب وش هالغرام اللـي غدابـك  بحينـه وحلفت له وأقسمت في رب الأربـاب منقذ مـن الطوفـان راع   السفينـه أني معـه صـادق ولانـي   بكـذاب والكـاذب الله لايـطـول   سنيـنـه قال أنت صادق بس سابقـك خطـاب وأهلي في تـال الشهـر  موعدينـه كم له وهو ماغيـر ذهـاب  وأيـاب لاهـم براضيـنـه   ولارافضيـنـه وأن كانها تمت علـى يديـن  كتـاب وتـم القـرأن وروحـوا  كاتبيـنـه أنا تـراي أبعتبـرك مـن  الأقـراب وعلى النقـا تبقـى صلـةٍ   متينـه ودّع وصارت كلمته تقـل   مشهـاب وأركت على كبدي عراقـي   مزينـه وبقيت في وضعٍ تحير أبه   الأطبـاب أيست منه وحالـت اليـأس   شينـه وأخذت وقت أحسب أيامـه  أحسـاب وقلبي على شوفـه تزايـد   حنينـه أحيان أقول أنشد عنه بعض الاصحاب ويجيـك بالعلـم المؤكـد  جهيـنـه وأحيان أقول أصبر على جور  الأتعاب ورزق الفتى وأجله كتّب في   جبينـه وسكّت ماودي عليـه أفتـح  ابـواب للهرج مـن نـاسٍ مهـم راحمينـه وصبرت مير الصبر طـول   ولاثـاب ومن طال صبـره يالله انـك  تعينـه ويومٍ راسي من طويل الصبر  شـاب قررت عنه أنشد حـدى   مجاورينـه ونشدت عنه وقال راحوبـه  أجنـاب ومن قريته شّد وسكن في   المدينـه قلت أيه مادام أهلـه عندنـا  يجـاب أمـا بعيـد الفـطـر والا بحتيـنـه قال أهله معه أرحلوا قلـت  ياشـاب يعـنـي لازايـركـم  ولازايريـنـه قال ايه مير أنسـه والايـام  هـراب تطـول وتنسـي ظنينـن   ظنيـنـه قبلي وقبلك خلت أصحـابٍ   أحـزاب وكم فرقـت بيـن الختيـن وختينـه ماعاد في شوفـه طلايـب  وطـلاب تـرى ماعـاد الا يـدرج   جنيـنـه وش تطلبه وحباله في يدين  قضـاب أحـذر لاينصبلـك زمانـك   كمينـه قلت الرجال أمفتلت روس   الأشنـاب لقسى الظروف حسابهـم  حاسبينـه وأقفيت من عنده على الغلب  غـلاب أكّن غيـض القلـب وجحـد  ونينـه وأعلنت يأسي وأنطوت صفحة كتـاب مـن البدايـه للنهـايـه  حزيـنـه وأقـول يالله لاتبـارك   بالأسـبـاب اللـي رمتنـي بيـن حبـه   وبينـه

على طارف لسان متيمك كان الكلام ورود أحبك نرجسية واقتطفتيها من لسانه عيونك غير يا ذات الدلال المترف من الخود من عيونك غديت اول سجين يحب سجانه يا كم عاشق تهاوى في بلاطك يالعيون السود يجاهد فيك نفسه والعيون السود فتانه تباهي في ذراي ولك يلين الخاطر الجلمود جعل قلبٍ يوريك القسى ما يقبل احسانه

تغير علي الوقت واخذني من اقصاي يا وجدي على خبري من أول ويا صبري عسى وضعي المزري يزينه الزمان الجاي مابي من عطاه الا أني ارجع على خبري

هُنا العُلا

«أحدٍ ليا ضاقت الدنيا بكى بالسجود واحدٍ ليا ضاقت الدنيا بوجهه سكر» ——فارس الحشار

يالله صباح خير ومتوجهين الان للعُلا بإذن الله

لي رفقه في ذمتي مثل الأخوان يالله عساني بالقسى ما أعدمها❤️

كب عنك البن الاشقر وكب عنك الشاهي المخدر والله انه مايقند راسي الا شوف وجهك💙