Abdulrazzak

#قصة . قال : إن كنت جيّد تكسبها ، كان هذا شاب عاش في الستينيات في القصيم بالرس وحصل على تعليم بسيط ولم يكمل ، طلع للعمل والسوق من عام ١٩٦٧ م وعمره بالعشرين ، كان يعيش مع والدته فهو يتيم وإذ لحّته الحاجة والفقر فعمل في كل المهن مزارع وحمّال وأخير عمل معاون الدريول وهي مهنة أن يكون مع سائق مثل المساعد أو الصبي وتعلّم شيئا فشيئا على السواقة . كان السواق أبو عبد الرحمن يأخذه معه وكانا ينقلان بضائع من الرياض للقصيم وغالبا ينقلون غنم ، سيارة أبو عبد الرحمن لوري نقل وأجرته ٣٠ ريال على الحمولة وكان يعاني وينزّل البضاعة والمحصول بشهر لايتجاوز ثلاثمية ريال لأن كانوا يسافرون بين الرياض والقصيم ، عنيزة والأسياح وبعض القرى والهجر وهذا يأخذ وقتا . يعود بعد ذلك صويلح إلى أمه وينتظر أبو عبد الرحمن يمره إن كان هناك عمل . في صباح يوم بارد مر أبو عبد الرحمن عليه وهو يسمع صوت الموتر وينادي : ياصويلح وعندما خرج وجد السيارة محمّلة غنم . خير يابو عبد الرحمن ؟ قال : أبد نمشي هالحين للرياض ونروح لشبك الدخيّل وننزل هالغنم عنده وإن أمدانا رجعنا بليلتنا وإلا أمرحنا بالرياض . رجع صويلح لأمه وأخبرها قالت : ياوليدي حتى ما أفطرت ! قال : نفطر بالطريق ، وهي تمد عليه الفروة وياخذها . طبعا الطريق صحراوي وبري وله مسارات يمر بالزلفي وشقرا ثم يتصل بطريق القصيم للرياض ويقول صويلح : " وأركب معه واسأله كم الغنم يابو عبد الرحمن قال : ٤٠ راس إن الله سلمها ، لازم نصير عجلين لاتموّت علينا . واستحيت أقول له : ما أفطرت ، ونمشي ونتعدى شقراء ولا وقّف ويوم بغينا نوصل لعنيزة وهو يشوف هاك السدرة ويهزع عليها وينزل العزبة قال : صلّح القهوة والشاي وأنا عمك ! وأخذت الدافور وولعته وصلحت القهوة والشاي وهو متمدد على الأرض ومتغطي ، يوم جهزت القهوة وصحيته ويقوم ويطلّع قوطية تمر ممروسة بدهن وحطها بيني وبينه وقمت أقهويه واتقهوى لكني مازلت جائع . قام ابو عبد الرحمن يتفقّد الغنم وبسرّي أدعي يارب أن متوهن وحدة ويذبحها وناكل منها وإلا كلها سالمة ويفتح الشراع على كبره من فوق يهوّي للغنم . يوم بغى يمشي قلت : يابو عبد الرحمن مانوقّف بعنيزة ؟ قال : لا خوف نتأخر على الرجّال . قلت : اسمع تراني من غداي أمس . قال : مايخالف نشوف مطعم على الطريق . المطاعم قليلة وتسكر بعد صلاة العشاء ومحرين ماناصلها إلا وقد سكّرت والله وأسكت وهو يقوم يسوق ويهيجن ويرفع صوته " يالعين مالك بالهوى لفته منتي على دين الأخوانِ " بهاك الوقت به مسجلات وشرطان وأغاني سالم حويل ومطلق الدخيل وغيرهم ، بس أبو عبد الرحمن مطوّع و لايداني الراديو وفصله من سيارته من شراها عام ٦٤ م . ماوصلنا الا الشمس غابت ونبي نتغانم مطعم وماعرفنا وهو خايف يتأخر ويمر دكّان ويشتري خبز صاج ويأخذ روب ويعطيني وقال : كل وأنا عمك وإن أراد الله أغدّيك بكرة بالرياض ، مطاعم الرياض مشهورة والناس ماتمر الرياض إلا تاكل بها لأن كان الناس يستغربون اللي ياكل بالمطاعم والمطعم متطرف على طريق السفر وأكلت من الخبز والروب وأبو عبد الرحمن يقطع المسافات ماوصلنا إلى الطريق المعبّد اللي من جهة حريملاء الا متناصف الليل وتعبنا وقال : نوصل هالماخوذة لاتموّت علينا ونرتاح وهو يدخل بحي من أحياء الرياض ظنتي حي الثميري وهو ينصى بيت الدخيّل وياصله بيت شعبي بلك ويطوّط بالبوري وقال : انزل طق الباب وانزل واطق ويطلع الرجّال وهو شكله نايم ويوم شاف السيارة : وراك تأخرت يابو عبد الرحمن ؟! ومارد عليه قال : وين حمّالينك ؟! - قال : بها الليل منين أجيب لك حمّالين ؟ ويشغل سيارة امبالا وقال : الحقوني ونمشي وراه ياما طلعنا من العمران ويوقف عند خيمة وشبك ويصحي الراعي ويوقف اللوري على الردمية ويفتح الباب على ضوء السيارة ونقوم ننزل من الغنم وأرقى فوق وأنزل حتى فحيّت ويوم خلّصنا وحاسبنا الرجّال ١٥٠ ريال ويعطيني أبو عبد الرحمن ٥٠ ريال قال : تعبتك ياصويلح ، قو معي لبيت نسيبي أبو خالد ننام عنده. هذا نسيبه لايمكن تبلعه لو تشرب لتر بنزين ، بخيل ويدقق ومتمسك وينتقد وقلت بنفسي ؛ والله ماني محرجك يابو عبد الرحمن مع هالعفن . تعذرت منه وقلت : وصلني لقهوة العايد وبكرة تمرني على خير وهو ينزلني على الخط وقد الناس نايمين وأدوّر على اليماني وأصحيه وأعطيه ريالين وأروح لكرسي خشب فاضي والف الفروة على راسي وأنام كأني مصروع …

#الإخبارية تأخذكم في جولة ميدانية عبر مراسلها عبد الله الرويس في أحد مواقع أبطال قوات الدفاع الجوي التابعة لمجموعة الدفاع الجوي الأولى في الرياض حيث ميدان الشرف والفخر والجاهزية التامة لحماية سماء العاصمة

مسار سعودي مصري كثاني أزحم مسار دولي في العالم.. حافظ مسار جدة JED - القاهرة CAI خلال 2025 على مركزه كثاني أزحم مسار جوي دولي في العالم، وأزحم مسار دولي في الشرق الأوسط بحسب السعة المقعدية. بلغ عدد المقاعد المجدولة لهذا العام 5.8 مليون مقعد، بنسبة نمو 5% مقارنة بعام 2024، وبنمو 71% عن عام 2019. 81% من الزيادة التي شهدها المسار هذا العام جاءت من النواقل الإقتصادية، والتي تشغل اليوم 43% من إجمالي السعة المقعدية في هذا المسار. يشغل هذا المسار 9 شركات، منها 3 سعودية و6 مصرية. بحسب OAG، متوسط أسعار التذاكر انخفض بنسبة 12% عن العام الماضي، ويبلغ متوسط سعر التذكرة بالإتجاه الواحد 543 ريال سعودي (6,900 جنيه مصري). في حين أن مسار جدة القاهرة هو أكثر مسار دولي إزدحامًا في الشرق الأوسط، إلا أنه يمثل قرابة 60% فقط من السعة المقعدية لأكثر مسار ازدحامًا في الشرق الأوسط، وهو مسار الرياض جدة، بعدد 9.8 مليون مقعد.

قصه احضرها شخصيا قدام عيني و الله على ما أقول شهيد: والدي أصيب بمرض نادر جدا يدعى بمرض (ALS) وهو باختصار ضمور في الأعصاب و هو نفس المرض الي اصيب فيه الفيزيائي ستيفن هوكينغز. المرض بدأ معه من سنتين و من أول يوم الى يومنا الحالي و احنا ما دفعنا من جيبنا قيمه العلاج و الدواء ابداً. المستلزمات الطبيه بشكل شهري تصرفلنا ب ٠ ريال. والدي كان اول شخص في السعوديه يُطلب له الدواء مخصوص من أمريكا لحالته (المرض لا علاج له، الّا مشيئة الله ولكن الدواء يقلل من سرعه المرض) و اضافه الى ذلك، المستشفى فتحو كورس للممرضين و الممرضات مخصوص فقط عشان يعلموهم كيف يستخدمو الدواء في حاله والدي. الدواء ما نعرف كم قيمته (يُقال بأن الجرعه الواحده قيمتها ٤٠ الف ريال) انصرفت له جرعات سنه كامله وهو كان ياخذ ١٠ جرعات في الشهر، ١٠ ايام جرعات و ٢٠ يوم بدون… بعد ٨ شهور من استخدام الدواء مالقينا فيه اي تحسن في الحاله فوقفنا العلاج و جرعات ال ٤ شهور المتبقيه الحمدلله راحت لناس عندهم نفس هذا المرض و بحمد الله انها ساعدتهم بشكل كبير. الآن والدي منوم في العنايه المركزه في مستشفى الملك فيصل التخصصي بجده و تم صرف جهاز التواصل عن طريق النظر من الدوله (نفس جهاز ستيفن هوكينغز) لان الشي الوحيد اللي يتحرك في جسمه هو عيونه وهذا الجهاز قيمته بمئات الآلاف دولتي 🇸🇦 صرفت على حاله والدي في آخر سنتين فقط ما لا يقل عن ٤ مليون ريال سعودي ولسا فيه قصص كثيييير عن الادويه و العلاجات و الدكاتره و الأدوات اللي الدوله تكفلت فيها فقط لحاله والدي ولكن ما ابغا اطول التغريده اكثر. في النهايه ابغا اقول: الله يعز هذي الدوله العظيمه 🇸🇦بحكومتها و شعبها و مواطنيها و يديملنا نعمه الأمن و الأمان 💚 احنا الحمدلله في نعمه عظيييييمه، نعمه السعوديه ولاتنسو والدي و والدتي من الدعاء ملاحظة: تراه مبسوط في الصوره 😁