تغريدة مثبتة
اوتار 🎶
10.1K posts
لاتحاول تلحق الشرهه نقايد
وانت عارف مطمعي للروح سلوى
الفرح في تالي الايام نايد
جفّ حيلي لكن الإيمان اقوى
الحزن لا عيّن وساع البنايد
فز سوى له سواتٍ ماتسوى
ركّز الذكرى على موضوع بايد
كم حكايه وكم رساله وكم شكوى
حدني ابقى مع امالي محايد
خايف مْن الحزن والاوهام عدوى
لايحيرك انطوائي ليه زايد
هذا هو وضعي ولا يحتاج فتوى
أسألتني تحسب ان الوضع كايد
مادرت اني ارى فـ البعد جدوى
لي عوايد والله انه لي عوايد
الفراق اللي تقول الناس بلوى
بعد ساعة كلها ضحك وقصايد
قالت بتقوى فراقي قلت بقوى
العربية
اوتار 🎶 أُعيد تغريده
قال من يشتحن صدره بوقت الغروب
حزةٍ يشتري فيها الهموم ويبيع
يالاصيلة غرامك منه وشلون اتوب
اعذل القلب عن حبك وعيا يطيع
لكن الراي عندي ياحسين السلوب
دام مافيه امل ليش انتعنا جميع
روحي بفالك وقدمك وساع الدروب
واتركي طير فكري في غرامك يضيع
لو محبتك صارت من كبار الذنوب
همت ابك لو مالك فالموده صنيع
اسمحيلي اذاري في غزلك الهبوب
خلي صدرك ليا اوحيتي قصيدي وسيع
المشاعر تحكم في صخاف القلوب
والبلا ان قلبي اصخف من كفوف الرضيع
الله اللي جعل لك في فوادي نصوب
القدر من يرده يام طرفٍ وسيع
يكفي اني ماعرف انك من اي الشعوب
وصار ودك وداعه وسط صدر الوديع
اسفهلي وغني يالغزال اللعوب
يحفظك من خلق هالكون خلقٍ بديع
جعلها لك سفاير شام ولا جنوب
اهتني في حياتك واشرفي كل ريع
#مرزوق_البام
العربية
على كثر زيف الضماير والوجيه
ماعندنا الا مايعدينا الملام
حنا يدينا ماتجيب الي نبيه
من كثر ردات الجمايل والسلام
مانكتفي بالاحترام من النزيه
حتى الردي نفرض عليه الاحترام
الصمت في وجه الخطا ردً عليه
ماهوب لازم بالكلام الانتقام
صدك عن الزله وسفهان السفيه
يسوي اللي مايسويه الكلام
العربية
