من واجب الحب .. لا مريتني عابر
تعطيني من المحبه والغلا قسمي
شفني على كثر مانيب أعشقك صابر
إلين من قسوة عنادك نحل جسمي
رد الميانه مثل ماكنت ، أنا خابر
إلى متى والتعامل بيننا رسمي
لا تستحي كل ماتشتاق وتكابر
اشّر بيمناك ولا نادني بسمي .
مري على بال القصايد واغنيك
بيتٍ على فارق قصيدي يبدّا
انتي سحابه شعر محدٍ يجاريك
ما انتي بـ شطرٍ في خيالي وعدا
إذا انكشفت فالسما عز واليك
الأرض تفرح بك وتطرب وتندّى
ما الله جعل لك فالبشر من يحاليك
وما غير حسنك بـ المنايا يفدّى
