حمد العيباني

- قصيدة الحلقة الختامية في ختام مسيرتي في #شاعر_المليون_12 ( جمرة القيض )

@f_alshebaan الله يجزاك خير يا هرمنا الاعلامي وشهادتك محل فخر واعتزاز

@3IBANI الله الله عليك يابو خالد انت وفهد العيبان باعتقادي الان انتم نبض الشعري الغزلي كل ما قرا لكم تكون نصوصكم سبك من الجمال والوصف العذب

اللوذ بالله واطلبه واستعيذه لا عرّض بزوله مليح التواصيف وش قال ابو نواس فـ اعتق نبيذه وش قال ابو تمام في لمعة السيف اشهى عناقيد الغرام اللذيذه طلعه نما بين الغصون المواريف من شاف مثله راح قلبه وخيذه بغى يرده مير ماهي على الكيف

@alml3be الله الله يا ابو فهيد متفرد

حايل الشمس واجلس ياظلال العسيب لين أغني هوى روحي على ألحانها لا تخليني لحالي بوقت المغيب دام للحين نفسي تقطع عنانها خاطري هش وجروحي مضارب عطيب جعل الأيام ما ترجح بميزانها ودي أضحك لو ان الضحك حظ ونصيب وأحذف من المحاني طارف أحزانها كم تغرّبت في وجه الحياة الغريب وكم بنيت السنين وطاحت اركانها رغم مالي مع الدنيا واهلها ذهيب وحجةٍ ما يشوب الوقت برهانها ما تمالكت رمشي لايطيح ويشيب ولا بغيت امسك العالم من لسانها كلما ضاق في عيني مكان و حبيب قلت يا كبر الارض وكثر سكانها الليالي تودي والليالي تجيب والبشر عزها الله وارتفع شانها لي معَ داجي الظلما علاج وطبيب لازفرت نفسي اللي عف شيطانها كل دارٍ ترحب لو علمها صليب عن ديارٍ علي تحد نيبانها ماتوجست من قرب البعيد القريب مؤمن أن القلوب تذوب بايمانها معطي الريح وجهي فوق بنت النجيب ودون لفح البوارح كارب عنانها محتزم هقوةٍ غادٍ نسمها لهيب والعزايم ماباقي غير عمدانها كان مالي سوى ظنٍ يخيب ويصيب عشت فيه الحياة بكامل الوانها

@zreg_1 لا هنت يا الوالي من ذوقك

@3IBANI " وخيذه " أجمل مفردة 👏🏻

@FaresAyedh معلقة يا ابو شيخه

تحرر من رداك وقول لاهل العيب ياخي عيب ترا ما اضعف من اللي ما تفور الغيره بـ دمه شلون الذيب يقنع كل خلق الله بـ انّه ذيب اذا ماله هريف ولا قنيب بـ عالي القمة لقيت الناس راس ومتن وعضود وذنب وذنيب أمم متفرّقه وشعوب فوق الارض ملتمّه تغاربت فـ بدايات العمر من ينكرون الطيب ولا شيّب عيوني غير من ينكر حليب امه عداوات الضعيّف بالحياة تكون بالترتيب مراحل تبتدي باصحابه وتاصل بني عمه انا ما عشت اوزّع هقوتي وانطر تصيب، تخيب اعرف افرّق الوجه الرضي من شيفة الرمه لا شفت المخطية حدّرت راعيها في بطن شعيب تعشّاه النسور الحايمه والذيب يشتمّه اجي مثل النهار امسح على وجه الدجى واغيب ولا يكره مجيي عنده الا واسع الذمة يطيحون النشامى من سماء عيني، صحيب صحيب ولا اشوف الذليل بيوم رافع هامته.. زمّه على شان الصفوف ودلة الرسلان والترحيب حشمت المجلس اللي تدهله لبّاسة العمّه عسى ماني خليّ من المراجل لا خلا لي جيب حبالي ، تقصر الدنيا.. ولا تقصر عن الجمه !

@b_2l2 شوي من واجدك يا ابو مرزوق

@3IBANI الله حسيبك💔

قال اعالجك قلت الحزن خابر علاجه لا نشدت الطبيب ولا نشدت المجرّب عند غروٍ يقوده للمواصل مزاجه يقترب لا ابتعدت .. ويبتعد يوم اقرّب

@AmerAl3ithy تقوله من تواضعك وسمو اخلاقك يا ابو سعيد صح بدنك

@3IBANI شاعري الكبيييير .. صح لسااانك على هذا التفرد والتميّز الغير مستغرب

غطرف المزن وبروقه من الغرب لاحت في صحاصيح جو من المزابير غايم يا ربيب القلوب اللي من الغيض ناحت ويا نديم الكلام اللي على البال دايم خسّرتني عيونك راحتي .. واستراحت عن حماه القديم مْنفّره كل رايم علقتني ولا ادري بعدها وين راحت غيبةٍ مثل هذي ما وراها غنايم تو ما الصدر ضاق وتو ما الكبد فاحت وتو ما ذقت يا قلبي أمر الهزايم جيت ابصد عنها وسبقتني وطاحت طاحت الدمعه اللي فرحت كل لايم ليتها ما استبدت بالجفا واستباحت لين صرت أتوقّى من رقيق النسايم كن غلاها حصاة رزاح ما يوم زاحت عن طريقي وانا كبدي بها المر زايم

@QOSAYALAWAZA قليل من ابداعك يا صديقي

@3IBANI مبدع يبو خالد

في العدد 229 من مجلة #شاعر_المليون ⬇️ فاز بالمركز الثالث في الموسم الثاني عشر من "شاعر المليون" الشاعر #حمد_العيباني: فوزي تتويجٌ لرحلة مليئة بالتحديات

@whe6i_ قليل من ابداعك يا ابو عادل

@3IBANI لين صرت أتوقّى من رقيق النسايم الله الله الله يا ابو خالد 🤍

@b_2l2 قليل من ابداعك يا ابو مرزوق

@3IBANI الله الله عليك

@__xS7 @FahadAl3eban زين ليه حاط نك فهد يعني تبي تعلمني انك ما شفتها الا بعد رتويت فهد قدامك 3 ساعات تبرر تصرفك :)

@3IBANI @FahadAl3eban كبييير يبوخالد 🤝🏻

@Q8Dallan يا مرحبا صح بدنك قليل من ابداعك

@3IBANI الله الله دائمًا مبدع وفارق صح الله لسانك 💐

@FaresAyedh شوي من واجدك يا ابو عايض

@3IBANI الله الله الله يابو خالد

@abokhaled33 صح بدنك قليل من ابداعك

@3IBANI الله يهالقصيده يا حمد صح لسانك يا مبدع

@raheee2011 لا خلا ولا عدم

@3IBANI عذب جداً يا حمد

@OmarRsheeed قليل من ابداعك يا ابو رشيد

@3IBANI لله درك يابو خالد

@a_aljd3a التجلي والله اذا مريتنا الاسطبل وفرحتنا بشوفتك يا ابو محمد

@3IBANI متجلّي كعادتك يابوخالد👏🏻