معذور.!

الناس ماتدري عن القلب وش فيه ربي خلقني كتوم وما اعرف ابوح​ يعني اذا ابي شي ما اقول ابيه شفني ، ابيك و اذا تبي تروح روح

-ياصوتك اللي عليه الروح ملهوفه.. إن جابه الخط ذا شكري وتقديري -انا فدا وجهك اللي كل ما اشوفه اقول لـ الضيق روح دور على غيري🤍..! #رساله_لمن_تحب

عقب طول الغياب و عقب فرك الكفوف احــسبًني نسـيـت و جرح صـدري بـرى وكـل مـ أكبر معي تـكبر عليـه الشفوف ليـت قلـبـه يحس و ليـت عـيـنه تـرى ألتـمس لـه عذر و آقول عـنده ظـروف ليـن سـوىّ جريمـة و أعـتقـد مــادرى قبل يسرٍي و أنا صاحي و عيني تشوف مـدّ كـفّـه و آخـذ قـلبي وقـام وسـرى

احبّك وانا اللي بالهوى ما يبي مردود على فرحتك يفرح ويحزن ليا اشتقتي لا منّك تضايقتي فـ انا ماني بـ موجود انا أكيد تحت القاع لا من تضايقتي (:

محدٍ على الدنيا ينافس غلاتك تتعب جميع الناس مايوصلولك العين لأجلك ماتراعي سواتك والقلب يحرم بالهوى مايخونك🤍..!

خذني معك من باب تقدير الشعور تعبت أجامل فـ الحياه وطيشهاا لا تقول عقبي عيش والدنياا عبور هو في حياه ان غبت لجلك اعيشها ؟

احبك .. وعرضت المناقيد هبوب النود فعولك اتنومسني وذكرك يهيضني يالبيه ياوجه عليه الرضا معقووود اشوفه .. وأشوفك في سنيني معوضني "

ليه أعاتب وأتضايق و أنقهر وانت قلبك في غيابي مستريح كنت أشوفك في ملذات العمر شخص تفداه القصايد و المديح و إنك واحد بس تكفي عن عشر وأن غيرك لي خطا وانت الصحيح جيت لك صادق بدربك مستمر مندفع لك مهتوي واضح و صريح ليت قلبي عن هوى قلبك نفر مارجعت من الهوى ضايقٍ جريح

ان طابت النفس عافت ..!

على النقا مانيب من تحت لي تحت طلـيـق وجـهـه وعـني الـشـك زايـل يشق سيف الوقت صدري ولاصحت و تـمـايل حمولـي و انا مـاتـمايـل كاتم و عـمري للمخـالـيق مابحت و لو طالت الايـام مـاني بقايـل ابـيـهم يـقولون بكرا ليا طحت بلاه والله كثر ما كان شايل

سادك الحزن يا وجهٍ من أوّل ضحوك رحت محدٍ درى عن روحك المُنهكه شاحبة بسمتك وش فيك ؟ لافض فوك بسمتك بسمة المهزوم في معركة المشاعر لها في كل موقف سلوك غالباً كل لحظات القلق مُربكة للهُدى درب ما حوله تدور الشكوك أعْرف أنّه هُدى لكن عجزت أسلكه .

أنتي أطهر ذنب وأجمل غلط وأشجع قرار حطك الله في ليال العمر ليلة قدر الهزيمه في عيونك بطعم الإنتصار من يقاوم سحر عينك ورمشك لاخدر مادريت إنك مسحتي دموعي بالخمار لين قالت رعشة إيديك يامجنون إدر وإدفنيني في بياضً نشع فيه الحمار عاشقً فارق حياته على مفرق صدر .

كنت اقول الشام شامي والعراق عراقي ماهقيت إنه يجي يوم وتميل الكفّه ايييه يا اول من بنى بيته على خفّاقي ما أنت باللي مر في عمري واخذ له لفّه أنت حلم لو كسرته كني اكسر ساقي مثل حلم القدس في رام الله وفي الضفّه انهزمت بين الفراق وحزن قلبي راقي والشجاع إن حب تؤخذ بندقه من كفه

ب اخذك لو ادري بتلحقني هروج وشرهات وحقوق عليّه ثقيلة بجيك لو دونك شرابيك وسيوج ماني بذاخر غايتي والوسيلة ب اجيك لو دونك حراسات وبروج والموت لو عندك مدوّر بديلة بجيك لو انك ورى سد يأجوج لجلك تهون الصعبة المستحيلة ما يمنعك عني بحر هايج وموج ولا حدود المملكة والقبيلة !

وش استفدت من النباهة يا نبيه يوميًا الفرصة تمرّك… وتعبر ولا لقيت لحالتك عذرًا وجيه الا انك تحب التحلّي بـ الصبر تاخذ من أمثلة الزمان اللي تبيه وتخلي الباقي وهي فيها عِبر ترى التجاعيد اللي تطلع فـ الوجيه هذا حزن يا صاحبي ماهو كبر .

عسى فالغياب علاج خاطر وطب جروح " عن اللي دروبه ماتماشى مع دروبي " على الرغم من كبر الملامه وضيق البوح انا واثق إن الطيب ماهوب عذروبي لـ هالحين والروح النقيّه بذات الروح تهبّ الهبوب .. وتطرق أنسامها ثوبي ياكثر الوجيه اللي فـ بالي تجي وتروح ولا عاد تلحقها المشاريه من صوبي

تطري على ذكراك لحظه وقفيت ويفز قلبي لك وروحي جماعه طيفك يمرالفكرساعه وسجيت من طيف زارالفكرساعه بساعه يشتاق لك قلبي حبيبي وحبيت شوق الحبيب اللي فريده طباعه حبك تربع وسط قلبي وحليت بين الظلوع العوج خيم شراعه والله ماغيرك عشقته ولااغليت مخلوق ثاني في حياتي وداعه

لك البال يضحَك كل ما مرته ذكراك وأنا لا ذكرتك قلت .. ليت العمر ثاني شعوري على لهفة شعورك شعور إرباك هو اللي يضحكني على كل شي قد بكاني ماني خايف إن الوقت ياخذك لـ هناك أنا خايف إن الوقت فيك.. يتحداااني أحبك وأعرف إني أحبك بدون إدراك أنا قلبك الاول .. وأنا قلبك الثاني🤍..!

ماهقيت ان المواثيق تاليها وداع سامح الله صاحب حدني لمفارقه باعني عقب الغلا والغلا ماهو يباع واسهر جفون من الدمع قدهي غارقه اذكر ان برق المواصل شعاني له شعاع وذا اليوم برق المفارق شعاني بارقه . .

لي ثلاث سنين والنوم امتغيرر آغفي ساعه واصحصح عقب ساعه سستمي مضروب واوضاعي تحيرر ودي اني اصنع الضحكه صناعه فاقد لي قلب سمح ووجه نيرر ما كتب ربي لقاه ولا وداعه