صحِیح حدیثِ نَبوی ﷺ

قالَ النبی ﷺ: تم میں سے جو شخص بھی منکَر (برائی) دیکھے تو: (1) وہ بدل دے اُسے اپنے ہاتھ سے، (2) اگر اتنی طاقت نہ ہو تو اپنی زبان سے (اُسے بدل دے)، (3) اگر اِس کی طاقت بھی نہ ہو تو اپنے دل سے (اُسے بدلنے کی تدبیر، منصوبہ بندی، عزم کرے)، اور یہ سب سے کمزور ایمان ہے. مسلم 177

رسول الله ﷺ نے فرمایا: میری تمام امت کو معاف کیا جائے گا سوائے گناہوں کو کھلم کھلا کرنے والوں کے. بخاری 6069 (مسلم 7485؛ مشکوٰۃ 4830)

رسول الله ﷺ نے فرمایا: بیشک جو شخص جمعہ کے دن سورۂ کہف پڑھتا ہے، اُس کے لئے دو جمعوں کے درمیان ایک (خاص) نور روشن کیا جاتا ہے. المستدرک للحاكم 3392 (مشکوٰۃ المصابيح 2175)

قالَ النبی ﷺ: تمہارے دنوں میں سب سے افضل دن جمعہ کا ہے، اسی میں حضرت آدم ؑ پیدا ہوئے، اور اسی دن فوت ہوئے، اسی دن صور پھونکا جائے گا اور بے ہوشی طاری کی دی جائے گی. لہٰذا اس دن مجھ پر کثرت سے درود پڑھا کرو، کیونکہ تمہارا درود میرے سامنے پیش کیا جاتا ہے. مسند احمد 16262

قالَ النبی ﷺ: اُس ذات کی قسم جس کے ہاتھ میں میری جان ہے! تم پر لازم ہے کہ نیکی کا حکم دو اور برائی سے روکو. ورنہ پھر قریب ہے کہ الله تم سب پر اپنی طرف سے عذاب بھیج دے، پھر تم الله کو پکارو گے مگر تمہاری دعا قبول نہ کی جائے گی. ترمذی 2169 (احمد 25769؛ ماجہ 4004؛ مشکوٰۃ 5140)

قالَ النبی ﷺ: جو شخص: (1) اندھے (قومی، نسلی، لسانی) تعصُب کے جھنڈے تلے مارا گیا، (2) تعصُب کے لئے غضب ناک ہوتا رہا، (3) اور وہ عصبیت کے لئے لڑتا رہا، وہ میری امت میں سے نہیں ہے! (تعصب: اپنی قوم کی ناحق حمایت اور مدد کرنا). مسلم 4788 (مسلم 4792؛ نسائی 4120؛ ماجہ 3948)

قالَ النبی ﷺ: جو شخص اندھے (قومی، نسلی، لسانی) تعصب کے جھنڈے کے نیچے لڑا، تعصب کی وجہ سے غصے میں آیا، یا اس نے تعصب کی دعوت دی، یا عصبیت کی مدد کرتے ہوئے قتل کر دیا جائے، تو یہ جاہلیت کی (حرام) موت ہوگی. مسلم 4786، 4792 (ماجہ 3948؛ السلسلة الصحيحة 1786؛ نسائی 4120، 4119)

رسول الله ﷺ نے فرمایا: "اگر ایمان ثریا پر بھی ہوگا (یعنی آسمان کی بلند ترین جگہ پر بھی ہو) تو تب بھی ان لوگوں میں (یعنی سلمان فارسی ؓ کی قوم میں) سے کچھ حضرات اس تک پہنچ جائیں گے." مشکوٰۃ المصابيح 6212 (بخاری 4897؛ مسلم 6498؛ ترمذی 3310، 3933؛ مسند احمد 9396؛ حبان 7308)

ابوموسیٰ اشعری ؓ بیان کرتے ہیں، نبی ﷺ نے فرمایا: "ایک مومن دوسرے مومن کے لئے عمارت کی مانند ہے، کہ اس کا ایک حصہ دوسرے حصے کو تھامے رہتا ہے (گرنے نہیں دیتا)". پھر آپ ﷺ نے دونوں ہاتھوں کی انگلیوں کو قینچی کی طرح کر لیا. بخاری 6026، 481 (مسلم 6585؛ ترمذی 1928؛ نسائی 2561)

رسول الله ﷺ نے فرمایا: مسلمان (باہم) ایک انسان کی طرح ہیں. اگر اس کی آنکھ میں تکلیف ہو تو سارے جسم کو تکلیف ہوتی ہے، اور اگر سر میں تکلیف ہو تو اس کے سارے جسم کو تکلیف ہوتی ہے. مسلم 6589 (مسند احمد 18583، 18625؛ السلسلة الصحيحة 1117؛ مشکوٰۃ 4954)

قالَ ﷺ: تم مؤمنوں کو باہمی رحمت، محبت اور تعاطف (ہمدردی، شفقت) میں ایک جسم کی مانند دیکھتے ہو. جب اس جسم کا کوئی عضو تکلیف میں مبتلا ہوتا ہے (بیمار ہوتا ہے) تو اس کی خاطر باقی سارا جسم بیداری اور بخار کے ساتھ اس کا ساتھ دیتا ہے (یعنی پورا جسم جاگ کر ساتھ دیتا ہے). بخاری 6011

رسول الله ﷺ سے پوچھا گیا اُس سبب کے متعلق جو انسانوں کو بکثرت جنت میں داخل کرے گا، تو آپ ﷺ نے فرمایا: "الله کا تقویٰ اور اچھے اخلاق." پھر پوچھا گیا اُس سبب کے متعلق جو انسانوں کو بکثرت جہنم میں داخل کرے گا، فرمایا: "منہ اور شرمگاہ." ترمذی 2004 (ماجہ 4246؛ حاكم 7919)

ابوموسیٰ اشعری ؓ بیان کرتے ہیں، نبی ﷺ نے فرمایا: "ایک مومن دوسرے مومن کے لئے عمارت کی مانند ہے، کہ اس کا ایک حصہ دوسرے حصے کو تھامے رہتا ہے (گرنے نہیں دیتا)". پھر آپ ﷺ نے دونوں ہاتھوں کی انگلیوں کو قینچی کی طرح کر لیا. بخاری 6026، 481 (مسلم 6585؛ ترمذی 1928؛ مشکوٰۃ 4955)

رسول الله ﷺ نے فرمایا: مسلمان (باہم) ایک انسان کی طرح ہیں. اگر اس کی آنکھ میں تکلیف ہو تو سارے جسم کو تکلیف ہوتی ہے، اور اگر سر میں تکلیف ہو تو اس کے سارے جسم کو تکلیف ہوتی ہے. مسلم 6589 (مسند احمد 18583، 18625؛ السلسلة الصحيحة 1117؛ مشکوٰۃ 4954)

قالَ النبی ﷺ: تم مؤمنوں کو باہمی رحمت، محبت اور تعاطف (ہمدردی، شفقت) میں ایک جسم کی مانند دیکھتے ہو. جب اس جسم کا کوئی عضو تکلیف میں مبتلا ہوتا ہے (بیمار ہوتا ہے) تو اس کی خاطر باقی سارا جسم بیداری اور بخار کے ساتھ اس کا ساتھ دیتا ہے. بخاری 6011 (مسلم 6586؛ مشکوٰۃ 4953)

رسول الله ﷺ نے فرمایا: مسلمان (باہم) ایک انسان کی طرح ہیں. اگر اس کی آنکھ میں تکلیف ہو تو سارے جسم کو تکلیف ہوتی ہے، اور اگر سر میں تکلیف ہو تو اس کے سارے جسم کو تکلیف ہوتی ہے. مسلم 6589 (مسند احمد 9117؛ السلسلة الصحيحة 1117؛ مشکوٰۃ 4954)

رسول الله ﷺ نے فرمایا: جس نے رمضان کے روزے رکھے، پھر اس کے بعد شوال کے چھ (6) روزے رکھے تو یہ صیام الدھر ہے. (یعنی پورا سال مسلسل روزے رکھنے کی طرح ہے). مسلم 2758 (ترمذی 759؛ ابوداؤد 2433؛ ماجہ 1716، 1715؛ مسند احمد 14353، 14531، 14767؛ دارمی 1795، 1796؛ مشکوٰۃ 2047)

حضرت عائشہ ؓ بیان کرتی ہیں: ایک مرتبہ عید کے دن حضرت ابوبکر صدیق ؓ اُن کے ہاں آئے تو وہاں دو بچیاں دف بجا رہی تھیں، حضرت ابوبکر صدیق ؓ نے اُنہیں ڈانٹا، تو نبی ﷺ نے اُن سے فرمایا: "انہیں چھوڑ دو، کہ ہر قوم کی ایک عید ہوتی ہے اور آج ہماری عید ہے." مسند احمد 25189