شارع التداول

يا جماعة القصة صارت بدها "نفضة" لمفاهيمنا لأنو اللي عم يصير بيبكي وبضحك بنفس الوقت. لما بيجي القانون ليحاسب "شبيـ.ـح" أو واحد إيديه مغمسة بالد.م أو بالنهب وفجأة بيطلع من (طائفـ.ـة معينة) أو (دين معين) بتلاقي الدنيا قامت وما قعدت! فجأة بتنتسى كل جرايـ.ـمه وبينسوا شو عمل هو وأهله بالناس وبتقلب القصة بقدرة قادر لـ "مظلومية طائـ.ـفية". بتطلع الشعارات "أنتوا عم تعتقلونا كرمال ديـ.ـنا!" وبتبلش الرايات الغريبة ترفرف والهتافات اللي بتشق وحدة البلد بتطلع. وكل هاد كرمال شو؟ كرمال "مجـ.ـرم" المفروض القانون يدوس عليه شو ما كان أصله وفصله. والمفارقة المضحكة المبكية إنو "الشبيـ.ـح السني" يا حرام هاد "الحيط الواطي" هاد إذا انمسك ما حدا بيسأل فيه ولا حدا بيطلع بمظاهرة كرماله لأنو "من الأكثرية" وماله (ظهر طائـ.ـفي) يحميه بنفس الطريقة فبتلاقي الشبيـ.ـح السني "مظلوم" حتى بـ (تشبيـ.ـحه) لا هو متساوي بالحقوق مع رفقاته الشبيـ.ـحة التانيين ولا هو قادر يقلبها طائـ.ـفية لينجو بجلده. الحقيقة اللي لازم تنقال المجرم ماله د.ين اللي بيشبح وبيسرق وبيقتل هاد بيمثل نفسه وقذارته مو بيمثل طائـ.ـفته استخدام الدين كـ "درع" لحماية المجـ.ـرمين هو قمة "الوقاحة" هي اللعبة هي اللي خلت الفساد يعشش لأنو كل واحد صار يحتمي بـ "جماعته" بدل ما يحتمي بـ "القانون". العلم الوطني هو السقف لما بنشوف أعلام وشعارات تانية عم تطلع كرمال "حماية شبيـ.ـح" هون بنعرف إنو القصة مو قصة حق القصة قصة "لي ذراع" للدولة والوطن. العدل ما بيعرف "طوايف" إذا بدنا نبني بلد حقيقية لازم الشبيـ.ـح (من أي دين كان) يتحاسب وبدنا نوعى إنو اللي عم يجرنا للطائـ.ـفية كرمال يحمي "زعرانه" هو أول واحد عم يخون طائـ.ـفته قبل ما يخون وطنه. سورية بدها قانون بيمشي على الكل.. مو قانون "بيفرمل" قدام طائفة وبيدعس على تانية. #سوريا_الجديدة #سوريا

#عاجل | #ترمب لفوكس نيوز: أرسلنا أسلحة للمتظاهرين الإيرانيين في وقت سابق من العام عبر الأكراد لكن الأكراد احتفظوا بها - الأفضل أن نأخذ النفط الإيراني إذا لم تكن طهران مستعدة لإبرام اتفاق - منحنا في الوقت الحالي عفوا لمن يتفاوضون نيابة عن إيران كي يتمكنوا من مواصلة المحادثات

سوق الشغل الأمريكي "عم يفرط"! 📉 المراجعة الجديدة لبيانات شهر شباط (فبراير) طلعت أسوأ بكتير من الحكي الأولاني الرقم نزل من خسارة 92 ألف وظيفة لـ خسارة 133 ألف وظيفة. هي أكبر "هبدة" بسوق العمل من أيام أزمة كورونا بآخر 2020. شو يعني هاد الحكي ؟ تخيل الاقتصاد مثل "باص"والوظائف هي "البنزين" اللي بيمشيه البنزين عم يخلص لما الشركات بتبلش تستغني عن الموظفين بهاد الكم الكبير معناها مانا قادرة تتحمل تكاليف أو خايفة من المستقبل أو مبيعاتها بالأصل تراجعت. شبح الركود : هاد الخبر هو الدليل القاطع إن الاقتصاد مانه "قوي " مثل ما عم يحاولوا يقنعونا بل بلش يترنح فعلاً تحت ضغط الفائدة العالية. هاد الخبر "بيحشر" الفيدرالي بالزاوية من جهة عنده تضخم لسا عالي ومن جهة تانية سوق الشغل عم ينهار إذا ما نزل الفائدة هلق الاقتصاد رح يوقع بحفرة "الركود". الأسواق (البيتكوين والذهب)ممكن "يفرحوا" مؤقتاً لأنهم بيتوقعوا إنه الفيدرالي "مجبور" يغير سياسته ويضخ سيولة لإنقاذ الوظائف بس "الخوف" العام من ضعف الاقتصاد ممكن يخلي المستثمرين حذرين كتير. "الموتور بلش يقطع" بكرة مع إغلاق الأسبوع رح يبين معنا إذا المستثمرين رح يهربوا للذهب كـ "ملاذ آمن" من الركود القادم.

تكاليف الشغل بأمريكا "شعلت" التوقعات! البيانات اللي طلعت اليوم بتقول إن "تكاليف اليد العاملة" (يعني قديش عم يكلف الشغل الشركات) ارتفعت بنسبة 4.4% هاد الرقم طلع أكبر بكتير من كل الحسابات والتوقعات اللي كانت بحدود 3.5%. شو يعني هاد الحكي ؟ ببساطة لما الشركات بتدفع رواتب وتكاليف زيادة لتمشي شغلها رح تضطر "تغلي" أسعار بضاعتها وخدماتها لتعوض الفرق هاد الشي اسمه "تضخم" وهو العدو الأول للبنك المركزي. الفائدة مارح تنزل: "باول" (رئيس الفيدرالي) كان ناطر السوق "يبرد" بس هي الأرقام عم تقله إن السوق لسا "شاعل". تجميد التخفيضات: طالما الرواتب والتكاليف عم تطلع بهي القوة الفيدرالي رح يضل "قافل" على الفائدة العالية ومارح ينزلها قريباً كرمال ما يرجع التضخم ينفجر. من الآخر 🔴 🔴 بكلمتين: "حلم الفائدة النازلة تبخر" هي البيانات هي أسوأ كابوس للبيتكوين والأسهم لأنها بتعني إن السيولة رح تضل "محبوسة" والقروض رح تضل غالية لفترة أطول. #

عاجل: من طبول الحرب لطاولات المفاوضات؟ 🕊️ ​"موقع Axios عم ينقل إنه في مفاوضات سرية بلشت بين #أمريكا و #إيران . الاتفاق المبدئي بيشمل: فتح مضيق هرمز فوراً وتحجيم البرنامج الصاروخي الإيراني مقابل تهدئة عسكرية. ​ليش هاد الخبر "صاروخي" للأسواق؟ 🚀 ​انفراجة بمضيق هرمز: إذا انفتح المضيق أسعار النفط رح "تهبط" فوراً لأن الإمدادات رح ترجع وهاد أحلى خبر لـ "باول" والفيدرالي كرمال يحاربوا التضخم. ​انتعاش الأصول الخطرة: #البيتكوين و الأسهم رح يعملوا "رالي" (Pump) تاريخي لأن شبح الحرب الشاملة كان هو اللي كاتم على نفسهم. ​لعبة ترامب: ترامب بيعشق "الصفقات" إذا قدر ينهي الحرب باتفاق رح يسجل نصر سياسي واقتصادي خيالي. ​من الآخر 🔴 🔴 ​البيتكوين والأسهم: إذا تأكد الخبر توقع "طلعة" قوية مع افتتاح يوم الاثنين. ​النفط والذهب: رح يشوفوا ضغط بيعي كبير لأن "علاوة المخاطر" رح تختفي. ​الحذر: لا تنسى إنه "Axios" عم ينقل "Potential talks" يعني لسا ما صار توقيع رسمي. انتبهوا من "فخ المشترين" إذا طلع الخبر مجرد إشاعة لتهدئة السوق. ​راح نراقب سوا "رد فعل طهران" الرسمي بكرة الصبح لنشوف إذا رح يأكدوا هي المفاوضات؟