‏᷂دوسر〆

- ماجرح قلبي ولا هزّ الفراق احساسي ذكرياتي معك أنا نادم على مجمَلها لا تعاتبني ليامن صرت مثلك قاسي غيّرتني مجريات الوقت ، وأنت أوّلها .

' يوم حدّته الليالي ومسّته الظروف؟ صدوا أشباه الرياجيل وأنقذته مره .

الجناب السمّح ، و الوجه الحياوي و الكلام الذرب ، و النفس النقيّه و العقل و الدين و الكف الرهاوي سبع ، تفرض لك حضور و قابليّه .

تعبنا من مجامل واحدٍ يلعب على الحبلين يظن انه ذكي والاذكياء تستغبي ظنونه یا مرهين الملام اللوم ما يبنى على التخمين اذا مابه خطأ بيّن على ايّ اساس تبنونه ! يجاریکم وسيع الصدر من باب الذرابه لين على حِدة عباراته وقسوتها . . تحدونه .

اعتقني منً البعد ، والخذلان ، والتجريح ماعاد بي طاقة على نزف الجروح المزمنه لو ضرّ قلبك دمعي اللي بالقصيد يطيييح! قد ضرّ قلبي "قلبك " اللي كنت احبّه وآمنه لا تقول بان قدرك «بعيني مستحيل يطيح » قد طاح من عيني "بـ أفـا "قبل اتباهى وارهنه

- حزمتّ الشعور وقلبك منّ الجفا ما حس و صار الوله موضوع خارج منّ ايديني عليم النوايا يعلم بما تكنّ النفـس على غير دربك . . خطوتي ما توديني .

خلنا مثل السعوديّه ومثل الكويت لا سمح الله جاء بيني وبينّك حدود انتّ لو تزعلني بكلمه.. بكلمه رضيت فارشٍ لك ساحة الصدر بيت بلا عمود .❣️

ما الله كتبلي على اللي صار صبرٍ جميل ولا كتب لك عذر و اللي ما يكتب عسر ما ودي أرحل لكنك أجبرتني بالرحيل سوالفك ما تسر و خاطرك ما يسر ضايقتني يوم جيتك بـ الكلام القليل و خسرتني إياك لكنك بعد بتخسر غديت ضيفٍ حشاد في ضيافة بخيل كلامه يقول اسر و عيونه تقول اسر - خالد مبارك .

- ترى عزيز النفس لامن عاف عاف بلا كلام والله لو أنّه " وطـن " ما عاد له حب و ولا ما ينتهي " كثر الغـلا " إلا بـ قلّ الإهتمام وإن جيتني بعدين مالك لا حضوَر ولا غلا .

- ليه تستغرب لا زادو فالحياة أحبابك؟ أنت حُبك ينولد مع البشر بالفطره حب وانثر في عيون الحاسدين ترابك ولا تصدّق من يقول أن المحبة خطره والقصايد والبيوت اللي تنال اعجابك ما تجي من قل لا والله تجي من بطره أخذ منها اللي كتبته تحت ظل أهدابك وأترك اللي يستحق الشطر ياخذ شطره .

- عليك الوجد والبال الطويّل وجمرة التنهيد ولا مرّيت في بالك عبور .. ولا أنتّ راجع لي

- عسى الله يعوّض بالأجر فايض الاحساس منّ يعيش زهرة عمره و لكن مشيّب صدوف الليالي تمتحن كل طيّب راس ما حسّ بمعاناة الكفو . . واحدٍ خيّب وانا فوق ماني منحرم لذّة الاوناس لو اقرا خبر عن شخص عدّيته قريّب معي قلب متعبني ويحزن لحزن الناس ولا يذبح الطيّب سوا قلبه الطيّب

- لك ايام متغير ولا انت بـ على المعتاد يعلمني اسلوبك . . و ترحيبك البارد ' أنا والله اني ما جبرتك على المقعاد تساميت عن رفقتك دام الجفى وارد

@subiie7 يستاهلون 🔥.

لا ضاقت نصيت المسعري مكرم الهشال طويل الذراع اللي . . . تباشر به ضيوفه — سعد جدلان .

- ولا تعتذر عنّ ظلم بعدك وطول جفاك إذا جبتّ نفسك . . ما بقى عذر ما جبته

مساء الخير .

- جاهلي يحسب كلامي فيه من ضرب الغرور وعارفي ٫ يعرف انّي لا مشيت امشي في ثبات .

َ قال كيف الوضع عقبي ؟ قلت طيب قال كيف الحال عقبي ؟ قلت قاضي ٓ لا تزال أنت . . البعيد اللي قريّب والقصيد اللي بدونك ، حكي فاضي . َ

- انا لي شهر لامالت الشمس تالِ عصير يجيني بلى .. وابعد عن الخلق و اغيّب اعذّل على حالي و نفسي و اقول بخير وانا والله اني .. لا بخيرٍ ولا طيّب تقول ان في صدري من الهم و التفكير مواويل قافٍ بين .. مستور و حبيّب .

- تواصل مع اللي في وصاله مطر و غيوم و من صد جعله للتساهيل في صده و تركد على قلبك ولا تثقله بهموم كثير الزعل يتعب لك القلب و يهده و بهالناس خذها قاعده و العمر محتوم ف من يزعلك خله و من يفرحك بده ولا تنصدم فيهم ليا صار لك ملزوم لان الاوادم تنعرف .. ساعة الشده !