عَ

هذا الحساب يُدار بواسطة .. مزاج صاحبه دون ترتيب لمحتوى يرضيك

@__illg الله

حبيبي عقب المودة أصبحت أشوفك غريب بلاد عقب ماكنت الموطن اللي دونه ضاعت اسيادي

طوينا ملفات الغرام وزمان الطيش وسقنا الركايب عن دروب الهواويه لو انه الغلا لا زال في خافقي حتيش مارد القدر ياخذك وانساك موليه (: - عَ

@aix22a الله

@aix22a الله

@__illg الله

بين اختلاط المشاعر واختلاط الكلام هذي هي اللحظه اللي ما تمنيتها لفحة سموم الموادع تحت جنح الظلام فكت قيود الدموع وحل توقيتها ما املك من الذكريات الا دموع الغرام وابشرك جابك الطاري وهليتها كانك تحسب نار الهجر ( برد وسلام ) حطيت يدك على قلبي وخليتها جيتك وكلي جروح وعاطفه واهتمام ورجعت ابي العافيه ولا تحليّتها ؛)

لو تعتذر ودموع عينك من محاجرها تسيل بستان حبَّك يا قديمي صارت ورودة سمُر وشلون تبكي فوق نعشي وأنت مرديني قتيل و تقرا علي سبع المثاني وأنت دامرني دمر والله لو أبدع لك من أشعار الغزل شعرٍ جزيل و أقطف لك النجمة و ألغلف لك من كواكبها قمر مانيب مستغرب لو إنك رحت ما أوفيت الجميل من يزرع الصبار غير الشوك ؟ ما يجني ثمر هذا أنت ما والله تغيّر تحسب الواجد قليل قنوع إلا في عطى كفوفيّ لو أعطيك العمر عاهدتني في حب غيري ما تحيد ولا تميل و أثرك مخاشر قلبي و قلبه لياليك الحمر أخذ أسفك ماعاد لي بال على كذبك طويل إن كان بعدك مر قربك يا شقى قلبي أمرّ والله لو من فوق عنقي تشهر السيف الصقيل إن رجعتك تحرَّم عليّه مثل تحريـم الخمر (:

اشكي من لجه التفكير في راسي قل وصل وزود شوق وقل عزيمة والله اني قد تحلويت الماسيّ كني مثل اللي محقق له غنيمة لا حدود ولا ضفاف ولا مراسي معركة ذاتي مع ذاتي هزيمة متى يحن الحنين ويعتق نعاسي الليل طال وأشواقي مقيمة كل صبح ادّور ..وادَوّر حماسي أنا الكريم اللي مضيف له كريمة ليت لي قلب على البعد قاسي كن المشاعر من بعدها يتيمة راحت وضاقت بي بحور المراسي من ينجيني من الذكريات القديمة؟🚶🏽‍♂️

روح وان زودت صكات بقعا تعال لك واحد كل مازدات همومه ضحك مايلتفت للصغار وشهب سود الليال بكرا تشوف الفعايل والمواقف محك (:

شعور تحس مو انت المقصود يجرح لو كنت المقصود لـ حط حرفك ب كتابته .

ف البداية والنهاية دون شكري واحترامي ياصغير السن غرك منطق العاذل وطعته والله انك لو تعرف الحب ياوجه الحرامي كان قلب اللي تولع فيك ما اخذته وبعته

ياشينها غلطه الغالي على الغالي ماعاد ينفع دواها لو يداويها ياليتها من عدوي يمكن اشوى لي ولا اني اقدر على الغلطه واعديها ماهي كذا تصبح وتمسي على بالي لا ارتحت منها ولا ادري وين اوديها

كم صحيبٍ لظلم الليل صرت له شموع ولا جزاني في صنيعي ولا حتى شكر طحت وسط النار ماشفت لي رجلٍ فزوع اشهد ان الوقت هذا به الطيَب خسر لو تشوف العين ياقلب مليانه دموع لو ابستر ضيقتي دمع عيني ماستر قال قلبي ياصحيبي ترى مامن طلوع ارجي الرحمن ينجيك من هم وكدر قلت يارحمن ياللي لك المسلم ركوع تجبر المكسور فالقلب ياراع الأمر يالله انك تقطع اللي على طعني جزوع لين تكسر عظم يده ولا يلقى جبر العذول اللي تمكن وفرق له جموع ماهقيت الوقت يتبع خبيثين الفكر العشير اللي حدا بيننا هرج الربوع واعذابي كل ماشفت له بعض الصوَر العشير اللي مكانته مابين الضلوع مايزيحه من حناياي ياكود القبر والله اني لو يطول العنا رجلٍ قنوع والنصيب ايصيب والحمد لله والشكر :)

ليه اعوّد لك مدام إن ما ورى المعواد طايل وش يرّد اللهفة لنفسي على أشياء كنت أبيها ؟ يوجع ، إني في سبيل رضاك سوّيت الهوايل وأنت مستكثر علي " آسف " و مستكبر عليها (:

تذكر يوم اعذرك وانت لا صادق ولا معذور ادور لك عذر واصدقه واكذب احادقي تذكر (:

رجعت بمركب أشوّاقي و أدوّر للوصَال ضفاف وصلت و ما لقيت إلا منافي ما بها رحّمة! أجي فيني عتب يجرّح حنيني و السّنين عجاف وأروح و ما معي غير الوَله في رحلة الظلمة! تجمَّع فيني إحسّاس الأمان ورجفة الخوَّاف وصبر المؤمنين و ميلة المرتد عن سلّمه حبيبي و القصّيد إن ما كتبته بك ترا ينعاف! تعال أقراك بأوراق الشعُور و دمعة الكلمة معي قلبٍ مضى يتبع بريقك و البلوغ أطياف غريبه قلبي الواعَي رضى يحياك في وهمه! وش البسّمة؟ وأنا فيني حُزن مترامي الأطراف بدا في وجهي الأنقى من العبرّات كم وسَّمه عسى تتحقق أحلامي و أحس إن الدروب خفاف وتشرق في فضاي إللي غرق في سطوة العتمة! (:

فمان الله و عوج الحنايا بابها مفتوح ما يرجى الخير من زود الغلا اللي يتقا شرّه عتيق و من عتقاء الحب الطويل و رح و أنا بروح تراني ما بقى في خاطري ما يازن الذرّه قدرنا نستمر و ما قدرنا نعرف المصلوح أحد يشكي من الحيره واحد يشكي من الحرّه كما المجروح لا جاه الدواء من واحد مجروح ما والله يستفيد من الدواء اللي جاه بـ المره صحيح إني عشقتك لين تمثنيتك خفوق وروح وتقاسمنا المحبه والجفى والدمعه المُره لكن طالبك قبل أستاذنك وتقول لي مسموح تقوا وأنسحب قبل أنسحب يا باهي الغره « عيونك لاتدربا دمعها في وجهك المملوح ترا كنك اتدربي في خفوقي من حصى الحره .

طرّف الليل ياللي كل ما الليل طرّف بـ اسمك تنادي الذكرى و ترسم خيالك انخدعت بـ غلافك يالكتاب المحرّف جيت ابي عدّك و عرّضتني للمهالك ليتني ما تصفّحتك و لا جيت لـ الرّف ما دريت ان مجالي ما يطابق مجالك يوم قفيت عنّي ما عرفت اتصرّف ليه تلعب بـ قلبي مثل لعبك بـ شالك وين جات القساوة و انت غروٍ مترّف و القسا ما دخل في عرق عمك و خالك احسب ان المدامع من فراقي تذرّف اثر قلبك سواده كنّه الليل حالك كل فترة على قلبٍ جديد اتعرّف و لا تعلّق بـ بحبك قلب شدّت رحالك دام هذي علومك بالوصل ما اتشرّف اقطع حبال وصلك ويش ابي في وصالك

تساؤل هذه الليلة : هل يقرأ قلبك رسائلي التي لا أرسلها إليك ؟

على درب الغلا روّح بـ راسي قلبي المجنون يدرّج خطوتين الشوق والتحنان لـ احبابه بعد فكيت له باب الصدر ليله وقلت تمون نفض ريشه ورى وجه الغرام ورحت بـ اسبابه لقى غيمة ترش الماء وتعطي لـ الصحاري لون بعد جفت مواريد الوفا من طعنة اصحابه يا صدفه واعدت عمري لقا مابين كاف ونون يا معود يجمع الاثنين في واحد على بابه احبه كثر ما تغري وصوف الفاتن المفتون واحبه كثر ما يدفن غلاه بـ قلبي عتابه مخبي حبه بصدري عشان الناس ما يدرون وتفضحني عصافير الغرام وريحة اعشابه يا ويلي كل ما لاح الحيا في وجهه المزيون وفاحت وردتينه من هواه وعضّ عنابه تذوب الشمس لذّه من حلاياه وتميل غصون وشعاع الطيف كل ما طل نسج طيفه من ثيابه عيونه مكحله مدري كحل منثور مدري عيون ورمشه غابة متشابكه من فوقها غابه (: بـ عينه نظرة الحب وجواهر سرها المدفون وعلى شفّة عسله توقف النحله وتزهى به فداه العاقل اللي ما يلوم العقل والمجنون وفداه اللي يلوم العاشق اللي فاقد احبابه (: