ٌ

مقاديم بدوٍ في رجا قلبك الحسّاس يسوقون شرهتهم وأنا أسوق لك نوقي ترى ما معي شِعر المعرّي وأبو نوّاس أعرف أكتبك لكنّي أجهَل مدى شوقي تجفّ الأراضي وأنت ماطرك دون قياس أبى أتبع سحابك كلّ ما مرّ من فوقي وقبل لا تشحّ بضحكتك يا عسى ما بأس ترى يا حبيبي ضحكك من أبسط حقوقي

اليا استوت مثل الفرس لبستها العقد الفريد عقدٍ مرصع بالجواهر من بنوك سويسرا عنيدةٍ ماهيب تهدا الا على الراس العنيد شامت ماتبغى الا عيال ملوك وعيال وأمرا.

لن تبلغ المجد وتعرف الخطا والصواب ويصير لك في حدود القمه اسم ورسم إلا لاشفت الكلاب اللي عليها ثياب تنبح بدال الكلاب اللي عليها الاسم —صالح النشيرا

انتي دخيله بين عوج الحنايا يا عطفة المقدام عند ضحويه عطيني كفوفك وخمر الشفايا تحت المطر في الليله السرمديه قد انصحوني عن عيون الصبايا والبطش في صمخ البكار القويه انا احسب اني مرهين فالوصايا واثري وطيت النار والنار حيه —عبدالله سمران

ما ودي أجرح عنقها الوضاح والقد الرهيف وأنا وعد ضحكة ثناياها ، وأنا موعودها غيدًا يباريها النسيم العذب ويدف القنيف كنّ الهوا الغربي هواها والسحاب حدودها عيت تخلي للحيا طاري وللنسمة مصيف إلا على جرّة مواطيها وحُمر خدودها.

سيف جدّك حديد وسيف رمشك بتوع وعاشقك مثل خصرك بـ الهيام أنزوا.

واهني من شاف وجهك من قريّب وسامعٍ صوتك ومتقهوي وقادع

حطني بين المعنق وبين الخوختين و انثر الشقر الجدايل علي و فلها.

بنت عزٍ ماهي من بايعات الغرام الدرابيل ما تلحق مشاريفها من حياها وعفّتها وخوف الملام ذايرٍ من خيال المهتوي طيفها كن عليها من العفّه قطيفة غمام تلتعج من شعاع الشمس اطاريفها نخبوية مجاني من خوال وعمام كل شيخٍ يبي في كرته يضيفها .

جادلِ فرّق هدبها جيوش عن جيوش مدهشه في كل شي والمفاتن مدهشه كل خدٍّ مستظلٍّ هدب سود الرموش ردفها ثقل ووقارٍ وفي الخصر خْرِشه ناقز الوركين خطرٍ يشوش الثوب شوش كم تمزّق فوقهن من جديد الأقمشه في النحر عرشين ماهن مثل باق العروش كلّ نهْدٍ فوق عرشه تطربش طربشه.

في يوم الجُمعة ما من صلاة واحدة على النبي ﷺ ترتفع للسماء إلا وتهطل بـ عشرة - اللهُمَّ صَل وسلم على نبينا مُحمد .

اللهم في يوم الجمعة أرحم أبي وأغفر له و اضئ قبره بنور الجنة، وأجعل لقبره وملامحه نورًا إلى يوم يبعثون.

يا من يبشرني عسى دارهم سيل عسى السحاب اللي علينا عليهم .

كل النساء ظلما وهي بينهن ضي غطت شعاع الشمس اشعة بدنها من الذهب تلبس خلاخيل واحلي سودٍ محاجرها … وحمرٍ وجنها - عبدالله بن زويبن .

@salm919391 من بعدك

@_fN08 الله اشكرك واشكر ابداعك 👏👏 .،

تمردّي بالتغنّج و ألعبي بالطروق اللي بها الغطرسه و العنفوان خْلطا أنتي من اللي عليه قلوب الأمه تتوق ما أنتي من اللي ليا روّح مراح القطا دلوعة الشايب اللي سمعته فوق فوق تسرف يمينه لجل عين الطراقي عطا لـ ربوعه ألطف من النسمه و للخصم عوق إليا عطا ما بخل .. و إليا تعزوى سطا

انا رحت اتبعك واهملت شيابي افا كيف الرجل مثلي يسويها خف الله يوم حشرك لا تبلابي سجلاتك معي بالجور ماليها اذا انك ما تبيني ربعي اولابي رجالٍ تذكر اسمي في عزاويها -سفر الدغيلبي

هي شيخه الزين والأخلاق والعفه سبحان من زيّن الخلقه وسواها هي بكفه وخلق ربي كله بكفه تفرق عن العالم بمجمل مزاياها الوجه والخد والعينين والشفه تبطي بطون الحريم تجيب شرواها.

لاسطا رمح الطواري على الضلع القصير طاح عزم الشاعر اللي على الصده قوي ينبش الماضي ذعاذيع نسناس العصير واتصدد مابغى الناس تدري بـ نحوي.

سقى الله ديار الجادل الفاتن الرعبوب تجلى تضاريس الخطر في مفاتنها ركايز نهدها يوم تشلع زرار الثوب شفق شمس انحت والسحاب متبطنها هنوف ليا منها مشت مشية المغصوب تحذف الردوف تقول متبريه منها انا كيف ابسلا عن هواها وكيف اتوب وانا كل ما تحداني اشواقي ازبنها.

ياغزير الزين يا موضي الجبيني ياعيون الصقر في ايد الي يهده مادريتي يالغضي بالي يجيني تفرشين مضرب فوق مخده شين وجه قوله يالمستحيني ساعه لا قبل خلف الجيش رده لا غدا للميزر الغنماء وطيني و الهداوي بيننا قفشٍ وعده مرخصين الروح والقاسي يليني يوم بعض الناس ينشب فالاشده عبيد العجمي