James Agustin

"There is only one thing that makes a dream impossible to achieve: the fear of failure." --Paulo Coelho, The Alchemist

EARLIER: Pagdating ni Pangulong Bongbong Marcos sa Mt. Samat National Shrine sa Pilar, Bataan para pangunahan ang ika-84 anibersaryo ng Araw ng Kagitingan ngayong araw, April 9, 2026. | via @_jamesJA

JUST IN: Pangulong Bongbong Marcos, pinangunahan ang ika-84 anibersaryo ng Araw ng Kagitingan sa Mt. Samat National Shrine sa Pilar, Bataan. @gmanews

TINGNAN: Mahaba ang pila ng mga pasahero na naghihintay na makasakay pauwi sa Bulacan at Nueva Ecija sa isang bus terminal sa EDSA-Cubao, Quezon City ngayong Huwebes Santo. Ayon sa terminal officer-in-charge, may bumiyahe silang 20 extra bus pero dagsa raw talaga ang mga pasahero na pauwi sa probinsiya. | via @_jamesJA Bisitahin ang gmanetwork.com/news para sa iba pang updates.

MGA PASAHERO, NAGSIMULA NANG DUMAGSA NGAYONG HUWEBES SANTO PANOORIN: Pila pa rin ang mga pasahero sa isang bus terminal sa EDSA-Kamias sa Quezon City ngayong Huwebes Santo, April 2, 2026. Ang ibang pasahero, ilang oras ang hinihintay bago makasakay patungong Quezon. Ayon sa bus dispatcher, kahapon pa mahaba ang pila ng mga pasahero. Dumagsa raw talaga ang magsisiuwian sa probinsiya pero may mga extra bus naman sila na bumabiyahe. | via @_jamesJA Bisitahin ang gmanetwork.com/news para sa updates.

PILA SA TERMINAL NGAYONG HUWEBES SANTO TINGNAN: Pila pa rin ang mga pasahero sa isang bus terminal sa EDSA-Kamias sa Quezon City ngayong Huwebes Santo, April 2, 2026. Ang ibang pasahero, ilang oras ang hinihintay bago makasakay patungong Quezon. Ayon sa bus dispatcher, kahapon pa mahaba ang pila ng mga pasahero. Dumagsa raw talaga ang magsisiuwian sa probinsiya pero may mga extra bus naman sila na bumabiyahe. | via @_jamesJA Bisitahin ang gmanetwork.com/news para sa updates.

Mamaya na sa @24OrasGMA! ❤️

PANOORIN: 13 bahay, nasunog sa Samaca Compound Barangay Bagbaguin Valenzuela City. 19 na pamilya ang apektado ng sunog na umabot sa ikalawang alarma bago tuluyang naapula bandang PM. 2 residente naman ang nasugatan sa insidente. Inaalam pa ng Bureau of Fire Protection ang sanhi ng apoy. | via James Agustin/GMA Integrated News

Dalawa nang magkahiwalay na insidente ng pagtakas matapos magpakarga ng gas ang naitatala, isa sa Bacolod at isa sa Quezon City. Ang na-hulicam na gas and run sa Quezon City, pahirapan pa ring maresolba ng pulisya dahil sa nakatakip na plaka. Nakikiusap na ang gas boy na sumuko na ang nagpa-full tank dahil ikakaltas sa kaniyang sahod ang tinakasang P5,000 bayad.

MOTORISTANG NAGPA-FULL TANK, TINAKASAN ANG PUMP ATTENDANT! Nakuhanan sa CCTV ang ginawang pagtakas ng isang motorista na hindi nagbayad ng ipinakargang diesel sa isang gasolinahan sa EDSA sa Quezon City, mag-aala una ng madaling araw ng Linggo, March 22. Ayon sa 22-anyos na pump attendant, nagtanong pa raw ang motorista kung may diesel sila. Matapos magpa-full tank, bigla itong umalis. Sinubukan pang habulin ng pump attendant ang motorista pero hindi inabutan. Nakisakay din siya sa motorcycle taxi rider para hanapin ang motorista sa EDSA pero bigong makita. Umabot sa P5,196.45 na halaga ng diesel ang naikarga na hindi binayaran ng motorista. Nagsasagawa na ng follow-up operation ang La Loma Police Station. Nakipag-ugnayan na rin sila sa MMDA at LTO para matukoy ang pagkakakilanlan ng driver. | via @_jamesJA

PANOORIN: Nasa 4,687 jeepney drivers ang target na mabigyan ng P5,000 na ayuda sa Quezon City ngayong araw, March 25. Ang ibang driver, wala sa listahan o kaya mali ang spelling ng pangalan at birthdate. May help desk naman ang LTFRB at DSWD para matugunan ‘yan. | via @_jamesJA

BABALA: Sensitibong balita at larawan na may kinalaman sa pagkasawi ng mga indibidwal. Maging disente sa pagkomento. MOTORCYCLE RIDER, NASAWI MATAPOS PAGBABARILIN NG RIDING-IN-TANDEM Nasawi ang isang 28-anyos na motorcycle rider matapos pagbabarilin ng riding-in-tandem sa 10th Avenue sa Caloocan bandang alas-10 kagabi, March 23, 2026. Naisugod pa sa ospital ang biktima pero idineklarang dead on arrival. Nagtamo siya ng mga tama ng bala ng baril sa iba’t ibang bahagi ng katawan. Inaalam pa ng Caloocan Police ang posibleng motibo sa krimen. Nagkasa na rin sila ng manhunt operation para mahuli ang mga salarin. Tumanggi munang magbigay ng pahayag ang kaanak ng biktima. | via @_jamesJA

TINGNAN: Pangulong Bongbong Marcos, ininspeksyon ang dalawang bagong prefabricated classrooms sa Mariveles National High School - Alasasin Annex sa Bataan ngayong araw, March 19. Layon ng pagtatayo ng modular classrooms na matugunan ang kakulangan ng classrooms sa bansa. | via @_jamesJA

PANOORIN: llang oras bago ang inaasahang panibagong oil price hike, marami nang mga motorista ang humahabol na magpa-gas sa iba't ibang gasolinahan sa Metro Manila ngayong gabi, March 16, 2026. Ang diskarte ng ilang motorista, humanap ng gasolinahan na may mas murang produktong petrolyo na ibinebenta para kahit paano ay makatipid. | via @_jamesJA

Dump truck na may lamang graba, tumagilid sa East Bank Road sa Brgy. Manggahan, Pasig City mag-1 AM ngayong Lunes, Mar. 16, 2026. Ayon sa driver, mabagal lang ang takbo niya nang mahulog ang likurang gulong sa bahagi ng ginagawang kalsada. Doon na raw tumagilid ang truck. | via @_jamesJA

PANOORIN: Matiyagang pumila sa isang gasolinahan sa Commonwealth Avenue, Quezon City ang ilang motorista na humabol na magpakarga ng gasolina o diesel bago mag-6AM ngayong umaga. Diskarte naman ng ilan, humanap ng mas murang gasolinahan. | via @_jamesJA/ GMA Integrated News

BREAKING: Pres. Marcos arrives in New York for 2-day working visit @gmanews @24orasgma

JUST IN: Nasunog ang tatlong bahay sa Barangay UP Campus, Quezon City pasado ala singko ng umaga. Apektado ang limang pamilya. Sugatan ang dalawang residente. Inaalam pa ng BFP ang sanhi ng apoy. 📹 Brgy. UP Campus Fire Volunteer @gmanews

PANOORIN: 4 na bahay, nasunog sa Alley 3 Barangay Palasan, Valenzuela City, nitong Biyernes ng madaling araw, Feb. 20. Ayon sa Bureau of Fire Protection, umabot sa ikalawang alarma ang apoy bago ito tuluyang naapula bandang 12:45 AM. Inaalam pa ng BFP ang sanhi ng apoy. | James Agustin/GMA Integrated News VIDEO COURTESY: Mhean Guinanao

Nabulabog ng lumalagablab na apoy ang 4 na pamilyang nakatira sa Alley 3 Barangay Palasan, Valenzuela City, nitong Biyernes ng madaling araw, Feb. 20. Sa video na kuha ni Jeric Guban, makikita ang tila paglamon ng apoy sa mga kabahayan. Ayon sa BFP, ligtas ang apat na pamilyang apektado ng sumiklab na sunog. Patuloy ang imbestigasyon sa posibleng pinagmulan ng apoy. | via James Agustin/GMA Integrated News VIDEO COURTESY: Jeric Julius Guban

BREAKING: Labi ni Maria Teresa “Tess” Mamac, na biyuda ng dating kapitan ng Brgy. Balibago sa Angeles City, Pampanga, natagpuan na sa compound ng kaniyang bahay sa Angeles City, Pampanga nitong Lunes, Feb. 16, 2026, ayon kay Police Col. Joselito Villarosa, Jr., City Director ng Angeles City Police Office. Sa isang kahina-hinalang hukay na may lalim na humigit-kumulang limang talampakan sa gilid ng piggery natagpuan alas-5 ng hapon ang bangkay. Naiproseso na ito ng SOCO at nakuha nitong Lunes, Feb. 16. Ayon kay Police Col. Villarosa, Jr., isasailalim sa autopsy ang labi ng biktima para matukoy ang ikinamatay nito. Patuloy pang hinahanap ng pulisya ang driver ng pamilya Mamac na itinuturing na person of interest habang, hindi pa malinaw sa ngayon ang motibo sa pamamaslang. Pebrero 12 nang huling nakitang buhay ang biktima. | via James Agustin/GMA Integrated News