سعود بن سلطان الغييثي

ايه يا طاريٍ لا حل ذكره شحنّا يغتشينا وحنّا ما لنا فيه طاقة من تغيّب نبا راعيه ما غاب عنّا كل يومٍ يجدّ وتستجدّ الشفاقة يتخطرى ضيوف البال لين يتثنّى فوق مركاه متفرّد بحسن ولباقة ينرخص طيف غيره كان طيفه تسنّى واللسان يتحلوى بالقصيد استياقه نتعلل برجوى جيّته ونتمنّى لين ما بسرة المعلوق راحت رقاقة والخوي بالعتاب وبالملامة تجنّى قولته ما تخلون الغشم والطفاقة قلت لو هو من الادنين بعده يدنّا شفتني سقت وجهي وانصلقت انصلاقة مير عظمه بعيد ومبعدٍ عن وطنّا ليت يومه بعيدٍ ما لنا به علاقة له معانا سوًا بالبعد والقرب منّا جمرةٍ في لقاه وجمرةٍ في فراقه الله اللي بحبّه حبّنا وامتحنّا والله اللي ينسّينا مرارة مذاقه ما نبيه يتولّع مثلنا ويتعنّى نبي نسلاه ونعيش الحياة برفاقة مرّنا ما يكفّي من عقايب زمنا لافت الحال لوف الغصن باوّل شقاقة البلا لو تجنّبنا الخمال وتكنّا نوب نسمة هبوب تردّنا للحماقة ما جهل عيد بن مربح جهلناه حنّا حيل .. واللي صفقنا ما نسينا طراقه حظ منهو عقب عوجاه يرقد مهنّا يوم عوجاي مثل اسمي ورقم البطاقة

ابيات قديمه حوليبي من الرجم يارجلي قبل عيني تجيها طواريها حوليبي وانا منتحن عجلي عبرت العين ماني بقاويها جعل فيضت مصده لها الدجلي حيث سمح القدم قد وطا فيها هرج خلي لبن خلفة هجلي نازلن باسفل الصلب راعيها