مُهند⚡

تخيل تدرس في هذي الجامعة 🎞️🏰

طبعًا اقدر انظر عليك واعطيك طرق واختراعات وكيف تذاكر وكيف لازم ٤٨ ساعه قدام السلايدات كله كلام فاضي لا يمكن تناسبك طريقتي ممكن تستفيد من شي معين من طريقتي لكن لا اعتقد انك تقدر تستنسخها بالكامل لا طريقتي ولا طريقه غيري لانه كل انسان له عقليته وله طريقته بالمذاكره وتختلف قوه الفهم والحفظ من كل شخص اعرف صديق لي يذاكر ليله الاختبار واعرف الي يذاكر قبلها باسبوع والي قبل بيومين ف الافضل انك تقعد تجرب مع نفسك وتجرب اوقات مختلفه للمذاكره وهذا اهم شي يعني تشوف متى عقلك يكون في قمه نشاطه وجاهزيته واعتمد هالوقت وهيئ غرفتك للمذاكره خلي كل شي جاهز قبلها بليله عشان تلقائيًا ثاني يوم تبدا

أكثر من شخص في الخاص والمنشن سألني عن طريقة مذاكرتي وكيف اغلب درجاتي كامله ، انا اجزم انها توفيق من رب العالمين لأنه ما كنت ارد احد يطلبني شرح ما عمري تأخرت عن احد محتاج شرح الا لو مرا مالي خلق وهذي يمكن صارت مره وحده لكن دايم كنت ابادر واروح لشباب واشرح واذا في تجميعات اشاركها واذا في شي مو فاهمينه اعيده كثير ، ما اقول انه الوحيد الي يسوي كذا في مليون شخص احسن مني ويسوي اكثر مني ولكن اوريك فضل الله علي بس ولا مذاكرتي نفسكم لكن رب العالمين قال في القرآن { إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا (30)} بس هذا سبب معدلي العالي توفيق ربي وكرمه علي ما اسوي شي خارق يعني