N

البارحة و أمس لا مرّة ولا مرّتين أدسّ طاريك و يبيّن بـ قافي جَهَر إي والله أنّي خِلي القلب و أنّي حزين عليك / ياللي من أنفاسك يشبّ الزهر بعد ما أخذتك من ايْدين الرجال أجمعين خذك النصيب و ظروفٍ شرها يدّهر رحلت و اختلّ وجه الكون حتى السنين اليوم حسبة شهر / و الشهر حسبة دهر ما عاد لي بعدك من الناس خل و خدين ولا عزوم لْـ سفر ولا مزاج لْـ سهر أحن و أمر شارعكم من الحارتين قبل صلاة العصر بعد صلاة الظهر وآخذ حوالين بيتك دورة و دورتين البيت بطن وظهر و الحب بطن وظهر وشلون! بألقى بدالك؟ و أنت مالك ثنين يا نيل ما الله خلق قبلك و بعدك نهر كلك عجايب ولا أدري طين ولّا لُجين؟ عجب! و متماسك امْوقّف على منصهر! ممشوق نور و غَيا طاغي و مصبوب زين موتٍ تكشّف و موتٍ مستتر ما ظهر أنثى ولا مثلك أنثى في نسا العالمين لو تنجب الحور حور فْـ كل مطلع شهر إن قلت فيك القصيد الزين/ تستاهلين حقّك و حق الجمال الباهر المزدهر إن جاز لك غايتي و إن كان ما جاز شين والناس ما همّني من ذم و من انبهر تمشين و تطيح خلق الله يسار و يمين هذا يبايعك خل و ذا يقدّم مهر مالك مجاري ولا منافس ولا تشبهين إلا القمر و النجوم السارية و الطُهر أبك أنتي لحال حتى أشباهك الأربعين من يوم جيتي لوجه الأرض ماتوا قهر