🙃 أحمد جمال

إنطباع أولي عن ديابلو 4، قد يساعدك هالشي بتحديد قرار شراءك من عدمه، ويجاوب لك على بعض تساؤلاتك حول اللعبة. نوع اللعبة وهدفك فيها : اللعبة نوعها أكشن RPG عالم مفتوح، هدفك الأساسي فيها إنك تجمع ملابس لـ شخصيتك. الهدف قد يبدو سهل وممل ورتيب، لكن على العكس تماماً.. الموضوع إدماني ومتنوع وحماسي. لأنك عشان تاخذ ملابس أفضل لازم تهزم بوسات أفضل، او تخلص دنجنات أكثر، او تفرّم مهام جانبية عساس تجيب فلوس وتقدر ترقي ملابسك. ويمكن تطيح لك قطعة ملابس قويه جداً.. ف تجبر نفسك إنك تغير حركاتك والـ Skills على اساس تقدر تستغل هالقطعة. فراح يتنوع لعبك بشكل ملحوظ وتدريجي بشكل مستمر. هل القصة مهمة؟ : إي القصة فيها جداً ممتازه،ومحبوكه،رغم اني ما خلصتها إلا إني مستمتع بكل جزئية منها. لكن عشان نكون صريحين، تحتاج لغة إنقليزية جيده جداً. وتحتاج تاخذ نظرة على لور العالم عشان تفهم، بس هذا العنصر تحديداً بهالنوعية من العاب اللوتر عادة يكون مش بتلك الأهمية. يعني متعة لعبك مراح تنقص شي إذا ما فهمت القصة، لكن راح تتضاعف إذا فهمتها وتفاعلت مع أحداثها السوداويه. المنظور العلوي : اللعبة تستخدم منظور علوي، شي يخوف أغلب اللاعبين اللي ما جربوا هالنوع من قبل، او يحسون ان المنظور هذا يطفش وما يدخلك الجو. لكن هالشي غير صحيح بتاتاً، اللعبة هذي أجمل بهالمنظور، بل القيمبلاي يحتاجه بشكل صريح. والمنظور هذا رغم ان لطالما كان يهمل جوانب القرافيكس، إلا إنه بـ ديابلو 4 القرافيكس والرسوم شي يدلّع العين حرفياً. ف إذا المنظور مخوفك، لا تخف.. راح يعجبك. نظام الـ Co Op : اللعبة تقبل انك تلعب مع 3 من ربعك . بشكل سلس جداً جداً جداً. تدخل بعالم صديقك، فتخلص المهام معاه،إذا المهمه هذي كذلك انت ما خلصتها؟ راح تنحسب لك إنك خلصتها مع صاحبك. والعجيب بالموضوع، إن لو انت لفلك 40. وصاحبك لفله 30. ف الوحوش بالعالم راح تبين عندك ليفل 40 وعند صاحبك ليفل 30. ومراح تعطب اللعبة عليه لأنك اقوى منه، بالعكس راح تحسون كلاكما بنفس التحدي، هالشي ما قدرت أفهم شلون مطبقينه.. بس خلاني ما ارتبط مع صديق معين عشان ألفل معاه، عاااادي العب مع الكل.. دون لا اشيل هم الليفل. هل اللعبة تحتاج تمكن باللغة الانقليزيه بجانب القيمبلاي؟ : نعم. تحتاج تكون عندك شوية انقليزي عشان تعرف تفهم ملابسك وقدراته وخصائصها. بس الموضوع مش معقد.. يعني دام كنت تفهم الملابس بـ Elden ring راح تفهم إهني + إن قاعد الاحظ مجتمع عربي كبير لها، ف راح تلقى احد يساعدك دايم وينصحك، فلا تشيل هم.