مشراف شعر

المطر و الغيم و انفاس السُحب وش نحب اكثر من اجواء الشتّاء .

امطري بالخير ورشي ياسحابه وطلبي يانفس دام الله كريم

الجو غيم وساقني يمك حنين الله يجيبك يوم جاب الله مطر

نكبر على يدين الظروف ونصغــر إذا جانا مطـر.

مثل المطر ياصافي الروح ذكراك يغسل هموم النفس ويروي ضماها..

إن جيت قلنا مرحبا الله يحييك وإن رحت ما انت اعز من راح عنا

على النقى ماننحدر بالمحادير نظراتنا صوب الجدي والمجرّه

اطيب من الكلمة اللي مالها داعي الصده . . اللي تبيّض وجه راعيها

مايخفف ضغط الأيام وظروف الحياه غير قرب اللي تحبه .. وتستانس معه

بعض الاوادم عطاه الله طيب وقبول ان جاك زاد الغلا وان غاب زاد الغلا

شد حيل الخطاوي فالطريق الطويل لين " تضحك لك الايام وتضحك لها "

من جرب الغربه عرف قيمة الدار ومن جرب الفرقى يحس بوجعها

نساير الدنيا على كف الاقدار ساعه تسايرنا وساعه عنيده

من دق صدره في لزوم الرياجيل لا يدس راسه مثل راس النعامه .

وارثين الطيبّ من كل النواحي ونحمد الله ما مشينا بـ الرديّـه

ياحي عين اللي يصادم ظروفه يبغى يوقف موقفٍ يعجب العين .

احب الرفيق الطيّب اللي جنابه زين واعده من الاقراب لو ماهو قريّب

من شاور الناس ما حقق طموحاته يلقى من الناس من يكسر مجاديفه .

الصاحب اللي له معزه وشيمه نحذف خطاه خلاف ونروح قدام