✵

"ما بينك وبين الطمأنينة إلا يقينك بأنّ ما لم يُرده الله لن يكون، وأنّ ما أرادهُ لن يمنعه أهلُ اﻷرض"

أحبه وودي به لو اني بعض الايام غدا ودي اني ما عرفته ولا شفته .

ردِّي عيونك وخذي عذوقي شْعور لا ضفّ صوتك في مدى الشوق ريشَه حاولت أداري حاجتي فأرْضِك البور لو ما ورا صلفات الأيّام عِيشَه ما كان صبحك يا أتلع الجِيْد معذور أخاف سلمه كثر ما أخافَ جيشه اسمٍ بقى رغم المسافات ماثور كلّ مَا طرأ لي عاوَد البال طيشه وأنا طيورٍ فوق شبَّاكك تدور باعت مسافات الخضار ب دريشة ما زال وجهك غربة سْنين وشهور احتاج أحبّه مرّة أخرى وأعيشه

"شرك كخيرك له من يستحقه" حيث قال عباس محمود العقاد وكان يملك نظرة ثاقبه غير ظالمه ولا مظلومه ، عندما رأى بالناس أجناس غير متجانسه من شر وخير قال بمرارة التجربة : لا تقنط من طيبة الناس كل القنوط، ولا تعوّل عليهم كل التعويل، بل أحسن الظن بالناس كأنهم كلهم خير، واعتمد على نفسك كأنه لا خير في الناس.

للّه درك . يا ثقيل الهجس يا ترثة نزار من صغر سني وانت قاضبني مثل قضب العمى سر التعايش معك يدفعني لدرب الابتكار لين انفردت بكوكب المريخ عن جمع الكما عرفت منك ان البحار السبع قطره فالمدار وان الخيال ان ما انتما للفكر للسحر انتما وان الحقيقه زيف في ضف المقام المستعار وان المبادي حضوة يبلغ بها الرجل السما لولا اليقين بقدر نفسي كان ضيعت المسار وأرخصتها في سوق ياليت ولعل و ربما يا كثر ما شافت عيوني مهتوين الاحتقار على جماجمهم مزون الذل تشمخ وتهمى يطول ظل الهون ومقيمين في رجوى ثمار ولا ذكر لي عرق يلحاه الهوى غصنه نمى انا ما اصافح من ضرت يمناه مدٍ باليسار اليا اذعنت روس تحب الهينه راسي سمى يالله بفزعه منك تنسيني مضاض الانتظار واعوذ بك من هقوة تقصر عن حدود الحمى كم لي وهم الليل يكمل ما ابتدا هم النهار والوقت ما يرعى لأحد ذمه ولا حرمة دمى اخذت صبر ايوب فالشده بعين الاعتبار عسى العوض ركض يبل الكبد عن سرف الضمى

مساء الخير ، لم أرى شخصًا تنازل أكثر من اللازم إلا وتم التنازل عنه. لا اؤمن بالتنازل ولا وجود له برفوف أيامي .. اؤمن بالعطاء بلا شروط تقديرا وتبجيلا. عندما إرى بك م أراه فيني ستكون كُل السبل تصب فينا. تنازلي عني هو تنازلي عنك والعكس، على المرء الأيمان بالمراعاة بالتأقلم أشياء ترفعه لأتجرده من قيمته. هناك قاعدة في الإستحقاق تقول: إذا تنازلت عن حبة الكرز التي تُزيَّن كعكتك، فلن تصلك في المرة القادمة إلاّ نصف الكعكة.

تهايف الشمس ويطول الظلال القصير و ادوّر الصبر لا غابت ولا اعيّنه عز اللّٰه ان خاطر الملهوف خاطر غرير ادناة ما زيّنه وادناة ما شينه غدا بي الفاتن اللي ما غدا له خشير ما يحصر الزين في حاجاتٍ معيّنه تشوفه العين غير وكل ما فيه غير انا اشهد ان اللّٰه محليه ومزينه على كثر جنس حوّا في الزمان الاخير لكن من عيّناته ما بقى عيّنه ما جفاه لو بيني وبينه خلافٍ كبير موفق في اختيار الكلمه اللَيّنه ماهوب قيس الوحيد اللي عشق من ضمير من عينه سيد العشاق من عينه حبّيت حبٍ مِا جرّبِهْ الغني والفقير وانا ادري أَن المحبّه ماهي ب هيّنه والله ماعيّنت من كثر التعزّاز خير سوات من يجحد الضلعه وهي بيّنه

صباح الخير . تعودت ان اقول في كل صباح : يالله بصبحٍ شارق وحظ فارق. وكان سعدون المجنون يُحدِّق في السماء ويقول : أتتركني ويسكت. أتتركني وقد آليتَ حلفًا بأنَّك لا تُضيِّع من خَلقتَ وأنَّك ضامنٌ للرزق حتى تُؤدي ما أمِنتَ وما ضمنتَ وإنِّي واثقُ بكَ يا إلهي ولكنَّ القلوبَ كما علِمتَ

البال ماهو خلي والكبد مندبله وليا اظلم الليل هم الروح يدعيني ياخذني لعالم الاوهام واكتب له ابياتي الي بحرها من بحر عيني والشعر انا وارثه والقاف انا شبله لو حظي اقشر من وجيهٍ تعاديني يا حظ ليتك سحابٍ ينهمر وبله ويهل مزنك على داري وتسقيني ابيك مثل الحيا والبدو تطربله لاخضر القاع بعد دهور وسنيني ثم فزّ فالارض صفار ومعه ربله والنبت فيه اشتبك مثل البساتيني وريح النفل عطر الجيان والعبله وجوٍ خلي كن ذعذاعه يداويني لو كان طبي لذيذ الخد والقبله الي نثرت القوافي بينه وبيني ذكراه حيّه لو عروق الغلا ذبّله منحوت فالقلب مثل خطوط كفيني حتى لو الوصل ضيّق وقتنا سبله ما ينهدم صرحه الي شيده فيني هو غاية النفس لابعده ولا قبله دايم على البال و طيوفه تباريني وانا مع الوقت حظي لاويَّ حبله لين الشقا والعنا صارو عناويني لو انده الماضي الي فات واندبله ما عاد يرجع وانا ما عاد يمديني

قالت العرب في حشمة الذات: وإذا رأيت من صاحبك فتورًا عن حديثك فأقصر عنه فإنّ الإلحاح في غير موضعه عِي. ولا تُلق علمك إلا إلى من يُحسن استماعه ويعرف موضعه فإن بذل العلم لغير أهله ظلم له. واعلم أنّ من سوء الأدب أن تُحدّث من لا يُصغي إليك وتعلم مَن لا يتعلم منك. وليس ينبغي للعاقل أن يُظهر من رأيه وعلمه إلا بمقدار ما يرى من قبول سامعه.

الله الله يالنسانيس العليله رممي صدري من اضرار الليالي ودي اجر النسم مده طويله واشعر اني من غثا الايام خالي من ثلاث اعوام وافراحي مليله ما بقا من راس مالي راس مالي للتجارب فضل ولعقلي فضيله بعد ذوقت المراره كل حالي والله اني من رجال ومن قبيله واحمد الله يوم عماني خوالي والطريق الي يتوه به الدليله مستعد اعبر متاهاته لحالي إيه انا الي لابغا يفني حصيله ما يفكر في البعيد وفي الموالي قد تهقويت الامور المستحيله يوم غيري عايشٍ دور المثالي ان وقف بين الصعيبه والثقيله ما وقف وقفة شجيعٍ ما يبالي والردي لا طاح خله لا تشيله ماهي بطيحة مقام ولا معالي خل بالك ل المراقيب الطويله عالي الهمه يحب يعيش عالي .

خلّ في صدرك من الضيق كثر الرحابه و إن تحلوّاك وقتك خلك امر ، ادهى كل من طالته الأيام ينقل صوابه و كل من ذلّ من بقعا تعده ولدها دم وجه البنادم فـ الليالي زهابه إن هدر ، لو يجدّ بحاجته ما وجدها ما أسعد اللّي عن العالم موفّر عتابه و ما أتعس اللي ليا عافت تمسك بيدها خالق الناس من نطفه و منسب ولابه يبعث الناس في يوم التلاقي وحَدها دعوةٍ ما نصت وجهه ثمرها هبابه ولّ وجهك نحى القبلة و كبر و عَدها قابل التوْب ما يوصد عن الخلق بابه كل ما جات له يسبق رجاها كبدها ألتجي له وأدور رحمته من عذابه و أشكره واطلبه بـ سماه و أحصي عددها سجدةٍ له بـ ثلث الليل تكفل ثوابه ودّي اغفى بها ساعه ولا أصحى بعدها

مرني ليل لو مر العرب ما تباته في دواجيه هم وفي مواريه حيره واهني من تعيّشه المليحة حياته لو تبّكيه شوق ولو تموّته غيّره تمنحه ما ينسّي خاطره ذاهباته من ثغرها رضاب ومن شعرها ضفيره يا مبعثر فوادٍ كنت اجمّع شتاته ليه حطمّت من حبك بليا جريره شاعرٍ من عيونك تنهمر مفرداته زِيده من الجمال اللي يخليه اسيره لك عليه القصيد اللي تحفظه رواته شعرٍ تخلدّه الازمان ويكون سيره انت لهفة حشاه وبسملة ذكرياته منك الاشياء لو انها قليله كثيره صار هم النحيل اللي فتنته جماله من تولاه خصرك لا انثنى من يجيره اه يا قلبي اللي ضرته تضحياته ما لجرحه ضماد ولا لكسره جبيره مرهفٍ ذنبه ان غيث السماء من سماته الزهر يلهمه والقد الاهيف يثيره جعل الامال فيني ما تسوي سواته اكحلٍ ما ترك لي قلبٍ يحب غيره شفي العسر وابن ادم طموحه غناته والعسيره على جذب اهتمامي جديره من يعلق على جيد المهاة امنياته ماله الا سراب الجازي المستذيره عاجز الراي لا يندم على شي فاته لا رضى ان الحظوظ اللي تقرر مصيره يا وريث الندى عز الرجل في ثباته سل سيفك قبل يصدى وهو في جفيره التفت بس للي يستحق التفاته الرجل ودك ان حتى عدوه نظيره اعرف شعيل لا جف الحكي في لهاته من يعرف الجمل يعرف رغاه وهديره فارس يعجز اطراف الاسنه مماته ترعبه فكرة انه يحتضر في سريره الظفر يطلب من اللي يبيه استماته والهمم تطلب من اللي شحذها ذخيره بأذن من جلت اسماه وتجلت صفاته وبأمره الشمس يسفر نورها كل ديره يستجيب لـ رجا عبده ويقبل دعاته ما الله اختار شي الا جعل فيه خيره لو جفاك السحاب وشح في غادياته البحر لو يجافيه المطر وش يضيره الغلا عند خلك لا تدور اثباته كل نفسٍ لها عن كل نفسٍ سريره

بالكاد أصارعك يا جندٍ من اللّٰه مدار نسايمك تاسر الراحة من احلافها ذكّرتني بالشعور الصب والإنبهار يا وجد نفسي سببك ويا تلهّافها شف ويني ووين كان احساسي ووين صار بعض النسايم تخلّي الواحد يخافها على كثر ما قنعت النفس بالإنتصار على كثر ما اتضح بالواقع خلافها سرّاقة الروح , ملاذ الطيور الصغار لا هاجرت تمّن العشّه على اكتافها لا شارفت نفسي الولهى على الإنهيار فكت روابط ضفايرها على أطرافها واسترسلت بالسوالف لين طل النهار سوالفٍ فاقد الأسماع ما عافها مسافة القرب ما بيني ، وبين الزرار ما تعطي النفس قدرة تلزم أعرافها مرّت سنيني معك مثل الليال القصار ليت السنين الجميله ترجع خلافها كثر الحزن في وداعك ، واتخاذ القرار أصعب على نفسي من الناس واجحافها آخر طلب دام صار الذنب فالإختيار لحظاتي اللي تبقّت ودك اتلافها لوحة خشب ماهي بمتعلقه بالجدار منسيةٍ فوق الأرفف تطلب إسعافها ما ودي انك عليها تمسحين الغبار لين الحياة الجديدة تاخذ اهدافها

كِل زفير أهل الأرض لا يُغير مسارَ غيمة ، فإن أراد اللّٰه لك الخير ساقهُ لك ولو على ظهر عدوّك.

فالمحبة ما يفيدك لا ميول ولا استقامة كان ماشدك غلا ماهيب جاذبتك حميا يا تباشير الغلا والشوق ما حولي ملامة كل يوم ارقب مجيّك من هناك ومن هنيا انت من نسل البشر ولا القمر ولا الغمامة ولا من نسل الورود اليانعة ولا من ايّا فيك عنق وفيك خصر وفيك جيّد وفيك شامه وفيك من عين الوحش لفته وفيك امن العبيا لا وقفت اقول وقفت من يحبون الزعامه وان مشيت اقول ممشى من يحبون الكفيا لو ما اشوفك من خيار اهل البلد قدر ووسامه كان ما كنت ف كنف حبك من الحزن اتفيا والله انّ اقسى ليال العمر وأكثرها ندامه يوم ارتب لي معك فرصة وصال ولا تهيا ودي اني عشت لي يومٍ مثل يوم الرغامه ولا لقيت إللي بعد ماقفيت رحبي وحيا ينتهي عقد الشغف وتموت كلمة وابتسامة كان مالي من وجودك حظ يا سمح المحيا

أصدق أصفيائك من تأنس بقربه وتأمن بوائقه، فآية حسن العهد رعايته في السلم والخصام، وآية حفظ الود دوامه في البعد والقرب. و يقول مزيد الوسمي : تاخذني ظروف الحياة السريعة وألقاك من عقب البطا مثل ما كنت أنا أدري إن ضاقت عليّ الوسيعة ما أحدٍ موقف لي على ساق غير أنت

يحاوطك المطر من كل يمه وتهواك النود وانا روحي عليك من الوله ولها مثل ماهي وحيدٍ دون ضحكك لو بقى فالعالمين حشود غلاك اللي تربّع في حشاي الآمر الناهي رجاي من البشاير ما يسر الخاطر المعقود وانا قلبي تحت رحمة هواك وطرفك الساهي ياكثر اللي ذبحني يوم اعيّن بابك المسدود وانا مالي غناةٍ عن وجود المعدن الزاهي لو يزعلك شي ارخصت لك عمري ويمكن زود على شان العيون يحق اموت اموت متباهي انا ش اللي مريحني لا جيت الا العيون السود ولامع ثغرك وكلمه من شفاك ومن شفاهي ومجدولٍ تصبّب فاح ريحان ومكاسر عود عن البرد اختلي به وآغفى ويطول متواهي مقر النور مركازة تراقي عنقك الممهود بعد ما يلتهي منها النبيه تنبّه اللاهي وانا ضاميك سُقيا زمزم الماء صافي القرهود بعد قيضٍ خطف لون السنين بعذره الواهي تواكبك الغصون بكل لفحه من شذاك تهود تقول ان قدّها مع قدّك الميّاس متماهي وش النجم البعيد و طمعته دام القمر موجود قسم بالله ما حولك شبيه ولا لك مضاهي احبك والله اني ما استحيت من الغلا والجود ارددها وانا وجهي طويل ومحزمي راهي

من اول مواجه توصلت ليقين حبك قدر ماهو مجرد مرحلة وصال ربات المحاسن نص دين وانتي وصالك نص دين ومرجلة .

يقول أسامة نبيل : "ومن محامد الرجل أن يفوز بالمرأة فتخضع له، لا أنْ يفوزْ عليها فيُخضعها" وبلغة شاعرية تعتمد على فكرة التحدي العاطفي يقول راشد بن سالم : لكن تعالي ترى طبع الليالي قصار نبغى نتمارى من أكثر حب بالمختصر إذا غلبتك كفو وأستاهل الانتصار وإذا غلبتيني أنتي كنّي المنتصر