A

توثقت في حبّه مثل راعي الطير لا هدّ طيره فِي الهواء واثقً منه

غيداً مطيّشها الغرور اللي على صح و صحاح و تقول كن البرق في عرض المخيله مبسمي :) فارس الحشار

ألعبي بالمشاعر مثل لعب العبيّه و أرقلي لي ترى قلبي من الود صافي و أعرضي عرض غيداً عند أهلها جريّه ما جذب ذايقتها غير صقر النصافي و أنصبي نصب عودٍ دوب أخذ له بنيّه العذراى يخلن المريض متعافي مطرب دحيم

الليله اللي تجيبك غير كل الليال لولا المخافه من الله قلت " ليلة قدر " — عبدالله بن خشمان

يحسد الجوهره سر جوفها الضامر بنات و خيل ولو قالوا يا نحل خصورهن و الخيل سبّاقه هذا غير الجبين اللي رقت شمسه سواد الليل جديلٍ تكرمه نور البنات لحزة أنطلاقه و رمشٍ فاترٍ لا سلهمت به كن مابه حيل كسى عينٍ تشادي عين حرٍ تل مسباقه .

ليا صار رمشه عن حجاجه بعيد إشوي و موقٍ عليه من الفناجيل ماريّه ليا ضاع في الكل رمشه يجي له فيّ نبا الفي مار الموت في بارد الفيّه ليا شفت مثل عيون هذي حظك سي تقوم القيامه و انت مالك عن السيّه ليا قلت عطني حاجتي قال لي ياوي ذبحني بكلمة وي عساه للويّه

صبـاحٍ ما دل دربك — صـباحٍ ما دلّـه النور

@alshammari591 بالضبط أخذتها من هالجانب 🤣

أستغرب من الشخص الي اي تغريده او قصيده اكتبها علطول غردها في حسابه على الأقل احترمني وغردها اليوم الثاني 🤣🤨

فيها من الزين والقبول وقليل الكلام وفيها نادر الوصف عنق ريم وعين الغزال الجمال اللي تسطر فيه الحروف والأقلام والقلب اللي تولع في حبها أصبح في جدال لو إنها في عهد النبي عليه أفضل السلام اختلفت بينهم عند النبي بكثر السؤال من شافها ضاع في علوم ولا عليه ملام الوجه البري والثغر اللي عليه الكلام طال

أنتي أطهر ذنب وأجمل غلط وأشجع قرار حطك الله في ليال العمر ليلة قدر الهزيمه في عيونك بطعم الإنتصار من يقاوم سحر عينك ورمشك لاخدر مادريت إنك مسحتي دموعي بالخمار لين قالت رعشة إيديك يامجنون إدر وإدفنيني في بياضً نشع فيه الحمار عاشقً فارق حياته على مفرق صدر .

يا جميله لا تفردّتي ب عنق و دق شامه العنيد يبيع باقي عمره لخاطر عنيده و الهوى يبغى الشجاع اللي نطق قلبه كلامه ما يبى اللي يتعذر عنك بالاعذار الزهيده اقبلي دعوة عزيزٍ قلّطك ذروة مقامه تاركٍ خلفه جموع و جاي في يدينه قصيده مشاري العبدلي

" شرواي نادرٍ بزمان مولي "

يافاتنه في كل يوم وفي كل حال يا اغلا من الدنيا على مفتونها لو دوّروها في جنوب وفي شمال يدور مية عام ومثلها ما يلقونها ياشيخة الخفرات ربات الجمال يالفارقه بحضورها وبدونها خلي عيون الطير وعيون الغزال عيونك اجمل من جمال عيونها !

حفيدة من يعانق سما المجد و الامداح من حقوقها تمشي مع الناس منغرّه سليلة كبار ومجدهم ما يبا الايضاح « نجيبة حرار » و حرةٍ من بطن حرّه هي الغاده اللي طهرها فالدجا وضاح وهي الدره اللي صدق تستاهل الدرّه تومي بقلبي مثل طيرٍ على الملواح وانا ما بعد سلّمت قلبي لحد مرّه

من غلاها لو تورّدني على حوض المنيّه كنها تسقيني الشهد المصفّا من شفاها .

مرحباً، صباح الخير أما بعد: أحياناً يكون أكبر إنجازات الإنسان إنه صبور مهما كانت صعوبة الأمر وفي رواية أخرى: كني على أيدين الصبر مولود مهما حصل لي ما علي خلاف .

حوريةٍ عذبة وضحكتها دمار يحييّ محيّايها ويذبح شوقها جيش المفاتن من يمين ومن يسار والعين دوب الرمش يمشي فوقها طاح الخمار ولا تحت ذاك الخمار الا الحمار اللي يضمه طوقها والوجنتين اللي بياضٍ مع حمار تقعد تناظرها وكنْك تذوقها !

ما يشيل الحمول إلا كتوف الشجّاع ولايهز الشجاع — إلا ظروف السنين .

تقولين من قدّي .. ليا قلت فيني بيت و أنا آقول بيتٍ ينكتب فيك من قدّه ؟

سلوم البدو حق الضيافة ثلاث ايام وانا لي سنة اكرمم طيوفك واقلطها .