w9b

على البال مايحتاج يسجع حمام الدار تفاصيل وجهي كلها تشرح اوضاعه طواريك عندي مثل الانفاس بـ استمرار انا مانسيتك لو نسى الصبح مطلاعه على ديرتك نور القمر يلفت الانظار وعلى دار غيرك يطفي النور بـ انواعه معك كل شي من الطبيعة غريب اطوار يمرك جفول الصيد ، و تغير اطباعه تجاوز على شان المواعيد خط النار ماكنه يخاف الوادي و يكره سباعه عسى الله يجيبك واترك الشعر لـ الشعار ولا عاد اقول الا " لك السمع و الطاعة " عيوني يشابه دمعها الصيّب المدرار كثر ماتبيك تقول ماهي بـ طماعة يطيح الحيا و آمر في لحظة استشعار احس ان وراه ارواح شفقه و ملتاعة تحس الدروب ونسمة الحي والاشجار وقلبك ماحس بـ نازف الحي واوجاعه لو انك تأمل ليش حول القبور اسوار تلطفت في قلبٍ ضمى صوتك و جاعه من الشوق يكفيني رسول السلام الحار لا هب الهوى الغربي تنطحت ذعذاعه معك رحلة احلامي مثل رحلة البحّار تحت رحمة رياح البحر وجهة شراعه اعاتب طيوفك كل ما انفضوا السمّار و ادورك ، و احط المقادير شماعة يقول الزمان فراقنا له سنة من صار ودمعي يقول فراقنا صار له ساعة