fatma elseidy

سيدي الرئيس @AlsisiOfficial كان عمر رضي الله عنه يسأل سلمان الفارسي رضي الله عنه عن عيوبه، ويحرص على معرفة ما يُذكر عنه مما يكرهه الناس. فلما قدم سلمان عليه ذات مرة، قال له عمر: «ما الذي بلغك عني مما تكرهه؟» (فأعفاه سلمان أولاً، ثم ألح عليه عمر حتى أخبره). فقال عمر: «رحم الله امرأً أهدى إليَّ عيوبي»، وكان يقول أيضًا: «وماذا أصنع بأقوام يخفون عني عيوبي؟» اقتداءا بسيدنا عمر بن الخطاب رضي الله عنه وأرضاه، اسمح لي أن اعرض على فخامتك ما كتبته ابنتك سارة فهمي 👇👇👇👇 حد بعتلي رسالة بيقولي ليه مش بتتكلمي عن الايجابيات انا كنت هرد عليه في الماسج بس قررت ارد في بوست واعتبروها فضفضة اخر الليل من مواطنة مصرية بتنام وعقلها بيفضل شغال حتى وهي نايمة من كتر القلق من بكره اللي عارفني من سنيين عارف دعمي للدولة كويس وممكن تراجع تاريخ الصفحة كله وهتلاقيني اكتر حد بيفرح جدا باي مشروع واي حدث ايجابي بس تعالى نتكلم بصراحة وبقلب بيتعصر من الضيق وبال دايما مشغول وشايل الهم ،، انا كنت عاملة احتفالات بمشروع المزارع السمكية في غليون وقولت بكره الجمبري يبقى بسعر البساريا ،، اللي حصل ان سعر السمك البلطي اللي كنت بشتريه ب ٢٥ جنيه الكيلو بقى ب ١٢٠ جنيه وقيس على كده باقي الاسماك فرحت بمشروع مجمع الإنتاج الحيواني اللي اتعمل في عدد من المحافظات وقولت المشروع ده هيزود الثروة الحيوانية ومنتجات الالبان وهنعوم على وش الفتة ، لقيت سعر اللحمة طلع من ٧٥ جنيه ل ٤٥٠ جنيه فرحت وطيرت من الفرحة لما عملنا احدث واقوى شبكة كهربة في المنطقة ،، بس بدل ما كنت بدفع فاتورة ١٠٠ او ١٥٠ جنيه بقيت بدفع الف ونص والفين فرحت بمشروع الصوب الزراعية فرحة كبيرةةة اوي لقيت اسعار المنتجات الزراعية اتضاعف ٥ او ٦ اضعاف والفاكهة حدث ولا حرج فرحت جدا بمدينة الدواجن المتكاملة وقولت الفراخ والبيض هيبقو برخص التراب ،، بس الفرخة اللي كنت بشتريها ب ٣٥ جنيه بقت دلوقتي معدية ال ١٥٠ جنيه وكرتونة البيض اللي كانت ب ٣٠ جنيه بقت ب ١٤٠ فرحت بالتوسع العمراني والمدن الجديدة وعملت احتفالات على صفحتي وقولت من كتر الشقق الناس هتشتري شقق ليها ولعيالها ،، لقيت اسعار الشقق في البلد كلها ضربت وبقت تعجيزية بشكل جنوني ،، والايجارات بقت ناااار فرحت ببناء الجامعات الكتيرررر وقولت قصايد شعر ،، لقيت ان التعليم الجامعي اللي كان ب ٢٠ و ٣٠ الف بقى يعدي ال ١٢٠ الف واكتر في السنة ، واغلب اللي بيدخل الجامعات دي مش مصريين ،، كنت طايرة من الفرحة لما عملنا مدينة الدواء ،، وانت عارف بقى اللي حصل في اسعار الادوية ، وانبوبة الكريم اللي كانت ب ٧ جنيه بقت ب ٥٠ انا منكرش ابدا ان كل دي مشروعات عظيمة جدا ومن حق كل مصري يبقى فخور بيها ،، لكن مردودها علينا مكنش زي ما تخيلت فبقيت بتوجس خيفة لما بسمع ان الدولة بتعمل مشروع كبير لانتاج حاجة ،، بقى شئ مرعب لشخص محدود الدخل زي حالاتي ,, مطلوب مني ادفع ايجار واتنقل من شقة لشقة لشقة بعفشي وولادي عشان الايجار بيزيد ،، ومطلوب مني مصاريف مدارس اددد كده ،، ومطلوب مني ٣ وجبات في اليوم لاطفال في مرحلة النمو محتاجين غذاء وتأسيس ومطلوب مني رعايتهم صحيا لو حد احتاج دكتور وادوية ومطلوب مني ادفع كهربة ومية وبوتجاز وانترنت ، للاسف التجربة علمتني ان الاعلان عن مشروع بتعمله الدولة معناه ان قدرتي على الوفاء بالالتزامات المطلوبة مني هتقل ومخاوفي هتزيد 😥 انت بقى عمرك شوفت حد بيحتفل ويشيد بحاجة بقت بتخوفه ؟؟ اتمنى محدش يزعل من كلامي انا بدعم وهفضل ادعم اي بناء في البلد واي فرصة توسع عمراني او صناعي او زراعي بس بتمنى احس ولو مرة واحدة بس ان اللي بدعمه ده بيصب فعلا في مصلحتي مش عكسها ومتزعلش مني يا ريس ،، انا بحبك والله ,, بس انا زعلانة اوووي 😢😢 تخيل ان المشروعات اللي المفروض تفرحني بقت بتقلقني و تخوفني اقولك حاجة كمان ،، كنت فرحانة اوي اننا قدرنا بفضل الله ننجو من حكم جماعة الاخوان الاجرامية اللي عدد المنتمين لها لا يتجاوز ٢ او ٣ مليون لقيت بعدها البلد بتتفتح لاكتر من ١٦ مليون اجنبي اشد خطورة من جماعة الاخوان ،، احباط رهييب 😞

@BASSEMEGY777 يبقي يلا بينا 😂 الفراخ بها ثم قاتل لا تأكلوا الفراخ من حكمدار العاصمة لا تأكلوا الفراخ 😂