استشارات مكتب العمل

حبايبي المتابعين.. اسف اني ما ارد عليكم. وعلشان نكون واضحين اتمنى الاستفسار يكون ب تغريدة جديدة ومنشنو فيها الحساب. ما راح اقدر اقرا الردود على نفس التغريدة لانها كثير ماشالله...

@Nnn969 خصم 2650 مقابل ايش العقد ينص على توفير سيارة ولا بدل مواصلات.؟ اذا كان الايجار محسوب بعقد مختلف..تكون ملزم بالسداد. اما اذا كان لمواصلات الموظف ما يحق لهم يطالبوك فيها. بالنسبة لمطالبات العملاء.. ما يحق لهم يخصموها عليك ابد.. طالما العميل معترف بالخطأ. وليس خطأ الموظف أساسًا

@MariamMeemaa28 الغي الوكاله ... وبعدها الغي المؤسسة...

@mayan154 اكيد فيه شك.. لان التعاقد غير نظامي..

@labor_rules عشان الشك البنات خايفين يشتكو لانه قلهم اذا رجعنا ترجعو معانا

#واس #وزارة_الموارد_البشرية_والتنمية_الاجتماعية #وزارة_العمل_والتنمية_الاجتماعية لايحق لصاحب العمل المستفيد من نظام "ساند" انهاء خدمات الموظفين. كما لايحق لصاحب العمل الغير مستفيد فصل الموظف بحجة بند 5 من المادة 74 (القوة القاهرة) لعدم تحقق الشرط.

@1jlMJKnppWsyvWl يعتمد على الدعم.. ساند يكون اجباري اذا الموظفين مسجلين بنظام التأمينات...

@labor_rules ما الاجراء اللي ممكن نعمل مع صاحب العمل اللي ما سجل موظفين السعوديين في المنشأة على ساند ولا اعطهم رواتب .

@dSTa8guh99juJ8p المقابل المالي يدفع من قبل صاحب العمل.. الموظف ماله علاقه برسوم الخدمات.. صاحب العمل يضل هو الملزم بدفع تكاليف العمالة من ناحية الجوازات او مكتب العمل..

@flowerswonders @Mhrsd_sa راجع فيها التأمينات.. اذا ما عندهم اي اشكالية ..راجع مكتب العمل..

@MosabehHaitham اذا كان منصوص عليها في العقد.. لابد من الالتزام او يعتبر انها عقد غير مشروع من الموظف ويتحمل التعويض (بالخصم من المستحقات طبعا).. اذا مافيها نص صريح.. ما يحق للشركة نقل الموظف دون موافقته.

@ib_fahd_90 لا مانع من التبصيم مع اخذ الاحتياطات اللازمة بجانب كل جهاز بصمة...

@Njmah34591082 اذا العمل مرتبط بالشبكة الداخلية للشركة.. تكون ملزمة بتوفير الاتصال المناسب لحجم العمل. اما اذا مراسلات عادية وما تحتاج اتصال منتظم.. احتساب الغياب صحيح...لابد تقدير الشركة زي ماقدرت الموظف وسمحت له يداوم عن بعد. بعدين لحظة..اذا ما عندك نت كيف تكتبين لنا 🤔..؟؟

@noieer18 @uSfCwDM0D5ade66 حتى لو مافي دوام.. الخيار يبقى بيد الموظف ومو بالاجبار...

@uSfCwDM0D5ade66 @labor_rules مافي دوام. جزئي. مسكرين المولات. في مكه.

@labor_rules الحين انا. الشركه. معطيتني اجازه بدون راتب. وانا لم اوقع عليها ولا قدرو يدخلوني ساند دعم المتظررين. ماذا افعل هل يوجد قانون يجبرهم يصرفو لي راتب لي معاهم سنتين

@cSHAKERc كرت العمل او التأمين الطبي او مسيرات رواتب تكفي لإثبات العلاقة التعاقدية.

@osmanfadil2011 عن طريق مكتب العمل - لجنة التسوية الودية

كيف اقدم شكوتي، علما بأن مكتب العمل مسكر والمواقع الإلكترونيه لاتعمل.!!

@JoryRose12 صحيح...مافي مجال بالنسبة للحجز... هذي تراجع فيها الجوازات وخم يفيدوك بالاجراء..

@labor_rules ما في مجال انهاء الهروب لانه من ثلاث سنوات؟ الحل هو الترحيل فقط؟ السؤال الثاني لو راح الان هل يتم توقيفه لحين انتهاء كورونا؟

@labor_rules استاذ نايف كل عام وانت بخير.. استفساري عن حالة والتي هي.. اذا مقيم من جنسية اردنية عليه بلاغ هروب من ثلاث سنوات والاقامات منتهية وكفيله رافض اي حلول. والمكفول مسكر عليه ابشر. كيف ممكن يطلع من السعودية عشان ما يضل مخالف هو وعائلته مكونة من خمس افراد. و شكرا لك

@zezo_991 راجع المادة 60 من النظام... وهي بتجاوب عني...

@noieer18 الحلول الودية افضل من الشكوى اكيد. التواصل مع الادارة او صاحب العمل ممكن يكول حل ودي وانشالله تتوصلو لإتفاق.

@labor_rules انا مرتاحه بشغلي. بس يا اخي حرموني. من دعم. ساند. حق المتظررين وانا علي التزامات. ماعرف وش اسوي. كلهم يقولو اشتكي. اشتكي.

@JoryRose12 ممتاز... وليش ما راجع او قدم دعوى اثبات بلاغ كيدي لمكتب العمل.. اذا البلاغ صحيح.. لابد من مراجعة الجوازات شخصيا لمتابعة اجراءات الترحيل بعد ما تنتهي قيود الرحلات.

@labor_rules خلاف مع كفيله.. عمل له بلاغ هروب من ثلاث سنوات والى الان

@ab62e5fee36141e يحق لك الرفض وطلب حلول بديلة (اجازة او اجازة بدون راتب او حتى تخفيض الراتب). خصم بدل المواصلات غير قانوني اذا كان الموظف مازال يتنقل من البيت للعمل كما ينص العقد.

@labor_rules للأسف لايوجد اَي استشاره او موافقه فقط أبلغونا بالأمر الخصم ٥ ايام عنب وخصم ٥٠٠ ريال بدل مواصلات مع العلم اني مداومه إلجاء الى مين في هذي الحاله

@labor_rules السلام عليكم عندي استفسار انا اعمل في قطاع خاص ولم يشملني ساند بعد فتره من جائحة كورونا تم خصم ٥ ايام عمل مني ومن ثم تم خصم بدل المواصلات هل هذا يحق الشركه اولا لان الخضم تقريبا مايقارب ١١٠٠ ريال ارجو التوضيح

@noieer18 للأسف اغلب الشكاوي تنتهي اما بطلب الموظف فسخ العقد او الاستغناء عن الخدمات مع صرف كامل المستحقات او الاسوأ..وهو استقاله للموظف باقل مستحقات. علشان كذا دايم نقول خيار الشكوى ما تروحله الا اذا فشلت كل للحلول الودية وصرت شايف استمرارك بالعمل فيه ضرر مادي او نفسي او حتى معنوي عليك

@labor_rules طيب وش اسوي لو اشتكيت. عليهم. بقدر اخذ حقي. انا اخاف يتم. فصلي واخسر شغلي

@zezo_991 بالله بدون اسماء منشآت... بالنسبة لتغيير طبيعة العمل.. اذا كانت طبيعة العمل تختلف جوهريا... يحق لك الرفض والاحتفاظ بكامل مستحقاتك. من باب الفضول وش كان الخيار الثاني 🤔 وبالنسبة للخيارات اللي عندك: رصيد اجازة تقدر تاخذه.. وعندك برضو اقتراح تخفيض الراتب.

@AfnanAl30051078 يعني انتظرت كثير..ولا مايردون عليك.. فيه فرق كبير بينهم...رقمهم موجود ومستمر طوال اوقات العمل الرسمية لمكتب العمل.

@labor_rules اتصلت والله مافي رد .

@labor_rules السلام عليكم ..حابه استفسر على شي شركتي لها ٣ شهور مهي منزله راتبي ورحت مكتب العمل بجده مقفل قالو اقرب فرع عسفان فممكن القى حل او رقم يوصلني للمكتب العمل ارفع شكوى حاولنا نتواصل مع شركه مافي اي استجواب