rashed

ياسمي الضحى جيتك مسير ماوراي الا الخلا والزباره ربعي اللي مابهم رمح قصير اولهم ببلعوم واخرهم بصاره اولاد راشد يحتمون ام الحوير فوق قب الخيل مثل النماره

تغنيك عن لـذة الدنيا واهلها ثلاث الستر والعافيه ، والسمعه الطيبه

كحيلةٍ ودك تسمى كحيلان مخلوقةٍ من طيب ماهوب من طين

لاتحطين الكحل بعيونك يخربها أنتي عيونك وساع وكحلها رباني ولون خدك مثل لون الشمس في مغربها والشعر مثل الذهُب يلمَع على الامتاني يالعفيف الي غنا الفنان ما يطربها من طناخة راسها تستنقص الفناني تنطرب مع حاجتن ما والله تعذربها دندنت طبول الحروب وعزوة الشجعاني

عند الغني كل الأحاسيس صلبه والاّ الفقير احساسه اصدق مباديه تراه يوم اعطاك يابنت قلبه مايملك الاّ قلبه اللي عطاكيه

فـ العنا منت بلحالك وجاني مثل ما جاك والليالي كفاح ولا حدٍ عاش متهني

في راسها ماتحط الا طويل الشبور اللي عليه المدايح تكسَب رهانها لا سلهمت ماتفج الا وساع الصدور تذكّر القوم فعل سيوف ، جدانها

طاح في حب بدويه وراح مع الجموع حبها لـ الموت الاحمر تقول يسّييره كنها مع كل خطوه وممشاها طلووع بكرةٍ على عسيف الرحول مضييره لاتذكر نوع حسن ماهوب ايات نوع قام يومي به زماانه وقام يصييره بين نصً مايجوع ونصً فيه جوع كن ربي في تفاصييل جسمه خييره

من الثلاث أرباع باقي معي ربع من المجامل والصبر والمحايد خليت منها اللي بقى لأطيب الربع و مناسـبات المجتمع والمعايـد

مل قلبٍ ياسعد مادله لو دلهوه واتدرا لاحدٍ يكتشف سرايره حن حنت سقسٍ افطس بعد ماحملوه حملوه من البواخر حموله جايره مع طريق ام البناشر مع العرق اظهروه وقبل مطلاع الوعر نسمو توايره اعترض قدامهم عرق ناهض واقطعوه قام يفرى فري في الرمل مقدم تايـره

اليا تعرضت الهوى والنسانيس تلقى به النفس الحزينة ونسها ولا بممشى ٍ مع طوال النسانيس اللي مثل ريح الشمطري عبسها

لا تنثني دون الهدف والحلم قدر المستطاع الناس مهما يزعجونك في طموحك خلهم العلم خال المعرفه والحاجة أُم الاختراع والعزم والتوفيق والاصرار أبوهم كلهم

شاردن مخي فالايام الاخيره يحفظ اسم وشطربيت ويحفظ آيه ليت مخي مثل مخ ابو هريره الي ماضيع حديث ولا روايه

انا معي خشية مطوع و قلب مهبول تومي به الريح في شمس الضحى و يغدي .

نفحات الايمان هبي فوق صدر العليل دام الودايـع بـ امان وفي كنف شيخهـا مافي سما دارنـا الا نوض برق المخيل ولا الصواريخ ماتاصل شماريخهـا

ماعاد اكلم ولا اسمع من يكلمني مطفي الراس ومضيع مفاتيحه الا مع اللي حركاته توالمني طفلٍ رقى فالضلوع وحط مرجيحه ياسيد الناس جمعني وقسمني والي تبي خذه واللي ماتبي زيحه وان شفتني طحت تكفى لاتقومني تراي ماجيت غير ادور الطيحه

من لابتن فاللقى ماتعرف الذلّه حمّاية البل نهار الدم شلاّلي لعيون من هي تكد الراس واتفلّه نكوي كبود العدا ، ونزبّن الجالي

ماعادني بالحشيم الهادي الليّن اركى علي الزمان وثقلت متوني يارب هذا التعب بالوجه لا يبيّن وش عذري من الشموخ إليا انخطف لوني وانا ان شكى لي صديقي همه الهيّن بانت على حد رمشي دمعة عيوني

ساجو بـ نجد وكل قفرٍ لهم دار اليا اختلط نبت الصيوف ونفلها واليا تعلوا باللقى قحص الامهار صكوا على العطفه وساقو جملها

يالمور خذ خانة الخامس من اليمنى تحتر تبرد ترا الأخلاق خـربانه …

اي والله ابشر والايادي طويله حنا لكسب الطايله دوم نشتاق عيال راشد والمواقف جميله دايم على الفزعات والطيب ننساق ومادام ربعي كل حملن تشيله لجل الحنيني مانحسب للأوراق