مستشار قانوني ⚖️

نسعد بتواصلكم، وتقديم الاستشارات القانونية، وخدماتنا الأخرى المتعلقة بها، عبر الخاص.

@Askmuhami وعليكم السلام حال عدم الثقة لا ننصح بزيجة هذا حالها ولكن حال الاتفاق يمكنكم وضع مؤخر مناسب .

من الخاص📩 السلام عليكم انا مطلقه عمري 24 تقدم لي شخص عمر 40 ومتزوج لكن متزاعل مع زوجته وبيتطلقون قريب ،ايش الشروط اللي اشرطها عشان اضمن حقي ،اخاف اتزوجه ويتصالح معها ويطلقني واكون انا ضحية لخلافهم ورضاهم ،ايش الاشياء اللي ممكن اشرطها عشان اضمن نفسي وحقي ؟

@Askmuhami وعليكم السلام ليس لك صفة في رفع شكوى التخبيب وأتركها وشأنها وركز في حياتك .

من الخاص📩 السلام عليكم انا كنت متزوج 11 سنه ورفعت الزوجه بعد ان توظفت فسخ نكاح وانا من ساعدها بدراستها من بدات الي ان توظفت لمدة لا تقل عن 8 سنوات وحاولت كثير اقنعها بالعدول عنه وحكم لصالحي ورجع المهر لعدم وحود اثبات وتم الفسخ وبعد شهور عقدت علي امراءه اخرى رجعت الاولي ترسل وتتصل وتطلب اني اطلقها وارجع لها واخبرتها انه انتي من طلب الفسخ وانا عقدت الان وانها ماتوقعت اتزوج بالسرعه ذي وتبي ارجعها بشروطها الاولى وشروط اخرى كبيره ايضا واطلق من عقدت عليها قبل ان ترحع لي هي هل استطيع رفع دعوى تخبيب عليها ولدي الرسائل والمكالمات حيث انها ضرتني كثيرا ولم تقدر السنوات الي بينا والان تريد افساد زواجي لم اعرف ماتريد

@Askmuhami إذا كان هناك حكم يتم تقديمه للتنفيذ.

من الخاص📩 السلام عليكم يوجد مبلغ مالي بحساب المتوفي والمتوفي ورثه وقدمو عن طريق المحكمة وحكمت المحكمة حكم نهائي بتوزيع المال الموجود واذا ممكن الطريقة للتنفيذ

@Askmuhami يمكنك رفع منازعة بعدم استحقاق المبلغ الزائد.

من الخاص📩 السلام عليكم عندي استفسار انا شريت بطايق من مكتب تقسيط وباعها لي بـ 5,000 وطلعت علي بـ 8,000 وقعني على سند فاضي مو مكتوب شي وقلت انا ابغاها مهله لمدة ثلاث شهور و آسددك كاملة بدون آقساط شهريه و وافق , وبعد ثلاث شهور ماقدرت اسددها وتفاجأت بأنه رفعها للتنفيذ بمبلغ 20,000 الف وتوقفت خدماتي , تواصلت معاه ما جاوبني بشي بس كتب راجع نفسك ,, وش الحل آتمنى تفيدوني وشكرًا

@Askmuhami وعليكم السلام المحادثة والنعت بالتخلف ليس سببا موجبا للفسخ بلا عوض.

من الخاص📩 السلام عليكم أنا عندي محادثة واتس اب مع زوجي وهو يقول لي يا متخلفه، هل هذا إثبات كافي لفسخ العقد بدون عوض؟ مع العلم ان هو ما يصلي وما اعرف شلون اثبت هالشيء يصلي عند الناس بس وفي البيت ما يصلي.. يصير يصلي بس إذا بغى مني شيء وش الحل أنا مو مرتاحه معه وابي الطلاق وهو رافض يبي المهر وما عندي المبلغ.

@Askmuhami يمكنك التواصل مع العنف الأسري والإبلاغ عنه عبر الرقم المجاني 1919 ومحاولة حل الأمور ودياً قبل ذلك.

من الخاص📩 السلام عليكم بناتي عند طليقتي والحضانه لها اعمارهم من ١٥ الى ١٨ واصبحت الفتره الاخيره تنزلهم في السناب من دون رضاي وهم كذلك لا يرضون من امهم هذا الشيء لكن اطفال وهم تحت ولايتها هل يمدي اشتكيها

@Askmuhami يمكنك مراجعة الأحوال المدنية .

من الخاص📩 السلام عليكم زوجه طلبت خلع بالاختصار مافي اتفاق ومافي نصيب ولكن خلصنا مع كلشيء من جلسه وتم الاتقاق. وصك النكاح موجود ولكن هي باقي موجوده عندي ف ابشر ولا جتني رسالة نصيه ايش الحل؟

@Askmuhami إذا كان الأيموجي يحمل دلالات معينة فالإشارة في حكم الملفوظ.

من الخاص📩 السلام عليكم علّقت في بث مباشر على تطبيق TikTok بإيموجي فقط عدة مرات تقريبا اربعه ، بدون أي كلام أو سب أو تهديد. هل هذا ممكن يترتب عليه أي مسؤولية قانونية في المملكة العربية السعودية حسب نظام مكافحة الجرائم المعلوماتية

@Askmuhami العقد ملزم وما تقدر تفسخه إلا إذا حطيت شرط فيه يفضل الاستعانة بمحام عند توقيع العقد .

من الخاص📩 السلام عليكم استفسار الله يسعدكم ناوي استأجر لي مزرعه إذا وعد الله عز وجل سوالي العقد الاكتروني هل اذا سجلت المده ٢٠ سنه وهونت قبلها يلحقني شيء والا لا واذا فيه غيرها شروط تشوفونها مناسبه اكبتها م استغنى عنكم وهل يقدر هو يلغي العقد قبل المده التي يطلبها انت وتتسجل في العقد لأني ناوي أطورها وأخسر عليها واخاف كمان يلغي هو من طرفه وش يضمن لي اقدر اكتب شروطي هذا في حاله ألغى هو العقد بطلب منه يدفع لي خسارتي احتاج توجيهكم لخوكم لأني اول مره اجرب العقد الاكتروني

@Askmuhami مجرد الإضافة ليس عليها مسئولية لكن المآلات والغايات قد لا تحمد يفضل التواصل معه بشكل رسمي عبر الاتصال او الواتساب المخصص للأقارب.

من الخاص📩 السلام عليكم استفساري اذا طليقي طلب اني اضيفه سناب بحجه ان الواتس عنده يقول فقط لشغله ودوامه وانا اضطر اتواصل معهه عشان عياله هل فيها شي يضرني قانوني ؟

@Askmuhami طالما ان البيئة مختلطة فالزوج غير مخل بالشرط وبتطلعي أنت الغلطانة .

من الخاص📩 السلام عليكم جتني وظيفة براتب ممتاز لكنها في بيئة مختلطة وزوجي رافض الفكرة نهائيا وقال لي لو تتوظفين روحي بيت أهلك واطلبي أنك تخلعين نفسك مني عشان ترجعين المهر وأتزوج غيرك ايش أسوي في هذه الحالة علما بأنني شارطه بعقد الزواج (وظيفة غير مختلطه) لأنه طلب من الشيخ كتابة الشرط بهذه الصيغه هل اقدر اطلب طلب صلح يضغطون عليه أني اتوظف أو ابتعد عن الوظيفة؟

@Askmuhami وعليكم السلام يمكنك رفع دعوى منازعة بالوفاء او عدم استحقاق حسب الاحوال.

من الخاص📩 السلام عليكم انا كان علي ايقاف خدمات من ضمنها مكتب تاجير سيارات باقي له ٧٥٠ حولت له المبلغ الحين يقول يبي ٢٠٠٠ حق تعقيب المحامي عشان يشيل ايقاف الخدمات مع اني سددت الرسوم القضايئيه وكل شي وش الحل؟

@Askmuhami وعليكم السلام يمكن نقل ملكيتها للطرفين رسميا حسب النسب.

من الخاص📩 السلام عليكم انا عندي شقة ومقسومة بيني وبين اخي انا دفعت ٦٠% واخي ٤٠% من المبلغ ومقسومة بيننا ومتراضين ولكن هل فيه طريقة نظامية تحفظ حقي وحق اخي مستقبلا سواء عقد او اقرار او اي طريقة كانت

@Askmuhami يفضل عرض الحكم واثبات النسب على محام للإفادة .

من الخاص📩 السلام عليكم انا عمري ٢٦ عايشة عند عمي منذ نشأتي ووالدي ووالدتي على قيد الحياة غير منفصلين وعمي هو من قام برعايتي وتولي كل مسئولياتي برغبه من والدي ووالدتي وكامل رضاهم الان تقدم لي شاب سعودي مناسب قبل به عمي المسئول عني ووافق على تزويجي به اما والدي رفضه رفض قاطع ورفعت دعوى عضل وتم رد دعواي لعدم تكافؤ النسب بكلمه صدرت من الخاطب حين اتصل به خبير الانساب من المحكمه و الان نفس الخاطب اتى بمشهد يثبت انه قبيلي بشكل رسمي ؟ وهل يحق لوالدي رفض الخاطب بسبب ان القبيلة ماعجبته ومو من مواخيذنا؟ وعلماً ب ان الشيخ سئل والدي عن سمعة الخاطب واخلاقه واقر ب انه لم يجد اي شي سيء باخلاقه او سمعته هل ممكن ان يتم رد دعواي للمره الثانيه لو رفعتها وهل لازم يكون متقدم لي اكثر من خاطب و اكون وصلت ال٣٠ عشان يتم اثبات العضل او ماله علاقة وهل اقدر ارفع القضيه مره اخرى على نفس الخاطب لانه استجد شي جديد فالقضيه و تم اثبات نسبه وقبيلته ؟ وهل ينظر او يستند على وضع والدي كونه متخلي عن كل مسئوليه تخصني بارادته من ٢٦ سنه ؟ وهل احتمالية اني اكسبها كبيره ام راح يتم رد الدعوى مره اخرى؟

@Askmuhami وعليكم السلام الحضانة غالبا للأم ويلزمك النفقة للأبناء والمسكن للأبناء بما تقدره المحكمة.

من الخاص📩 السلام عليكم زوجتي غير سعوديه ولا لها احد هنا بالسعوديه وقررنا الانفصال لنا 3 اطفال اكبرهم ٣ سنين واصغرهم اقل من شهر . حاب اعرف ايش اللي لي وايش اللي علي بعد الانفصال .. حضانة الاطفال وان كانت للام هل اقدر اطلب حضانتهم ؟ . النفقه وماذا تشمل وهل هي لها او للاطفال ؟ وهل السكن للاطفال او للام ؟ حاب اعرف جميع النواحي جميع التبعات بعد الانفصال

@Askmuhami وعليكم السلام حال فقدان السند يمكن إلغاء التنفيذ وإلزامك برد المبلغ ويلزمك رفع دعوى موضوعية .

من الخاص📩 السلام عليكم قدمت سند ورقي قبل اكثر من شهرين وتم السداد من قبل المنفد ضده وانتهى الامر، وتواصل معي محامي المنفذ ضده هاتفيًا وقال هذا حقك . اتفاجئ الان رافعين دعوى منازعه تنفيذ تزوير وتسليم اصل السند وانا بعد التنفيذ تخلصت من جميع الاوراق علماً انه يوجد عقد بيننا يثبت ذلك ولاكن السند اتلفته لانه انتهى التنفيذ ماهوا الرد المناسب بالمنازعه مع الشكر

@Askmuhami إذا كان موظف يتم الاستقطاع من حسابه ولا يكتفى بالسند لأمر وحده

من الخاص📩 السلام عليكم صديق طلب دين ب ١٢٠ ألف ريال هل اقرار بدين وسند لأمر كافيين لحماية حق دين شخصي؟ واذا لم يدفع المدين هل محكمة للتنفيذ تلزمه بالدفع ؟ خصوصا انه موظف وراتبه ينزل على حساب بنكي على غير الحساب البنكي الذي طلب ان يتم تحويل المبلغ إليه.

@Askmuhami إذا كان لديكم بينة على الاتفاق والتنفيذ يمكنكم رفع دعوى للمحكمة للمطالبة بما تم الاتفاق عليه .

من الخاص📩 السلام عليكم أنا خطابه واسعى لناس بالحلال لاعندي مسيار وإتعابي اخذها بعد العقد حسب الاتفاق فيه اشخاص يملكون ويسحبون علي ويبلكون من ضمنهم دكتور ومحامي ومهندس كيف اخذ حقي ولا خلاص أفوض امري لله ؟

@Askmuhami وعليكم السلام من خلال ناجز يمكنكم توثيق إقرار بدين ولكن الإقرار لا يحميك لرد الدين بل الحكم به فقط ويأخذ التنفيذ وقته.

من الخاص📩 السلام عليكم كيف الطريقة أوثق اني سلفة شخص 📝🤔

@Askmuhami يمكنك عرض الدعوى على محام لإفادتك في الرد المناسب وغالبا ليس عليك شيء لعدم البينة.

من الخاص📩 السلام عليكم خلعت نفسي من زوجي قبل فترة طويله وعندي منه بنت وولدين وعند انفصلنا كانو العيال صغار و بحضانتي إلى الآن الحين كبروا واعمارهم 15 17 13 وكان ابوهم يقطر علينا بالقطارة بالنفقة شهر يعطينا وشهرين لا وشهر يعطي و ثلاثة شهور لا واشتكيته في المحكمة وأخذنا إستقطاع من راتبه النفقة والإيجار5 الف شامله كل شي و يوم كبرو العيال كلمته يزود النفقة عشان العيال كبروا وزادت طلابتهم ورفض كلموه عياله ورفض والعيال رفضو زيارتة حاولت فيهم ورفضو الزيارة فهو ارسل لي في الواتس وقلت له العيال عيوا عن الزيارة حاولت فيه أن يعطيهم لو شي قليل عشان يوافقون ولكنه رفض وقدم شكوى علي يتهمني بتحريض عياله على عقوقة وعلى قطع الارحام ويعلم الله اني ماحرضتهم هم للي عيوا بانفسهم وهم مو صغار عشان احضرهم وعياله كبار وأنا براء السالفة وهو مصمل على اني انا السبب والجلسة بعد حوالي أسبوعين ما أدري وش أقول في الجلسة ووش بيصير وش بيحكم القاضي وهل القاضي بيطلب عيالي مع العلم ما عنده إثباتات إلى عندة رسائل الواتس اللي قلت فيها عيالك رفضوا ورسائل لعياله وهو يتواصل معهم على الواتس ويقلون مانبي نجيك انصحوني وش اسوي