Devil

بما يخص الحلقة الأخيرة من مسلسل FROM عنوانها: إذا سقطت شجرة في الغابة. وهذا الشي مو بسيط او عنوان عادي، هذي فلسفة مشهورة وبشرحها هنا بشكل مبسط #FROM الحين اذا فعلاً سقطت شجرة في غابة ومحد سمعها هل يعني انها سقطت فعلاً؟ الاجابة ايه ولا بنفس الوقت، ايه لأنك مدرك انها سقطت ولا لأن محد شافها تطيح! طيب نعكسها على المسلسل، اذا كل هذي الأحداث وهذا المكان محد يشوفه هل هو موجود فعلاً؟ ناخذها لنطاق اوسع من كذا، اذا أنت لحالك تشوف شي هل يعني أنه صحيح وموجود؟ اذا اجابته "نعم" طيب بس انت لحالك تشوفه نفس ما شخصياتنا يشوفنه ولحالهم! واذا "لا" وين هم شخصياتنا؟ وهذا يأخذنا لجنون فلسفة المسلسل، هل قرية FROM اساسًا شي موجود ومكان فعلاً محسوس ونقدر نوصل له؟ ولا كل شي يعيشونه شخصياتنا بأرواحهم او في عالم ثاني! وهنا الموضوع بيخلينا عميقين مرة ويفتح أبواب كثيرة لفلسفة المسلسل والعذاب والجحيم اللي يعيشونه، يعني لو في شي مانشوفه بس ندرك انه صار هل يعني انه حقيقي؟ اذا ايه الإدراك مرتبط بأن في شخص يشوفه بعينه ويفهم بعقله واذا لا؟ احنا متأكدين ان هذا الحدث صار، وهذا معنى "اذا سقطت شجرة في غابة" اللي ياخذ المسلسل لجانب ديني بشكل كبير ويرتبط بالحياة الثانية بعد الموت والبرزخ او فكرة المكان العالق بالزمكان نفسه وما الى ذلك. المرعب أكثر بكل هذا الموضع والفكرة والفلسفة هو ربطها بالحلقة الاخيرة كعنوان… وش ينتظرنا؟ شي مخيف جدًا!