َ

لا ترخص النفس والايام ملحوقه اجمع من العز ما يروي مشاويرك .

صغر البيوت وكبرها .. مالها دور من ناحية طيب الرجال ورداها كم بيت يا كبره .. من الناس مهجور من قل ما تلقى كرامة لحاها وكم بيت يا صغره .. وبالناس معمور اما غداها فيه .. والا عشاها .

من لا يعيش العمر سامي ومتغاضي ماهي بـ دايم ظروف الوقت خادمته كنز القناعه ،غناة النفس للراضي يعيش دنياه ، فاهمها وفاهمته

الكامل الله والخطا طبع الانسان والدرب يفرق عن يساره ويمينه و الصاحب اللي له معزه وله شان ان جاني بـ شينه ، تذكرت زينه .

يالله دخيلك من طعون المناقيد  ومن غلطة العاقل وقل المروّه ومن كلمةٍ تفهم على غير ماريد  يمسك طرفها منْك خبلٍ مفوّه .

أحدٍ تسوقه للمراجل عزومه وأحدٍ عن دروب المراجل مغلط واحدٍ تباشر لابته في قدومه وإحدٍ على زلات ربعه مسلط كم منصبٍ عالي وراعيه بومه لاتنصدم بالناس حزمة جحلط اللي مايقضي لـ ابن عمه لزومه وشهوله بصدر المجالس يقلط .

ارخ متنك واثن ركبتك لكبار الامور لا تهاون تحسب ان ، الحياه هويّنه الزمان الشين سيله ع الطيب حدور لا تولى يابس الراس ،، راسه ليّنه نعرف ان الوقت دوار ، والدنيا تدور كل شي ما يسر الصدور تبيّنه فالرخا لاتحسب الي يدقون الصدور نصفهم وقت الشدايد يادوب تعيّنه .

ماني مفتش في خفا كل مدسوس ولاني براعي صحبة مالها ساس خذيت من وقتي تجاريب ودروس وعرفت وشلون اتعامل مع الناس .

اسمع من المنطوق شي يسرك وابعد عن الهرج الردي لاتحلاه واللي يمر الناس لازم يمرك من زين ولا شين لابد تلقاه دنيا المظاهر انتبه لاتغرك كم واحد مبلي وكم واحد تاه وكم واحد في هرجته لك يسرك وكم واحد هرجه قليل حلاياه والصاحب اللي للمشاكل يجرك ابعد عن دروبه وخله لممشاه .

محد قدك إلا قدك المترف الميّاس وشقارٍ . . يدينك تجمعه وارجع اثرّه على عنقك الفضه تحقر الذهب والماس و يغلى ثمنهـا . . ويتضاعـف ميّة مـره دخيل الوساع اللي تناعس بدون نعاس ترفـق عـلـي إن كـان مـاهـي بمضطره وش أهديك غير الشعر وانتي عريبة ساس أجيـب القصيـد اللـي يخليك منغرّه

حنا على الخوه نبيع العمر كاش واللي يخاوينا ماهو ناقصه شي عينٍ له لحافٍ وعينٍ له فراش نطوي لجل عينه ظروف الزمن طي .

إليا زعلتوا فأزعلوا لين ترضون وإن ما رضيتوا جعل فالأمر خِيره ما يلحق الواثق مشاريه وظنون ولا به كبيرٍ يلتفت للصغيرة

إن جيت صار العيد عيد المحبيـن وإن غبت صار العيد عيد الضحيه

قال ﷺ (خير الدعاء دعاء يوم عرفة، وخير ما قلت أنا والنبيون من قبلي: لا إله إلا اللّٰه وحده لا شريك له، له الملك وله الحمد وهو على كل شيء قدير

عن معاريف النشاما وماجوب الصديق مايغيرنا البطا والسنين الكايدة دام للصاحب معزة وللخؤة طريق واجب اسلم على صاحبي واعايدة .

الصبر حكمه والامل يطرد الياس والجد والاخلاص قيمة وشيمة والعز هيبة والشرف يرفع الرأس والكذب سلعة مالها أي قيمة .

صبرنا على العازات والناس مايدرون وعن مايعيب النفس تكرم شواربنا عسى الله يجنبنا دروب الردى والهون وعسى الله يجملنا ليا حل واجبنا .

التغابي فن و إن دل .. دل إنـك ذهيـن عش غبي والناس تلعب على مكشوفها النفوس جنود من جند رب العالميـن نفسٍ نـوقـف عليهـا و نفس نطـوفها المصافـح بـالأحاسيس ماهو باليديـن البشر تستخـدم إحساسها .. بكفوفها ارضْ نفسك أولـى مـن الناس أجمعين إن تبعت الناس بتموت وانت تحوفها !

- من مقولات البدّو قديمًا « الدنيا سهُود ومهُود» بـ معنى لا تضيَّق الوسيعة عليك يـ إنسان كل شيء محلول"ومنتهي"

ما كنك الا مرحبا في عين زيزوم كريم لفاه من عقب البطا من صفوة الدنيا خوي .