عـداك المـلام ولا بـقى لك بصــدري فيّ
تعــذّرك شـــريـان المحــــاني وراعيــــها
خذ حقوقك اللي لك من حقوقي اللي لي
وإذا تــاخذ أيامــي أنـا مســامحك فيـها
عليـك الســلام ولا علـى شرهتي لك شي
ونفسـي مـن القســوة لقت مـا يكفيــها
اتماسح العقبان في الجو تمسيح
ووكرك جبل كله وعور و شناضير
مناكبك روس الحيايا المباطيح
و طوايلك مثل السيوف البواتير
يا عوقها لا طارت و حن مراويح
طارت وهي مخمر من الصبح لـ عصير
لا هبّني منك طاري حرّك سكاتي
اقطع مع الفكر لي مشوار و ادوّي
واجيك ادور شتاتي من متاهاتي
باللي تبقّى معي من كثري و شوّي
من يوم نصّبت لغيابك وناساتي
ماعاد حتى القصيد يناسب لـ جوّي .
#العديم
اه يا فرقاً على صدر العنا منطرحه
ارسمت من حزنها فوق الحنايا لوحه
رحت مني روحة ٍ زمّت بقلبي جرحه
والله ان امحق مراويحك هذيك الروحه
ولو لحقك اللوم من قلب ٍ يفيض بترحه
والله ان عذرك سمين وزلتك مدموحة
عند من كبده عليك من الحزن منجرحه
وكل مامرت بك الذكرى تزيد جروحه .
