ّ

الدعوه الدائمة : يا الله بعزمٍ قوي ووقفةٍ ما تميل وبياض وجهٍ من الدنيا إلى الآخرة .

من كثر ما اضحك مع العالم و اجاملها حتى الطقوع المصيف صار ينصحني .

يوجع اني في سبيل رضاك .. سويت الهوااايل وانت ؟ مسكثر عليّ " آسف " ومستكبر عليها

لو اعتبر ماحصل زله واعديها مكانتك صعب ترجع مثل كل مره ممكن تعود المياه الى مجاريها لكن ماهي صالحه للشرب بالمره

خيّبت ظني مع إنك طيب و غااااالي و اقفيت منك و انا مخذول و اغنّي !

« نادني لولا حياة لمن تنادي اسمي بصوتك حياه بحد ذاته » — مزيد الوسمي .

العدو ماعاد يذبح عدوّه ذا الزمان لا توردني على الموت و انت تحبني !

ما نسيتك و الصواريخ من فوقي « سيّر . . لو كان مسيار طيّاره » صوت قلبي من حنيني ومن شوقي ينسمع كنّه صدى صوت صفّاره :)

" أنتي جمالك " من خيار الرعابيب و أبوك شيخٍ . . يرفع الراس طيبه ! — عبدالله بن زويبن .

﴿ وَما كَانَ اللَّه لِيُعجِزهُ مِن شيء ﴾ اللّٰهم أنزل شفائك لمن مسّه الضر ، اللهم اشفي مرضانا وزدهم قوة ، اللهم طهر أجسادهم و أنثر فيها العافيه يارب العالمين 🤍

« شيخٍ طرف بشته يذري حكومات بـ اطراف بشته تبث الشرق كله »

فيك شيء من الرزانة و شيء من الهبال و فيك شيء من المشاعر و شيء من القسى ولا دعاك تلاحي النود في روس الطوال غير حبك للمزايين من حور النساء

فـ العلاقة . . لا بعد درنا ، ولا لفينا من خلقنا ماندور الا ( لاجينا الكعبة ) - عايض العاطفي

«قد سمعنا بشيخٍ تزبن الناس بيته ماسمعنا بشيخٍ تزبن الناس جوّه» ﴿ رَبِّ اجْعَلْ هَٰذَا الْبَلَدَ آمِنًا ﴾ 🇸🇦

محتوى الصوره : « اتعمد جيبة العود و اتحرى العياد لاجل دعوة صادق الودّ كود انها تفيد »

« ياجعلني ما اخسر حبك ولا اعتاض فيك ولا اخلى من غلاك — وشوقك الفوضوي »

المحبه قبل أعرفك ؟ شي عادي و إعتيادي بس عقبك والله انها في نظر عيني عظيمة !

ولا أنا — ياوجد روحي على هاك القبال وجد من يضمى على شوفك ولا يرتويك ! — مزيد الوسمي .

لكن سعد بن جدلان قال : زلة اللي يودّه القـلب مدموحـه و دايـمٍ حـبّه يغطي عـذاريبه .

طال المدى ياعيون ملاعب سبوقه و انا اتحرّى الوفاء منكم ولا جاني وجدي عليكم وجود مطارد حقوقه لا ارهى بها دورو له مقلبٍ ثاني احاول اترك مجال الحب و طروقه لكن قلبي عليكم سخيف ما يداني ما عاد لي في غرابيل الولع توقه ادناة ما غاضني و ادناة ما ارضاني

ما نسيتك من دعاي و حرّ مالي في صيام و في فطور و في تهجد .