اشتغلت في شركة 12 سنة وفصلوني ، بعدها عطوني نهاية الخدمة وواحد من الشباب ضغط علي ادخل السوق وقام يسّوق لي الموضوع وانه 8 سنوات في السوق ، وعجبني الموضوع خاصة انو معي فلوس وبدون عمل
الموضع فيه تفاصيل كثيرة ، لكن الزبدة ان مبلغ نهاية الخدمة اللي تعبت عليه 12 سنة تصفر في 4 شهور ، تحسبت على ذا الشخص لأنه كان خوي مقرب وللأسف ساقني معه ، كل ماكنت اخسر يغريني بصفقه ثانية تعوضني
والله اني اضطريت اتسلف من قريب لي وانا ما احب اتسلف ويوم كنت موظف ماطلبت ريال لا من قريب ولا من صديق ، وعشت اشهر ايام عصيبة ماني قادر استوعب اللي صار احس اني كنت سكران
اليوم تجاوزت كل اللي صار وتعلمت منه والامور تغيرت بفضل من الله وحده ..
اعتقد اني تجرأت وقلت اللي صار معي مع اني مش الشخص اللي يفضفض للعامة ، لكن ربطت الموضوع مع هذا الكويتي الله يعوض عليه وبنفس الوقت ممكن خطئي يتعلم منه غيري
العربية
