مرشد مطلق الفوزان

@tkyv7 صح بدنك

@e6o7u جزل صح الله لسانك

واشيب عيني من حبيبٍ تولاه طير مسايير النعس من جفوني حارب تفاكيري وشتت بقاياه ورخص معاريف الغلا في عيوني وا عمري الي راح وانا اتحضاه كم نايفه نزحتها من جنوني واتلا حياتي في شديد المعاناه هانت عليه وياعسى مايهوني نواصري لو بنتخي في دهاياه اهل الفزع وموسعين الطعوني ردوه رد الترك عن ما تحداه يومه بغضاء غياضها فرض عوني لاكني اكبر من تعلي شكاياه واكبر من الخيبه وبعض الظنوني من راح راح ومافقدته بتلقاه وماراد ربك في عباده يكوني

@tkyv7 ياسلامم صح السانك

لا زانت الدعوى يرده تستضيق ياحيف منهو به تقضب واحتذى

ياعذاب الي مع الحب جا فيه انفصام عن هوا حب المقفين مالد وسلا لو يتوب الي عن الذنب تاب من الحرام مايتوب القلب عن حب مسكوب الحلا شايلٍ عنك المشاريه وسهوم الكلام تلحقك شرهات الاجواد ويقول جهلا لا عطاك الله محبة رفيعين المقام وش يردك لا تجملت في طب البلا عاشقك حط المقابيل عذرً للعوام مايرده عن هوا البال هراج الملا شايفٍ في حبك النور لو صلك ظلام مرخصٍ حقه من الوقت وانتي في غلا ماعلى المشتاق لا ضاق مشروه وملام مونس الحرمان، والليل، والخط، زملا

من فوق متن ميتمات الوراعين عوق العداء لا عج دخان الوغا سواقها سمي سعوط المجانين خيالها لا صار بالدعوه طغا

الي تشوف عيوننا من تفاهات ماعاد تاسعها مساحات الصدر على الاوادم كود حسب الحسابات بالموقف الغصاب مايخلق عذر المواقف هي خريف العلاقات يطيح منها مابقى ف الشجر

@tkyv7 ياسلامم صح الله السانك 👏🏻.

@e6o7u يا مرشد الشوق ميّالي يمشي على دوبه وهونه ما وده يوثق حبالي وزود على قلبي شطونه يا حـظ من زابنه جالي ويا قرد من فارق حصونه

الدمع يا خوك همّالي باسباب ناسٍ يهلونه ياصاحبي ضاق بي حالي والجرح عيوا يداوونه يالله يا ربي الوالي تبعد عني من يطروّنه - تركي التميمي

لا يهون شعورنا لاهنتي كلشيً فيك ياروحي وذا انا بوجهك ياعظيمه وانتي لعنبوك الحب ماحسبه كذا

رفرفي يـ راية المجد حنى لك جنودي فوق رايات الدول من بعيد ومن قريّب تحت حكم اخوان نوره يذل اخو اليهودي قالها معزي وانا اقول ممنوع التسيّب مرحبا ياقبلة الطيب والاصل السعودي ثالث اعياد السنه تسميتك بلا مريّب ياهوية نجد الامجاد من عهد الجدودي اشمخي ب اسمٍ له العز والتاريخ طيّب #شاعر_اللكزس @Dkhoonemirates

من عقب ذا ياعين ماني بباكيه من يبكي المقفي بكاه الزهيدي الي يبينا يافتى الجود نبغيه ومن عافنا عفناه والله شهيدي الله على الي تو زانت مساريه مصممٍ يقصر عليك البعيدي جيبٍ على الحره تجيبه وتديه مع سجة الهاجس وطرد الشريدي يلاعب الغربي ويطرد ذعاذيه في خايعٍ نبته على الارض عيدي قم هات قمقومٍ سناء النار تكويه متميزٍ شكله بريح العويدي ونجرٍ بعيد الدرب لا لج يدعيه ماهو بحاجة قوقلٍ للوعيدي وزله على الي ماذكر به مشاريه صفر الدلال وعزبةٍ لـ سنيدي رسلانة الانساب ماصاغها بيه فنجالها يجلى عماس العبيدي مع خوة الي لا زهمته يلبيه زيزوم حلال الامور العنيدي مثل الحصان ولا فزع ماتوصيه بدين شيخ وبالمراجل عقيدي

@ABN_FOZAN حي نباك صح بدنك طال عمرك

@e6o7u حي هالصوت صح لسانك يبو مطلق ..

عن مركب العشاق وهبوب الرحيل عن موجة الهوجاس في سر وجهر من يعرف الزعاق يعطيه الدليل عن واقع المشتاق وعتاب السهر دايم ترا العشاق في ليلٍ طويل اليوم في سلم الحبايب عن شهر

@SAHAB_l1 صح بدنك طال عمرك وانت ماعليك زود هذا جدي عبدالله الفيصل الله يرحمه ويستاهل النعم ❤️❤️

@e6o7u صح لسانك يا أبو مطلق والنعم فيك والنعم بالممدوح

من صيهد المقروح جبت النادرات من البكار وضحً يشادي صفها سلسال في عنق طخما عسفت زمله عسف مركوب المطايا والمهار حضرتها للفوز في ناموس مصيون النما عودً يدير احاول خلق الله وماجوب الحرار وزير شون المسلمين الي عن الدين يحما له يستشار الراي الامثل والحقيقة والخيار له عن بعيد الشكّ فعلٍ ينزح نجوم السماء عبدالله الفيصل زبون الي لحق وقته هيار مع جرته من وين ماوجهت معروفً طما جدي عسى له دار فَ الجنة وفَ الفردوس دار يمناه بيرً تسقي العطشان وتكب الضما

@Rsheid_Alfawzan صح بدنك الله يجزاك خير

@e6o7u صح لسانك ابو مطلق •• والله يرحم ابو فيصل ويغفرله ووالدينا والمسلمين ..

@abdulaziz_f1231 الله يجزاك خير وصح بدنك ❤️

@e6o7u عبدالله الفيصل زبون الي لحق وقته هيار مع جرته من وين ماوجهت معروف ٍطما الله يرحمه ويغفر فه ويسكنه فسيح جناته . وصح لسانك .

@1_SLMY الله يجزاك خير ❤️

@e6o7u صححح لسانك 👌🏻 والله يرحمه ابو فيصل ومن خلف مامات ❤️.