عـاصم
9.5K posts
اللي يقول إن #انزاغي تعادل وفاز بلقطات فردية من لاعبينه.. وهل هذا أساس عشوائية الفريق.. بنتكلم عن معلومات إحصائية للفريق بالتسجيل وبمصادر رسمية أيضًا ولكن السؤال لأي مشجع هلالي حالي كيف تبغى أقنعك بالأرقام وانت تقولي ما يهمني الأرقام والإحصائيات؟ اجل وش يهمك؟ مو دايم الفريق اللي عينك تشوفه بالملعب يفوز يعني إنه الأفضل تحصل فريق صّده أقوى بكثير ولكن حارس تألق ضد 33 تسديدة وقدم أداء بوفوني وغيرها.. خلونا نعرف قبل ابدا بإن: إن تصنيف الـOPTA أصلًا قائم على الـData وتحليل الأداء الكامل مو مجرد نتيجة مباراة وفزتو أعطيك نقاط ويلا - تصنيف يقيس قوة الفريق الحالية بالاتي واكثر؛ بالأرقام جودة الفرص أمام الباب زاوية التسديد هل كان فيه ضغط من مدافع طريقة بناء الهجمة، وكل التفاصيل الدقيقة… وجميع الأندية تعتمد على بيانات أوسع وأعمق من كذا بعد وهو شيء مهم في عالم كرة القدم #الحديثه ويجيك مشجع يختزل كل هذا بعبارة “فرديات”. —— وإجابة على سؤالي بـ هل الفريق عشوائي بسببه؟ كيف تطالب بإنزاغي وانت ما تعرف لعبه؟ مشجع: يارجال وصل نهائي الأبطال ذا 😂😂 معليش ولكن انت كمشجع عليك حق كنت تطالب فيه وبيوم وليلة تقوله اخرج؟ وين اللي يقول نبني معه مشروع دائم واستقرار للفريق؟ أنا ما أنتقدك كمشجع حاليًا بعد ما فعلته بمطالبتك به لا تكون ماشي بالاسم.. ولكن فكر فيها حاليًا استمراره أفضل لك! هذا مو لعب مصيدة تسلل وعرض كورة وأمسكها بالأطراف فريقه كله أجنحة ودفاع مو قادر يطبق تكتيك إنزاغي الأساسي، ويضطر يلعب 4-3-3 أو 3-4-3 لسوء التشكيل للاعبين وإعداد موسم كأس العالم اللي كلها كم يوم وأشياء ما كنت تشوفها مع #جيسوس وتفاصيل دقيقة. 1- طور #الركنيات عند الفريق بشكل خارق، ولو نشوف فريق يلعب على الركنيات بهذا الشكل تحصل #ارسنال في نهائي دوري الأبطال، وأرتيتا ولد عم إنزاغي.. 2- طور #الفاولات ما كنا نعتقد بيجي يوم ونشوف كل فاول للهلال يصير تهديد حقيقي، الخصم يدافع بكل لاعبينه عشان فاول بينفذه سيرجي أو نيفيز أو مالكوم وتنتهي بهدف أو عرضية أو هدف رأسية مدروسة.. 3- طور طريقة #الباص حتى الاعب المحلي بدا يتحسن لانه لقى مدرب يساعدك ومدربين مختصين جدًا . 4- طور #بيئة_النادي بتقول الهلال الأفضل كبيئة صحيح، ولكن خلني أوصل لك مقصدي.. المقصود بيئة تعتمد على كسب ثقة اللاعبين ورفعهم معنويًا، مو بيئة مجاملة أو تساهل، بل بيئة تخلي اللاعب يحس بالأمان والتحفيز حتى بعد الأخطاء، بدون قرارات إقصائية سريعة أو تهميش مستمر للاعبين محلي أو أجنبي. مثال يوضح أكثر: #جيسوس موسم الانتصارات وش سوى؟ -تهميش الدكة -انعدام التدوير -كثرة الإصابات ••• ولكن للاسف!!!!!!! بأهم فترة بالموسم بالشتوية تحديدًا #انزاغي فقد رسميًا الفريق ذهنيًا! كيف؟ جلبوا لاعبين لا يريدهم إنزاغي ولا تخدم المنظومة جلبوا جناح وإنزاغي لا يلعب بأجنحة، وجلبوا بنزيما وتم فرضه على المدرب رغم عدم موافقته عليه. كان يريد مدافع وظهير ولو نجي للصدق هذا اللي الفريق كان يحتاجه، غير وسط آخر. جلبوا مدافع لا يناسبه وتم فرضه أيضًا، وكان يريد مدافع يقوم بما يقدمه #نيفيز مثلما كان في إنتر يطلب وينفذ ويخرج الفريق من الضغط العالي الشرس من الخصم الي يبادر ويهاجم. #الظهير أعتقد هالمسألة ما تحتاج أناقشك فيها ياهلالي .. خطأ إداري فادح ولا ودنا نطول ونزيد فيها #الزبدة عن مباريات اللي طبق فيها أفكاره، تحصل كوليبالي ولاجامي وحسان متقدمين فيها.. اللاعبين ضايعين بسبب إنهم مو عارفين يطبقونه ويتراعدون عشان كذا إنزاغي ما لقى ضالته اللي بتخدمه بهالمنظومة إلا #نيفيز، ولو وجد مدافع آخر معاه بالشتوية كما طلب كان الفريق تحسن وظهر نيفيز بالوسط أكثر. (غير اصابة كولي بالي في مرحله الحسم ) اثر بالفريق كثييير وهذا سبب الضغط من الفريق الخصم يخلي الدفاع أحيانًا يكون مرتبك بشكل واضح. بالنهاية هذا الفيديو التحليلي ذا يشرح لك ليه أحيان تحصل لاعب منفرد من الخصم ولاعبينك لا حدث ولا حرج والله بالخير 🤚🏻 - (هذا ليس دفاع عن إنزاغي). #استمرار_انزاغي_وجلب_لاعبين_مطلبنا_يالوليد
🚨🚨🚨 خاص: في فكرة انه انزاغي يكون مدرب #الاتحاد وسيرجو كونسيساو يكون مدرب نادي #الهلال😰!! 🟡⚫️⬅️⚪️🔵⏳ مارأيكم لو حدثت ياعزيزي المشجع الاتحادي والهلالي مع أو ضد الفكرة هذي؟
🚨 هل إنزاغي دفاعي فعلًا؟! إذا كان “دفاعي” كيف OPTA صنفت الهلال أول فريق هجومياً بالموسم؟! الهلال: 85 هدف 80.83 xG +4.17 فوق المتوقع النصر: 91 هدف 79.11 xG +11.89 فوق المتوقع وش يعني هالكلام؟ يعني الهلال يصنع فرص تهديفية بجودة أعلى واستدامة أكبر، مو مجرد اعتماد على لاعب يحلها بلقطة فردية. النصر والقادسية تفوقوا بالأرقام النهائية بسبب الحلول الفردية الأعلى هجومياً، لكن كنموذج لعب وصناعة فرص مستمرة؟ الهلال الأفضل. الهلال: 544 تسديدة 235 على المرمى xG لكل تسديدة = 0.15 النصر: 609 تسديدة 238 على المرمى xG لكل تسديدة = 0.13 يعني الهلال يوصل لفرص أخطر بتسديدات أقل، وهذا دليل على جودة البناء الهجومي مو العشوائية. حتى بنسبة تحويل الفرص: الهلال 15.63% النصر 14.94% فكيف مدرب “دفاعي” وفريقه متصدر هجومياً بالجودة والاستدامة وصناعة الفرص؟ السؤال الحقيقي: هل المشكلة بالمدرب؟ أو باللاعبين اللي يضيعون الفرص وبفريق ما يملك حلول فردية هجومية كافية؟ لأن الفرق واضح بين: مدرب يصنع لك نموذج هجومي مستدام وبين فريق يعيش على مهارة لاعب أو لقطة فردية. إنزاغي مع الإنتر وصل لنهائيات أوروبا بأسلوب هجومي شرس، وحتى مع الهلال واضح إنه يحاول يبني نفس الفكرة، لكن بدون الأدوات المناسبة. فكرة إن “إنزاغي دفاعي” مجرد كلام يتكرر بدون فهم فعلي للأرقام أو لطريقة اللعب. #استمرار_انزاغي_وجلب_لاعبين_مطلبنا_يالوليد الاحصائية المستدلة ادناة من الذيب : @Mohammad124
BREAKING🚨 En los últimos momentos se han intensificado las reuniones, se espera un acuerdo en las próximas 48/72 horas. Iraola quiere dirigir al #ACMilan
