Charles Peter Mayiga

Nkulisa Dr. Lean Godwin Mutaawe ne Brendah Nabakka abagattiddwa empeta mu Lutikko e Namirembe leero. Mbasabye okumanya nti essanyu n’omukwano biringa bulamu, okubukuuma obulungi olina okuliisa omubiri obulungi ate ekisaanidde n'okugenda ew'omusawo nga tolina kikuluma n'akwekebejja, ne mu mukwano oba mu bufumbo tebasaana kulinda bibatabula balyoke baleete ebireeta essanyu, bw'olaba akasanyusa mukyalawo kamutwalire, n'omukyala bw'otyo, essanyu lya kuliikirizibwa. Ebireeta essanyu mu bufumbo tebiba binene, essanyu liva mu muntu kyawulira ku mutima, obujjukizi, obugabirizi, okuwuliziganya, okulekeragana, obunyiikivu, essanyu bweribeerawo obufumbo bweyagaza. Tubaagaliza obufumbo obulungi.

I was pleased to receive Mr. Sunil Taldar, Chief Executive Officer of Airtel Africa, accompanied by the CEO of @Airtel_Ug, Mr. Soumendra Sahu. Airtel has walked with us on the journey of the Kabaka Birthday Run for the past 12 years, and today it has grown into the largest run in Africa. Mr. Taldar is in Uganda to take part in this year’s run and experience it firsthand. We look forward to welcoming him and his team this Sunday as we run under the theme: “Men for Good Health to Save the Girl Child and End HIV/AIDS by 2030.”

Leero abakulira ebitongole n'abakozi baabyo ebyenjawulo okweetolola Uganda, bazze okuwagira emisinde gy'amazaalibwa ga Kabaka ku Bulange e Mmengo. Ffe abantu tetulinga bitonde birala, tulina okubeera abalabufu ebintu by'okwesanyusa bya bulabe singa wabulawo obwegendereza era lino ekkubo abasinga libaleetedde obulwadde. Abakulira ebitongole kikulu okulabula abakozi bammwe naddala abawala ku kabi akali mu kwegatta nga tebasoose kwekebeza, mubagambe babeere bavumu, baleme kwetya kugamba basajja kugenda kwekebeza, tubeere bagezi tuwone okufa emirimu gyaffe gitambule bulungi kkampuni zikule Abafumbo mubeere beesigwa, mwewale obwenzi.

Olutalo lw'okulwanyisa mukenenya buli muntu ateekwa okuggula amatu ge n'okubikula amaaso tusobole okukomya okusaanana kw'akawuka, abakazi bafune obuvumu obugamba abasajja okusooka okwekebeza, n'abasajja okutwala ensonga y'obulamu nga nkulu ddala. Nneebaza Bannabyabufuzi, ebitongole, kkampuni ez'enjawulo n'amasomero agazze Embuga leero okugula emijoozi gy'emisinde okuwagira kaweefube Nnyinimu gw'atukulembeddemu ow'okugoba mukenenya. Okwolesebwa kwaffe okw'okuzza Buganda kwesigamye nnyo ku byobulamu, eno y'ensonga lwaki tubitaddeko nnyo essira, kubanga abantu abalamu obulungi be bakola emirimu egizza Buganda ku ntikko. Twongera okubakubiriza buli aguze omujoozi, ffenna tuggwere mu Lubiri, obubaka bw'okulwanyisa mukenenya bwongere okunnyikira mu ffe ffenna. #KabakaBirthdayRun2026

Olutalo lw'okulwanyisa mukenenya buli muntu ateekwa okuggula amatu ge n'okubikula amaaso tusobole okukomya okusaanana kw'akawuka, abakazi bafune obuvumu obugamba abasajja okusooka okwekebeza, n'abasajja okutwala ensonga y'obulamu nga nkulu ddala. Nneebaza Bannabyabufuzi, ebitongole, kkampuni ez'enjawulo n'amasomero agazze Embuga leero okugula emijoozi gy'emisinde okuwagira kaweefube Nnyinimu gw'atukulembeddemu ow'okugoba mukenenya. Okwolesebwa kwaffe okw'okuzza Buganda kwesigamye nnyo ku byobulamu, eno y'ensonga lwaki tubitaddeko nnyo essira, kubanga abantu abalamu obulungi be bakola emirimu egizza Buganda ku ntikko. Twongera okubakubiriza buli aguze omujoozi, ffenna tuggwere mu Lubiri, obubaka bw'okulwanyisa mukenenya bwongere okunnyikira mu ffe ffenna. #KabakaBirthdayRun2026

Leero tukwasa emijoozi Bannabyabufuzi ab'enjawulo, kkampuni n'ebitongole wamu n'amatendekero n'amasomero. Nyongera okwebaza abantu abajjumbira buli lukya okuwagira emisinde gy'amazaalibwa ga Kabaka nga bagula emijoozi gy'okuddukiramu. #KabakaBirthdayRun2026

Nsisinkanye omuyimbi Irene Ntale ne bba Vincent Kalibbala, ne bazadde baabwe bombi, bankyaliddeko mu Bulange e Mmengo leero. Tusanyuka nnyo bannabitone oba abantu abamanyifu bwe bettanira obufumbo, kubanga bafuuka kyakulabirako kirungi eri ababamanyi oba ababakiririzaamu nabo obutatya bufumbo, ne bafuna obuvumu okubuyingira. Obufumbo y'entabiro y'omukwano, era bwe bukuuma omukwano mu ngeri ey'olubeerera, kyokka omukwano guwangaala na kuguliikiriza, abaagalana nga bassiŋŋamu ekitiibwa, nga bawagiragana, n'okuwuliziganya obulungi. Tubaagaliza obufumbo obulungi buwangaale nga bulimu essanyu, bwagazise n'abalala obufumbo.

Ntongozza omusomo gw'abakulembeze mu Bwakabaka mwe bagenda okubangulirwa ku Tubeere Balamu Yinsuwa. Nga tuluubirira okusitula omutindo mu buli mbeera, ebyobulamu tubiteeka ku mwanjo, kubanga tetusobola kuzza Buganda ku ntikko okuggyako nga tuli balamu bulungi, abantu nga basobola bulungi okukola emirimu. Kyokka, ssente ezetaagisa mu bujjanjabi ky'ekimu ku bisinga okukaluubiriza abantu okufuna obujjanjabi obw'omutindo, naye okuyita mu nkola ya Yinsuwa omuntu ayanguyirwa okufuna empeereza z'obujjanjabi zonna eziba zirambikiddwa, kyetuva tukubiriza abantu okujjumbira #TubeereBalamuYinsuwa ekulembeddwamu Kabaka Foundation ne bannamukago aba Jubilee Insurance, tusobole okutumbula ebyobulamu.

One of the most commonly used phrases is: Uganda is a God-fearing country. Unfortunately, the reality is far from the relentless acclamation about God. The propensity to commit crime is apparently stronger than the fear of God. Consider this: theft of public funds and misuse of the country's resources; murder; rape; defilement; exploitation of workers; domestic violence. We need to be intentional about our faith; we need to be rational all the time in all we do. #WorkAndProsper

Leero mu Lutikko e Lubaga okwogera kwange kwesigamye ku bubaka bwa Ssaabasajja Kabaka bwe yatuwadde obw'amazauukira ga Yesu Kristo. Ssaabasajja yawabudde abakola ku nkulaakulana y'ebibuga okusooka okuwuliziganyanga ne bannansi; mu Uganda amateeka wegali naye ekizibu tegateekebwa mu nkola mu budde obutuufu. Ekitongole ekirawuna eky'enkiiko ezifuga ebibuga kyetaaga okwongeramu amaanyi era kisaana kiyimirize abantu abazimba mu ngeri etali ntuufu ne mu bifo ebikyamu nga tebanasasaanya nsimbi zaabwe. KCCA n'enkiiko endala ez'ebibuga kikulu okubeera n'ebitongole ebirawunyi evy'amaanyi ebikwasisa amateeka ag'ogerwako, tukomye embeera ya buli luvannyuma lwa bbanga ate okubeera n'abantu abakaaba olw'okusindiikirizibwa. Ensonga y'amalwaliro n'ebyobulamu okutwaliza awamu Kabaka yawabudde ensimbi eziva mu misolo zikole ku byetaago bya Bannansi. Maasomoogi yasabye byonna ebikolebwa bitunuulire embeera eyeyagaza bannansi mu ggwanga lyabwe.

Leero ekitambiro kya mmisa y'amazuukira ga Yesu Kristo nze ne mukyala wange twegasse ku Bakristo mu Lutikko e Lubaga okwebaza n'okutendereza Katonda atuwadde obulamu okutuuka ne ku luno nate.

Ssaabasajja Kabaka Ronald Muwenda Mutebi II atuweerezza obubaka bw'Amazuukira ga Yesu Kristo 2026. Atuyozaayozezza okutuuka ku bijaguzo by'omwaka guno. Maasomoogi aliko embeera etasanyusa gy'alaze mu bubaka bwe, nsaba ffenna tugyefumiitirizeeko naddala abakwatibwako obutereevu.

We extend our deepest condolences to the parents and families of the children who tragically lost their lives yesterday in Ggaba in such a horrific incident. Acts of this nature carried out by individuals devoid of conscience and humanity must be strongly condemned. No one deserves to suffer such pain at the hands of another. We urge the authorities to ensure that the perpetrator is brought to justice swiftly, so that the affected families can find closure and justice. Our thoughts and prayers are with the parents, the school community, and everyone affected during this very difficult time. 📸 Courtsey

Abakulembeze, twewale okukola ebintu n’obuntukatoole(mediocrity) kubanga ky’ekiraddee ekiganye Africa okukulakulana. Ffe ng'abakulembeze kikulu okuteekateeka (planning) tuteeke mu nkola bye tuteeseteese (Implementing), tulondoole bye tukola (monitoring), twekenneenye byetukola nga bwe bitambula (evaluation), tunyweze ebigenda obulungi (continuous progress), ate tutereeze ebisobye (rectification). Bwetunakola bino emirmu gijja kunyiririra, gibale ebibala tweyongere okugenda mu maaso Tetujja kulinda mikisa kwekulakulanya wabula tulina kusooka kukola n’obunyiikivu awo emikisa gitusange tulabe ebibala.

Nzigaddewo olusirika lw’abakulembeze mu Bwakabaka 2026, olutambulidde ku mulamwa: Okusitula Omutindo mu buli mbeera mu Buganda. Ekimu ku biremesezza Africa okukulira ku misinde, bwe butakola bintu na mutindo nga bwe byakolebwa abatusooka. Ssetendekero nga makerere eddwaliro ly’e Mulago, ekizimbe Bulange, ebyazimbibwa mu myaka gya 1920- 1980 byazimbibwa ku mutindo buli omu gw'alabako. Tulina okwewala okukola ebintu mu nkola ya sambalasambala, twewale okukola nnemalidde, abantu be tukulembera bwe balaba nga tukola eby’omutindo nabo bajja kukola ebyomutindo. #SitulaOmutindo

Leero tutongoza amakubo aganaayitwamu abaddusi abaanasimbulwa mu Lubiri ku Ssande nga 12/04/2026. #KabakaBirthdayRun2026 Tandika okweteekateeka kati, gula omujoozi gwo nga bukyali, wepimemu onadduka kilomita 5, 10 oba 21....?