JUI DISTRICT ABBOTTABAD

لودھراں:قائد جمعیت مولانا فضل الرحمٰن مدظلہ کی جامعہ سراج العلوم لودھراں آمد سابق ضلعی امیر ضلع لودھراں مولانا محمد میاں کے انتقال پر اظہار تعزیت مولانا محمد میاں کی دینی و ملی خدمات کو خراج تحسین پیش کیا اور دعائے مغفرت کی مولانا محمد صفی اللہ، حافظ نصیر احمد احرار،نور خان ہانس و دیگر ہمراہ تھے۔

کوئٹہ:جےیوآئی کا بلوچستان حکومت کے تمام سرکاری پروگراموں ‘ وزیر اعلیٰ ہائوس جانے اور ملاقاتوں سے بائیکاٹ کا اعلان کردیا کوئٹہ ’ کوئی بھی رکن وزیر اعلیٰ ہائوس یا سرکاری تقاریب میں نہیں جائیگا ‘ سنیٹر مولانا عبدالواسع کوئٹہ ‘ بلوچستان حکومت نے ہماری ریڈ لائین پر ہاتھ ڈالا ہے ‘ اب کھلی جنگ ہوگی ‘ سنیٹر مولانا عبدالواسع کوئٹہ ‘ وزیر اعلیٰ سرفراز بگٹی خود کو بہادر کہتے ہیں تو سن ہم بھی تیار ہیں ‘ سنیٹر مولانا عبدالواسع کوئٹہ ‘ سرفراز بگٹی نے 2 تاریخ تک معافی نہ مانگی تو فیصلے سڑکوں پر ہونگے ‘ سنیٹر مولانا عبدالواسع حکومت مدارس کے متعلق اپنا فیصلہ فوری تبدیل کریں۔ کوئٹہ‘ بلوچستان میں بغیر قانون پاس کئے مدارس کو دھمکیاں دی جارہی ہے ‘ سنیٹر مولانا عبدالواسع کوئٹہ ‘ 2 تاریخ کو پارٹی اجلاس میں مدارس ایکٹ اور مائینز منرل ایکٹ پر تحریک کا اعلان کیا جائیگا ‘ سنیٹر مولانا عبدالواسع

ڈی جی خان؛قائد جمعیت مولانا فضل الرحمٰن کی کھوسہ ہاؤس ڈیرہ غازی خان آمد سردار ذوالفقار کھوسہ کی وفات پر انکے صاحبزادگان سردار حسام الدین کھوسہ،سردار سیف الدین کھوسہ سے اظہار تعزیت حافظ نصیر احمد احرار، عزیز بلوچ ودیگر ہمراہ تھے، مقامی میڈیا سے مختصر گفتگو

جتوئ مظفر گڑھ: قائد جمعیت مولانا فضل الرحمٰن کی جےیوآئی پنجاب کے نائب امیر مولانا یحییٰ عباسی کے ہاں آمد مولانا یحییٰ عباسی کے بھائی کی وفات پر تعزیت حافظ نصیر احمد احرار ، نور خان ہانس ایڈوکیٹ ودیگر ہمراہ تھے

قلعہ عبداللہ :جمعیت علماء اسلام ضلع قلعہ عبداللہ کے زیراہتمام تربیتی کنونشن سے خیبرپختونخوا کے صوبائی امیر مولانا عطاء الرحمٰن ، بلوچستان کے صوبائی امیر مولانا عبدالواسع ، مرکزی ناظم مالیات مولانا صلاح الدین ایوبی، صوبائی نائب امیر مفتی فضل غفور، ناظم عمومی آغا محمود شاہ ودیگر قائدین خطاب کررہے ہیں۔

جے یو آئی سربراہ مولانا فضل الرحمان کا دارالعلوم تعلیم القرآن راولپنڈی کےمہتمم جانشین شیخ القرآن مولانا اشرف علی کے انتقال پر اظہار افسوس مولانا اشرف علی رحمہ اللہ کی وفات کی خبر افسوسناک ہے ۔مولانا فضل الرحمان اللہ کریم ان کی خدمات جلیلہ کو شرف قبولیت عطاء فرمائے اور ان کے لئے صدقات جاریہ بنائے ۔مولانا فضل الرحمان مرحوم کی طویل عرصہ بیماری کو ان کی بشری لغزشوں کا کفارہ اور درجات عالیہ کا سبب بنائے ۔مولانا فضل الرحمان دارالعلوم تعلیم القرآن اور خانوادہ مولانا غلام اللہ خان کی خدمات کو اللہ کریم جاری وساری رکھے ۔مولانا فضل الرحمان اہل خانہ ،متعلقین ،تلامذہ اور منتسبین سے اظہار تعزیت کرتا ہوں ۔مولانا فضل الرحمان اللہ کریم لواحقین کو صبر جمیل عطاء فرمائے ۔مولانا فضل الرحمان میڈیا سیل جے یو آئی پاکستان

Lahore:Senior journalists meet JUI Chief Maulana Fazl-ur-Rehman 21 April 2026

لاہور: سربراہ جے یو آئی مولانا فضل الرحمان کی سینئر صحافیوں کے ساتھ خصوصی نشست گلف ممالک کو سمجھنا ہوگا کہ امریکہ کے ائیر بیسز ان کے لئے دفاعی فائدے کے بجائے نقصان کا باعث ہوئے ہیں۔ عمران خان کو رہا کرکے سیاسی کردار ادا کرنے کا موقع دینا چاہیے۔ تحریک انصاف کے ساتھ رابطے رہے لیکن کسی نتیجے تک نہیں پہنچ سکے۔ سعودی عرب اور پاکستان کے دفاعی معاہدے کو ہم نے اپریشیئیٹ کیا۔ پاکستان ثالثی کرکے دنیا کو تیسری عالمی جنگ سے بچا رہا ہے۔ حکمرانوں کا موجودہ عروج عارضی ہے مستقل پالیسیوں میں بہتری لانے کی ضرورت ہے۔ موجودہ حالات عالمی جنگ کا باعث بن سکتے ہیں کیونکہ اگر یہ صورتحال جاری رہی تو دوسری بڑی طاقتیں بھی جنگ کا حصہ بن جائیں گی۔ پاکستان کو عجلت ہے اور افغانستان کو مہلت چاہیے اسی کے مابین ہمارا معاملہ پھنسا ہوا ہے اور حالات خراب ہورہے ہیں۔ سی پیک عمران خان کے دور میں بند ہوا اور اب تک بند ہے سوال یہ ہے کہ اب تک کیوں بند ہے یہ پالیسی میں تسلسل کون لا رہا ہے، سی پیک اور چائنا تعلقات کے حوالے سے ہم وہیں کھڑے ہیں، انتخابات اٹھارہ اور چوبیس والے ایک جیسے ہوئے ہیں۔ دینی مدارس کے لئے مشرف، عمران اور موجودہ دور کی پالیسی یکساں ہے۔ جب پالیسی میں تبدیلی نہیں ہے تو کوئی تو ہے جو اس تسلسل کا ذمہ دار ہے۔ دوہزار اٹھارہ اور چوبیس کے الیکشن کا تسلسل ضمنی الیکشن میں بھی جاری ہے جس کی مثال کوئٹہ، زیارت، قلات سے واضح ہے، الیکشن کرانے والوں نے اب تک حالات سے کوئی سبق نہیں سیکھا۔ دنیا میں دھاندلی کے الزامات حکومتوں اور سیاستدانوں پر لگتے ہیں جبکہ ہمارے ہاں اداروں پر لگتے ہیں اور وہ اس پر فخر کرتے اور اپنی طاقت کی علامت سمجھتے ہیں۔ دنیا میں کمیونزم اور جمہوریت ختم ہورہی ہے، چائنا میں بھی کمیونزم نہیں رہا، دنیا میں سرمایہ داریت، آمریت اور عسکریت کے اشتراک سے نظام چل رہا ہے۔ ادارے کسی کے خلاف نہیں ہوتے وہ صرف سیاست کو مینیج کرتے اور اپنی مرضی کا بیلنس قائم کرتے ہیں۔ مدارس کی رجسٹریشن کا قانون پاس کرکے بھی انہیں کام نہیں کرنے دیا جارہا نہ رجسٹریشن کی جارہی ہے اور نہ ہی مدارس کے بینک اکاؤنٹس کھولے جارہے ہیں اور انہیں جبری طور پر حکومتی بورڈز کا حصہ بننے پر مجبور کیا جارہا ہے۔ ملاقات میں مجیب الرحمان شامی، حفیظ اللہ نیازی، سہیل وڑائچ، افتخار احمد، حبیب اکرم، نوشاد علی اور محمد الیاس شامل تھے۔ پارٹی رہنماؤں میں سے اسلم غوری، مولانا امجد خان، مولانا صفی اللہ، حافظ نصیر احرار، طارق خان بلوچ، حافظ غضنفر عزیز، اسید خواجہ اور سعید احمد چاچڑ شریک ہوئے۔ جاری کردہ: میڈیا سیل جے یو آئی پنجاب

جہاں دنیا میں دو بڑے نظام مد مقابل تھے مغرب و مشرق، مغرب کی سرمایہ داریت جو جمہوریت کی اوٹ میں چھپی ہوئی تھی اور مشرق کی آمریت جو کیمونزم کے اوٹ میں چھپی ہوئی تھی۔ آج جمہوریت بھی دنیا میں ٹوٹ پھوٹ کا شکار ہو رہا ہے اور کیمونیزم بھی ٹوٹ پھوٹ کا شکار ہو گیا ہے۔ اب کردار یا سرمایہ داریت کا ہے اور یا آمریت کا، اور اس کے ساتھ اگر عسکریت بھی جمع کر دو، سرمایہ داریت جمع آمریت جمع عسکریت، پورا انسانی معاشرہ آج اس کا سامنا کر رہا ہے۔ ایسے وقت میں ہمیں سوچنا ہے کہ اگر تمہارا ایک نظام بھی ناکام، اگر تمہارا دوسرا نظام بھی ناکام، متبادل کیا ہے تمہارے پاس؟ میں متبادل دیتا ہوں، آؤ اسلام کے دین فطرت کی طرف، آؤ اسلام کے نظام عدل کی طرف، آؤ اسلام کے نظام معیشت کی طرف، اور آؤ اسلام کی شورائیت کی طرف، یہ جمہوریت کی بھی جگہ لے گی، یہ تمہاری سرمایہ داریت کی بھی جگہ لے گی، یہ تمہاری امریت کی بھی جگہ لے گی۔ ایک بہتر نظام حکومت ہمیں دینا ہے اور یہ صرف جمعیۃ علماء اسلام کا مسئلہ نہیں، یہ صرف جماعت اسلامی پاکستان کا مسئلہ نہیں، یہ صرف ایک تنظیم کا مسئلہ نہیں، یہ یا پوری قوم کا مسئلہ ہے یا پوری امت کا مسئلہ ہے۔ قائد جمعیۃ مولانا فضل الرحمٰن کا لاہور میں خطاب

اور یہ بات یاد رکھیں کہ میں حکومت سے لڑتا ہوں، میں کسی سیاسی پارٹی سے نظریاتی اختلاف کرتا ہوں، لیکن حکمرانوں سے لڑنے کا معنی یہ نہیں کہ میں وطن عزیز کے چہرے کو بھی نوچا کروں۔ ملک میرا ہے اس ملک کی حفاظت ہم اپنا فرض سمجھتے ہیں، یہ ہمارا گھر بھی ہے، یہ ہماری عزت بھی ہے، یہ ہمارا ناموس بھی ہے، یہ کسی جرنیل کا نہیں، یہ کسی بیوروکریٹ کا نہیں، یہ کسی خان اور نواب کا نہیں، یہ کسی جاگیردار کا نہیں، یہ کسی صنعت کار کا نہیں، یہ کسی سرمایہ دار کا نہیں، یہ اس ملک کے غریب عوام کا ملک ہے۔ اگر ہندوستان نے پاکستان کے خلاف جارحیت کی تو سب سے پہلے ہم میدان میں اترے کہ اس مرحلے پر اب قوم ایک ہے، ہم ایک صف ہیں اور جب جمعیۃ علماء اسلام نے پہلا قدم اٹھایا تو جس مختلف اطراف سے اور کونوں سے کچھ غلط توقعات تھی ان کے دروازے بند کر دیے گئے۔ آج اگر پاکستان ایران اور امریکہ کے درمیان ثالثی کر رہا ہے، تو میں آپ کو بتانا چاہتا ہوں کہ یہ مسئلہ ایران اور امریکہ کا نہیں، اگر پاکستان کے پاس ثالثی کے کردار کا کوئی موقع آیا ہے تو وہ دنیا کو عالمی جنگ سے بچانی کی کوشش ہے، ہم ایسے وقت میں پاکستان کی اس اعزاز کا احترام کرتے ہیں، لیکن ہمیں اپنی پالیسیاں ٹھیک کرنی چاہیے، ہمارے کچھ سوالات ہیں، شائد کچھ دن ہم اپنے داخلی مسائل کی طرف توجہ نہ دے سکیں، لیکن بہرحال وہ ہمارے مسائل ہیں، ہمارے سامنے یہ سوال ہے پالیسی ساز لوگوں سے جو ملک کی خارجہ پالیسی بناتے ہیں، جو ملک کی داخلہ پالیسی بناتے ہیں، ان لوگوں سے سوال ہے کہ اس وقت آپ کا پورا مشرقی سرحد بند ہے، اس وقت آپ کا پورا مغربی سرحد بند ہے اور ہماری دو ہی سرحد ہے ایک مشرقی سرحد ہے اور ایک مغربی سرحد ہے دونوں سرحدیں ہم نے اپنے اوپر بند کر دی ہیں، دونوں اطراف میں ہم نے تجارتی راستے بند کر دیے ہیں، کاروبار کے راستے دنیا کے ساتھ ہم نے بند کر دیے ہیں اور چائنا ایک کوریڈور ہے جو پاکستان سے مایوس ہے اور وہ پاکستان میں سرمایہ کاری سے گریز کر رہا ہے اور ایران اس وقت نہ اچھے نہ برے کا ہے، تو بتایا جائے کہ پاکستان کہاں کھڑا ہے؟ بتایا جائے کہ اس پاکستان کے اقتصادی مستقبل کیا ہے؟ بتایا جائے اس ملک کو آپ کدھر لے جانا چاہیں گے؟ گرانی اور منہگائی ایک تو ہوتا نا حالات کی وجہ سے کچھ تدریجی طور پر قیمتیں بڑھتی ہیں لوگ بھی اس کے ساتھ مانوس ہوتے ہیں، کچھ دن اس کا احساس رہتا ہے، پھر معمول زندگی بن جاتا ہے، لیکن آبنائے ہرمز کے بند ہونے کے ساتھ ہی پاکستان میں تیل کی قیمتوں نے ایسا جمپ لگایا ہے کہ ہر انسان حیران اور ششدر ہے، جب ہم نے پورے ملک میں مظاہروں کا اعلان کر دیا، تو ایک طرف مظاہروں کا اعلان دوسرے طرف سے یہ دوسرے حالات، حکمران میرے پاس آئے کہ ان حالات میں آپ کو یہ مظاہرے نہیں کرنے چاہیے، میں نے کہا بالکل نہیں کرنے چاہیے، ہم نے ملک کے لئے مظاہروں کے کال واپس لی، لیکن پورے ملک میں مظاہروں کے کال دینا یہ ہمارے لئے کوئی مسئلہ نہیں ہے، یہ مؤخر ہوا ہے منسوخ نہیں ہوا ہے۔ ہم سوچ سمجھ کر آگے بڑھتے ہیں، جذباتی ہو کر فیصلے نہیں کیا کرتے۔ قائد جمعیۃ مولانا فضل الرحمٰن کا لاہور میں خطاب

ایک عالمی قوت کے سربراہ کا دھمکی آمیز لہجہ دیکھیں،یہ ان کی سفارت کاری ہے،کہتا ہے ایران مان جائے ورنہ ہم کچل کر رکھ دیں گے،ان کے پلانٹس اور تیل کے ذخائر کو تباہ کردیں گے۔ کیا مذاکرات کی طرف جانے کے لئے اس طرح کی گفتگو کی جاتے ہے؟ امریکہ نے کہا 47 سال بعد ہم آمنے سامنے بیٹھ رہے ہیں، ایران بھی کہتا ہے کہ ہم 47 سال بعد بیٹھ رہے ہیں، پاکستان کا موقف بھی یہی کہ ہم نے 47 سال بعد دونوں کو ایک ساتھ مذاکرات پر بٹھایا ہے، اور ہم بھی یہ کہتے ہیں کہ حکومت فارم 47 کی ہے۔ قائد جمعیۃ مولانا فضل الرحمٰن مدظلہ کا لاہور میں خطاب

لاہور ایوان اقبال:حیات و خدمات سید سلمان گیلانی ؒسیمینار سے قائد جمعیۃ مولانا فضل الرحمٰن مدظلہ خطاب کر رہے ہیں۔

شکریہ مردان❤️ گھٹن کے اس ماحول میں اسلامی آئین وقانون کے دفاع،عوام کے حق حکمرانی کے حصول اور عوام پر جبری مسلط اس حکومت اور انکی جبری مہنگائ کے خلاف آپ نے مولانا فضل الرحمن صاحب کی قیادت میں جس شاندار طرز پر تحریک کا آغاز کیا ھے وہ قابل تحسین بھی ھے اور ان شاءاللہ یہ اپنی منزل کی طرف بڑھتی چلی جائیگی۔ #قائد_عوام_مولانا

سیاست گالیاں دینے کی بجائے اس طرح بھی تو ہوسکتی ہے

سکھر()عالمی کشیدگی،اسرائیلی جارحیت اور داخلی بحران پر جے یو آئی کا واضح مؤقف خطے میں جنگی ماحول،امت مسلمہ کو اتحاد کی ضرورت امریکہ۔اسرائیل تناظر میں پاکستان کا ابھرتا سفارتی کردارمہنگائی،بدامنی اور تعلیمی بحران پر حکومت شدید تنقید کی زد میں ہے علامہ راشد محمود سومرو کا روہڑی میں کارکنان سے جامع خطاب اور میڈیا سے گفتگو تفصیلات کے مطابق مدرسہ صدیقیہ کٹپر محلہ روہڑی میں جمعیت علماء اسلام (جے یو آئی) سندھ کے سیکریٹری جنرل علامہ راشد محمود سومرو نے میڈیا سے گفتگو اور کارکنان سے خطاب کرتے ہوئے عالمی علاقائی اور ملکی صورتحال پر تفصیلی اظہار خیال کیا اور جماعت کے مؤقف کو واضح انداز میں پیش کیا انہوں نے کہا کہ فلسطین میں جاری اسرائیلی مظالم انسانیت کے خلاف کھلی جارحیت ہیں جن پر دنیا بھر میں شدید ردعمل سامنے آ رہا ہے ان کا کہنا تھا کہ نہ صرف مسلم بلکہ غیر مسلم ممالک بھی اسرائیل کے خلاف آواز بلند کر رہے ہیں اور کئی ممالک اس کے ساتھ اپنے معاہدات ختم کر رہے ہیں، جو عالمی سطح پر بڑی تبدیلی کا پیش خیمہ ہے علامہ سومرو نے خبردار کیا کہ فلسطین اور لبنان کے بعد ایران کی جانب بڑھتی کشیدگی خطرناک رخ اختیار کر رہی ہے جس کے اثرات پورے خطے پر مرتب ہو سکتے ہیں انہوں نے کہا کہ اس صورتحال میں امت مسلمہ کو متحد ہو کر ایک مضبوط اسلامی بلاک تشکیل دینا ہوگا جو عملی طور پر مؤثر ہو انہوں نے کہا کہ امریکہ اور اسرائیل سے متعلق جاری عالمی سفارتی سرگرمیوں میں پاکستان کا کردار نہایت اہم ہو چکا ہے پاکستان میں ہونے والے حالیہ بین الاقوامی مذاکرات اس بات کا ثبوت ہیں کہ ملک امت مسلمہ کی قیادت کی صلاحیت رکھتا ہے جبکہ توقع ہے کہ مذاکرات کا اگلا مرحلہ بھی پاکستان میں منعقد ہوگا ملکی سیاسی صورتحال پر گفتگو کرتے ہوئے انہوں نے واضح کیا کہ جے یو آئی موجودہ حکومت اور پارلیمنٹ کو تسلیم نہیں کرتی تاہم قومی مفاد کے پیش نظر امن و استحکام کے اقدامات کی حمایت کی گئی ہے انہوں نے کہا کہ سندھ میں بدامنی،منشیات،بے روزگاری اور مہنگائی نے عوام کی زندگی اجیرن بنا دی ہے۔اجلاس مولانا محمد صالح انڈھڑ کی زیر صدارت منعقد ہوا جبکہ مہمانان خصوصی میں مولانا سائیں عبد القیوم ہالیجوی،مفتی سعود افضل ہالیجوی،حافظ عبدالحمیدمھر ،مولانا عبداللہ مھر،مولانا محمد رمضان پھلپھوٹو،ڈاکٹر عبدالغنی انصاری سمیت دیگر علماء کرام و صوبائی،وضلعی قیادت نے شرکت کی اور۔بیانات کیے۔مولانا راشد محمود سومرو نے الزام عائد کیا کہ بعض پولیس موبائلز کے ذریعے اسلحہ اور منشیات کی ترسیل جیسے واقعات سامنے آ رہے ہیں جو حکومتی ناکامی کا واضح ثبوت ہیں ساتھ ہی انہوں نے تعلیمی نظام میں کرپشن،امتحانی نتائج میں بے ضابطگیوں اور طالبات کو ہراسانی کے بڑھتے واقعات پر شدید تشویش کا اظہار کیا علامہ راشد محمود سومرو نے کہا کہ ایسے واقعات ناقابل برداشت ہیں اور ذمہ داران کے خلاف سخت کارروائی ہونی چاہیے انہوں نے طالبات کو پیغام دیا کہ وہ خوف کا شکار نہ ہوں بلکہ اپنے ساتھ ہونے والی زیادتیوں کے خلاف آواز بلند کریں جے یو آئی ان کے ساتھ کھڑی ہوگی کارکنان سے خطاب میں انہوں نے زور دیا کہ وہ پارٹی پیغام کو عوام تک پہنچائیں، تنظیمی ڈھانچے کو مزید مضبوط کریں اور آنے والے سیاسی مراحل کے لیے خود کو تیار رکھیں آخر میں انہوں نے کہا کہ جمعیت علماء اسلام عوامی مسائل کے حل اور ملک میں مثبت تبدیلی کے لیے ہر سطح پر متحرک ہے اور آئندہ بھی بھرپور کردار ادا کرتی رہے گی جبکہ سندھ کی سیاست میں آئندہ اہم فیصلوں کی کنجی جے یو آئی کے پاس ہوگی۔ جاری کردہ: میڈیا سیل جے یوآئی سندھ

Islamabad:Iranian Ambassador Dr Reza Amiri Moghadam visited the residence of JUI Chief Maulana Fazl ur Rehman and held an important meeting.

A high-level delegation led by Iranian Ambassador Reza Amiri Moghaddam called on Maulana Fazlur Rehman at his residence. •Pak-Iran matters, regional situation discussed in detail •Iranian envoy thanks Maulana Fazlur Rehman for strong stance on US–Iran tensions •Pakistan hosting US–Iran talks would be an honor: Maulana Fazlur Rehman •Hope for ceasefire, lasting peace in the region: Fazlur Rehman •Islamic bloc formation part of JUI manifesto: Fazlur Rehman •Muslim unity essential to avoid exploitation: Fazlur Rehman • Sovereignty of Islamic countries must be respected: Fazlur Rehman • Palestine freedom should remain top priority: Fazlur Rehman •Collective strength needed to resolve Ummah’s issues: Fazlur Rehman •Protection of Bait-ul-Maqdis duty of every Muslim: Fazlur Rehman •Iranian ambassador endorses Fazlur Rehman’s stance •Iran thanks Pakistani nation for support against US aggression •Pakistan’s balanced stance appreciated by Iranian envoy Also present at the meeting were Maulana Abdul Ghafoor Haideri, Senator Kamran Murtaza, Muhammad Aslam Ghauri, Maulana Asjad Mahmood, and Mufti Abrar.

اسلام آباد:ایرانی سفیر رضا امیری مقدم کی قیادت میں اعلیٰ سطحی وفد کی مولانا فضل الرحمان کی رہائش گاہ آمد ملاقات میں حالیہ امریکہ ایران جنگ کے اثرات ، مضمرات سمیت اہم امور پر تفصیلی نشست ہوئی، ترجمان جےیوآئی ایران امریکہ جنگ کے بارے میں آپکے جاندار موقف پر ایرانی قوم کی طرف سے شکر گزار ہو، ایرانی سفیر امریکہ اور ایران کے درمیان مذاکرات کے لئے پاکستان کی میزبانی پاکستان کا اعزاز ہے،مولانا فضل الرحمان جنگ بندی کی توقع اور مستقل امن کی تمناء کے ساتھ اسلامی بلاک کا قیام ہماری تمناء ہے،مولانا فضل الرحمان اسلامی بلاک جمعیت علماء کے منشور کا حصہ ہے،مولانا فضل الرحمان اسلامی دنیا کے حکمرانوں کو سبق سیکھنا چاہیےکہ وحدت کے بغیر ہم ہمیشہ استعمال ہونگے اور ہم اپنے وسائل کے خود مالک نہیں ہونگے،مولانا فضل الرحمان اسلامی ممالک کی خود مختاری کا احترام ہونا چاہیے،مولانا فضل الرحمان فلسطین کی آزادی ہماری مدنظر ہونا چاہیے،مولانا فضل الرحمان مسلم اُمّہ کا مل بیٹھ کر مضبوط قوت سے مسائل کو حل کرنا وقت کا تقاضا ہے،مولانا فضل الرحمان قبلہ اول بیت المقدس کا تحفظ اور اسرائیل کے ناجائز قبضے سے آزاد کرانا ہر مسلمان اپنا فرض منصبی سمجھتا ہے،مولانا فضل الرحمان میں آپکے اس موقف کی تائید کرتا ہوں، ایرانی سفیر امریکی جارحیت کے مقابلے میں جمعیت علماء اور مولانا فضل الرحمان سمیت پاکستانی عوام کا ایران کی حمایت پر شکریہ ادا کرتا ہوں، ایرانی سفیر پاکستانی عوام ،علماء اور مختلف طبقہ فکر کا مضبوط اور متوازن موقف قابل تحسین ہے، رضا امیری مقدم ملاقات میں مولانا عبدالغفور حیدری، سنیٹر کامران مرتضٰی، محمد اسلم غوری، مولانا اسجد محمود، مفتی ابرار شریک تھے۔ میڈیا سیل جےیوآئی پاکستان

اسلام آباد:سینئر امریکی سفارتکار زکری ہارکن رائیڈر کی جے یو آئی سربراہ مولانا فضل الرحمان کی رہائش گاہ آمد زکری ہارکن رائیڈر نے مولانا فضل الرحمان سے ملاقات کی رہنماؤں میں اہم امور ،عالمی حالات اور خطے کو درپیش امن وامان کی صورتحال ،امریکہ ایران مذاکرات پر تبادلہ خیال رہنماؤں میں باہمی دلچسپی کے امور پر گفتگو رہنماؤں کا مجوزہ قانون سازی کے مختلف پہلو پر غور وخوض ملاقات میں مولانا عبدالغفور حیدری،سنیٹر کامران مرتضٰی،محمد اسلم غوری،مولانا اسعد محمود،مولانا اسجد محمود شریک تھے ۔ میڈیا سیل جےیوآئی پاکستان

ٹی وی چینلز پر مارننگ شوز اور ڈراموں میں ہونے والے اخلاق باختہ پروگرام قابل مذمت ہیں ۔ترجمان جے یو آئی میڈیا کو آزادی اظہار کے ساتھ ساتھ اپنی سماجی، اخلاقی اور قومی ذمہ داریوں کا بھی احساس کرنا ہوگا۔اسلم غوری افسوس اسلامی معاشرے کیخلاف کی جانےوالی سازشوں میں حکومتی وزراء کے چینل سر فہرست ہیں ۔ترجمان جےیوآئی غیر اسلامی، غیر شرعی قانون سازی کے بعد یہ اگلا قدم ملک کو سیکولر بنانے کی گہری سازش ہے۔اسلم غوری پیمرا اور سنسر شپ کے اداروں کی کارکردگی پر سوالیہ نشان ہے۔ ترجمان جےیوآئی قوم پوچھتی ہے کہ حکمرانوں کیخلاف بیانات پر نوٹس لینے والی پیمرا کہاں ہے ۔اسلم غوری اخلاقیات اور مشرقی اقدار کی دھجیاں اڑائی جارہی ہے ۔ترجمان جےیوآئی فیملی کے ساتھ بیٹھ کران پروگراموں کو دیکھنا ممکن نہیں رہا ۔اسلم غوری ملکی میڈیا پر مشرقی روایات، حیا اور خاندانی اقدار کو دانستہ طور پر پامال کیا جا رہا ہے۔ترجمان جےیوآئی موجودہ صورتحال کسی بھی مہذب معاشرے کے لیے لمحۂ فکریہ ہے۔ اسلم غوری میڈیا سیل جے یو آئی پاکستان