Dr.Kapil Zoting

जनकल्याणकारी राज्यकारभार, न्यायप्रियता, धर्मसंवर्धन आणि लोकसेवेचा आदर्श निर्माण करणाऱ्या आदर्श राज्यकर्त्या म्हणजे ‘लोकमाता’ पुण्यश्लोक अहिल्यादेवी होळकर. अहिल्यादेवींनी आपल्या दूरदर्शी नेतृत्वातून प्रजेचे हित जपले, समाजातील दुर्बल घटकांना आधार दिला आणि विकासाला नवी दिशा दिली. त्यांच्या कार्यामुळे आजही त्या सुशासन, कर्तव्यनिष्ठा, करुणा आणि स्त्रीशक्तीचे प्रेरणास्थान म्हणून स्मरणात आहेत. त्यांनी उभारलेली मंदिरे, घाट, धर्मशाळा आणि लोकहिताची विविध कामे हे त्यांच्या लोकाभिमुख विचारांचे जिवंत उदाहरण आहे. त्यांचे जीवन आणि कार्य प्रत्येक पिढीला समाजसेवा, न्याय आणि राष्ट्रप्रेमाची प्रेरणा देत राहील. लोककल्याणासाठी समर्पित असलेल्या महान विभूती, पुण्यश्लोक अहिल्यादेवी होळकर यांना जयंतीनिमित्त विनम्र अभिवादन! #पुण्यश्लोकअहिल्यादेवीहोळकर #अहिल्यादेवीहोळकरजयंती #WomenLeadership #GoodGovernance

हाँगकाँग येथे पार पडलेल्या आशियाई अंडर-२० ॲथलेटिक्स अजिंक्यपद स्पर्धा २०२६ मध्ये महिला उंच उडी प्रकारात १.९३ मीटर उंचीची यशस्वी झेप घेत सुवर्णपदक जिंकणाऱ्या आणि नवीन राष्ट्रीय विक्रमाची नोंद करणाऱ्या पूजा सिंह हिचे मनःपूर्वक अभिनंदन! ही ऐतिहासिक कामगिरी देशातील युवा खेळाडूंना निश्चितच प्रेरणा देणारी ठरेल. पूजा सिंह यांना आगामी वाटचालीसाठी हार्दिक शुभेच्छा! 🇮🇳 #AsianU20Athletics #IndiaAthletics

राष्ट्रवादी परिवार काल सुद्धा एकत्र होता, आज ही एकत्र आहे.. मा. ना. सुनेत्रा वहीणींच्या नेतृत्वात संपूर्ण पक्ष एकजूट आहे. काही विघ्नसंतोषी नेते मीडिया कव्हरेज साठी उगाच कसल्यातरी बातम्या प्रसारित करतात.

प्रजाहिताला केंद्रस्थानी ठेवून लोककल्याणकारी न्यायनिष्ठ राज्यकारभार करणाऱ्या, सामाजिक परिवर्तनात मोलाचं योगदान देणाऱ्या राजमाता, पुण्यश्लोक अहिल्यादेवी होळकर यांना जयंतीदिनी विनम्र अभिवादन!

न्यायप्रिय, दूरदर्शी आणि लोककल्याणकारी राज्यकारभाराचा आदर्श निर्माण करणाऱ्या, समाजहिताला सर्वोच्च प्राधान्य देणाऱ्या महान शासिका पुण्यश्लोक राजमाता अहिल्यादेवी होळकर यांना जयंतीनिमित्त त्रिवार वंदन! रयतेच्या हिताला सर्वोच्च प्राधान्य देत त्यांनी आदर्श राज्यकारभाराची परंपरा निर्माण केली. देशभरातील मंदिरांचे जतन, घाट, विहिरी, धर्मशाळा आणि जनकल्याणकारी कामांच्या माध्यमातून त्यांनी समाजसेवेचा अमिट ठसा उमटवला. त्यांचे कार्य आजही प्रेरणादायी असून लोकहित, न्याय आणि सेवाभावाची शिकवण देणारे आहे. त्यांच्या पवित्र स्मृतीस व कार्यास कोटी कोटी प्रणाम! #अहिल्यादेवीहोळकर #RajmataAhilyadeviHolkar

'स्वच्छ सुंदर बस स्थानक अभियान २०२५' बारामती बस स्थानक राज्यात प्रथम! स्व. अजितदादांच्या स्वच्छ कर्तुत्वाला हीच मानाची आदरांजली!

ईद-उल-अजह मुबारक! त्याग, श्रद्धा, बंधुभाव आणि मानवतेचा संदेश देणारा सण बकरी ईद निमित्त सर्व मुस्लिम बांधवांना हार्दिक शुभेच्छा! #EidMubarak

विज्ञाननिष्ठा, आधुनिक विचारसरणी आणि लोकशाही मूल्यांचा मजबूत पाया रचत स्वतंत्र भारताला प्रगतीची दिशा देणारे देशाचे पहिले पंतप्रधान भारतरत्न पंडित जवाहरलाल नेहरू यांचे योगदान सदैव स्मरणात राहील. शिक्षण, विज्ञान आणि औद्योगिक विकासाच्या माध्यमातून आधुनिक भारत घडविणारे पंडित जवाहरलाल नेहरू यांना पुण्यतिथीनिमित्त विनम्र अभिवादन. #JawaharlalNehru #BharatRatna #Punyatithi #ModernIndia #ncp

विकासाला गती देणारे, दूरदर्शी नेतृत्व म्हणजे केंद्रीय रस्ते वाहतूक आणि महामार्ग मंत्री मा.ना. श्री. नितीनजी गडकरी. आपले कार्य, विचार आणि राष्ट्रनिर्मितीतील योगदान सदैव प्रेरणादायी आहे. आपल्याला उत्तम आरोग्य, दीर्घायुष्य आणि निरंतर यश लाभो, ही सदिच्छा! आपणांस वाढदिवसानिमित्त मनःपूर्वक शुभेच्छा! @nitin_gadkari

महामानव, भारतरत्न डॉ. बाबासाहेब आंबेडकर यांना पाठबळ देत सामाजिक कार्यात मोलाचं योगदान देणाऱ्या करुणामूर्ती, त्यागमूर्ती माता रमाबाई आंबेडकर यांना पुण्यतिथीदिनी भावपूर्ण आदरांजली!

देशातील सर्वोच्च नागरी सन्मानांपैकी एक असलेल्या पद्म पुरस्कारांनी १३१ मान्यवरांना गौरविण्यात आले. यामध्ये महाराष्ट्रातील ८ मान्यवरांदेखील पुरस्कार देऊन सन्मानित करण्यात आले. पूर्ण राज्यासाठी हा अभिमानाचा क्षण आहे. समाज, कला, विज्ञान, कृषी, उद्योग आणि सामाजिक क्षेत्रात मोलाचे योगदान देणाऱ्या सर्व पुरस्कार विजेत्यांचे मनःपूर्वक अभिनंदन! भारतीय चित्रपटसृष्टीतील ज्येष्ठ अभिनेते स्व. धर्मेंद्र सिंह देओल यांना मरणोत्तर ‘पद्मविभूषण’, तर जाहिरात क्षेत्रातील दिग्गज स्व. पीयूष पांडे यांना मरणोत्तर ‘पद्मभूषण’ पुरस्काराने गौरवण्यात आले. त्याचप्रमाणे श्री. जनार्दन बोथे यांना सामाजिक कार्यासाठी, श्री. रघुवीर खेडकर यांना कला प्रकारातील तमाशा लोककलेच्या संवर्धनासाठी, श्री. श्रीरंग लाड यांना कृषी क्षेत्रातील कार्यासाठी, उद्योजक श्री. सत्यनारायण नुवाल यांना डिफेन्स एक्सप्लोझिव्ह क्षेत्रातील उल्लेखनीय कामगिरीसाठी, श्री. जुझर वासी यांना वैज्ञानिक क्षेत्राला चालना देण्यासाठी पद्मश्री पुरस्काराने गौरवण्यात आले. तसेच महाराष्ट्राचे माजी राज्यपाल श्री. भगतसिंह कोश्यारी यांना पद्म भूषण पुरस्काराने गौरविण्यात आले. #PadmaAwards2026 #NationalHonour #PrideOfMaharashtra #ProudMoment

लोकहिताच्या प्रश्नांना संसदेत प्रभावी आवाज देणाऱ्या महाराष्ट्रातील जनप्रतिनिधींना ‘संसद रत्न’ सन्मान! ‘संसद रत्न’ पुरस्कारासाठी भाजपा खासदार डॉ. हेमंत सवरा, खासदार मेधाताई कुलकर्णी, खासदार स्मिताताई वाघ, महायुतीतील शिवसेनेचे खासदार डॉ. श्रीकांत शिंदे आणि खासदार नरेश म्हस्के यांची झालेली निवड अत्यंत अभिमानास्पद आहे. सर्व मान्यवरांचे मनःपूर्वक अभिनंदन! संसदीय कामकाजात सक्रिय सहभाग, लोकहिताच्या प्रश्नांवरील अभ्यासपूर्ण मांडणी आणि जनसेवेप्रती असलेली बांधिलकी याचीच ही योग्य दखल आहे. भविष्यातही आपल्या कार्यातून जनतेचा विश्वास अधिक दृढ कराल, अशी अपेक्षा आहे. सर्वांना पुढील वाटचालीसाठी हार्दिक शुभेच्छा! @drhemantsavara @Medha_kulkarni @DrSEShinde @nareshmhaske @SmitaWagh_ #SansadRatnaAward

महाराष्ट्रातील मान्यवरांचा पद्म सन्मानाने गौरव ! देशातील सर्वोच्च नागरी सन्मानांपैकी एक असलेले ‘पद्म पुरस्कार’ आज राष्ट्रपती द्रौपदी मुर्मू यांच्या हस्ते सन्मानपूर्वक प्रदान करण्यात आले. विविध क्षेत्रांमध्ये उल्लेखनीय कार्य करणाऱ्या महाराष्ट्रातील मान्यवरांचा यावेळी गौरव करण्यात आला, ही राज्यासाठी अभिमानाची बाब आहे. भारतीय चित्रपटसृष्टीतील ज्येष्ठ अभिनेते धर्मेंद्र यांना कला क्षेत्रातील अतुलनीय योगदानाबद्दल मरणोत्तर ‘पद्मविभूषण’ पुरस्काराने सन्मानित करण्यात आले. तसेच जाहिरात क्षेत्रातील सर्जनशीलतेचे प्रतीक मानले जाणारे पीयूष पांडे यांना मरणोत्तर ‘पद्मभूषण’ पुरस्काराने गौरविण्यात आले. सामाजिक कार्यासाठी जनार्दन बापुराव बोठे, तमाशा लोककलेच्या जतन आणि संवर्धनासाठी रघुवीर खेडकर, कृषी क्षेत्रातील उल्लेखनीय योगदानासाठी श्रीरंग लाड, ‘सोलर इंडस्ट्रीज’च्या माध्यमातून संरक्षण व खाणकाम उद्योगातील महत्त्वपूर्ण कार्यासाठी उद्योजक सत्यनारायण नुवाल, तसेच मायक्रो इलेक्ट्रॉनिक्स आणि सेमी कंडक्टर संशोधन क्षेत्रातील उल्लेखनीय कार्यासाठी प्रा. जुझर वासी यांना पद्मश्री पुरस्काराने सन्मानित करण्यात आले. यासोबतच, मूळ पुण्याचे असलेले डॉ. रामचंद्र गोडबोले आणि डॉ. सुनीता गोडबोले या दाम्पत्याला छत्तीसगड राज्यातील त्यांच्या उल्लेखनीय सामाजिक आणि वैद्यकीय योगदानाबद्दल संयुक्तपणे ‘पद्मश्री’ पुरस्काराने गौरविण्यात आले. सर्व मान्यवर पुरस्कारार्थींचे मनःपूर्वक अभिनंदन! #PadmaAwards2026 #PadmaAward

राष्ट्रवादी काँग्रेस पक्ष हा नेहमीच सर्वसामान्य जनतेच्या प्रश्नांना प्राधान्य देणारा आणि त्यांच्या सुख-दुःखात सहभागी होणारा पक्ष राहिला आहे. स्व. अजितदादा पवार यांनी जपलेल्या जनसंपर्काच्या विचारांना पुढे नेत राज्याच्या उपमुख्यमंत्री तथा राष्ट्रवादी काँग्रेस पक्षाच्या राष्ट्रीय अध्यक्षा श्रीमती. सुनेत्रावहिनी पवार यांनी आज पक्षाच्या प्रदेश कार्यालयात नागरिकांच्या भेटी घेत त्यांच्या विविध समस्या जाणून घेतल्या. राज्याच्या कानाकोपऱ्यातून आलेल्या नागरिकांनी वैयक्तिक, सामाजिक तसेच शासकीय अडचणींबाबत निवेदने सादर केली. प्रत्येक नागरिकाचे म्हणणे आत्मीयतेने ऐकून घेत संबंधित विभागांशी समन्वय साधून योग्य ती कार्यवाही करण्याच्या सूचना देण्यात आल्या. जनतेच्या प्रश्नांना न्याय मिळवून देण्यासाठी पक्षाचे पदाधिकारी, कार्यकर्ते कायम जनतेसोबत खंबीरपणे उभे राहतील, असा विश्वास श्रीमती. सुनेत्रावहिनी पवार यांनी यावेळी व्यक्त केला.

आज मुंबई येथे नूतनीकृत बालभवन इमारतीच्या लोकार्पण सोहळ्यास मा. मुख्यमंत्री देवेंद्रजी फडणवीस यांच्या समवेत उपस्थित राहिले. या पवित्र वास्तुच्या नवीन इमारतीच्या लोकार्पण सोहळ्यास उपस्थित राहण्याचं भाग्य मला लाभलं हे मी माझं संचित समजते. बालभवनमध्ये राबवले जाणारे विविध उपक्रम हे मुलांच्या सर्वांगीण विकासासाठी अतिशय मौल्यवान आहेत. इथल्या शिबीरांमधून मुलांना आपला छंद जोपासण्याची संधी मिळते आणि त्यांचा वेळ सकारात्मक, सर्जनशील क्रियांमध्ये व्यतित होतो. आजच्या धावपळीच्या, स्पर्धात्मक आणि डिजिटल युगात मुलांचं बालपण हरवत चाललं आहे का, असा प्रश्न आपल्याला पडल्याशिवाय राहत नाही. आताच्या मोबाईलच्या आणि पूर्वी टीव्हीच्या स्क्रीनमध्ये अडकलेल्या पिढीला मातीशी जोडण्याचं, त्यांना चित्रकलेच्या रंगात भिजवण्याचं आणि संगीताच्या सुरात रमवण्याचं काम हे बालभवन गेल्या 75 वर्षांपासून सातत्यानं करत आहे, ही अत्यंत स्तुत्य बाब आहे. अशा भावना यावेळी व्यक्त केल्या. एक लाखापेक्षा जास्त मुलांनी या संस्थेचा लाभ घेतला आहे, ही महत्वाची बाब आहे. या नवीन इमारतीमुळे विद्यार्थ्यांना आधुनिक सोयी-सुविधा मिळतील. या सोहळ्यानिमित्त बालभवनच्या सर्व कर्मचारी, शिक्षक आणि संचालकांचं अभिनंदन केले व शुभेच्छा दिल्या. या नवीन वास्तूच्या माध्यमातून महाराष्ट्रातील बालकांच्या कल्पकतेला नवे पंख फुटतील, असा विश्वास यावेळी व्यक्त केला.

राज्याचे दिवंगत उपमुख्यमंत्री स्व. अजितदादा पवार यांच्या विचारांवर आणि राष्ट्रवादी काँग्रेस पक्षाच्या राष्ट्रीय अध्यक्षा तथा उपमुख्यमंत्री श्रीमती. सुनेत्रावहिनी पवार यांच्या नेतृत्वावर विश्वास ठेवत, तसेच राष्ट्रवादी काँग्रेस पार्टीचे प्रदेशाध्यक्ष मा. खा. श्री. सुनील तटकरे यांच्या प्रमुख उपस्थितीत श्री. अमित नाईक यांच्या नेतृत्वाखाली अलिबाग तालुक्यातील सारळ, नवखार, मिळखतखार ग्रामपंचायतचे माजी सदस्य श्री. सुशिल पाटील, श्री. महेंद्र थळे, श्री. पार्थ पाटील, श्री. चेतन पाटील, श्री. साई भगत, श्री. सनी पाटील, श्री. विश्वास पाटील, श्री. जगदीश म्हात्रे, श्री. गणेश ठोंबरे, श्री. वसंत पाटील यांच्यासह अनेक कार्यकर्त्यांनी राष्ट्रवादी काँग्रेस पक्षात जाहीर प्रवेश केला. यावेळी मा. पक्षश्रेष्ठींनी सर्वांचे स्वागत करत पुढील राजकीय व सामाजिक वाटचालीस शुभेच्छा दिल्या. तसेच स्व. अजितदादा पवार यांनी रुजवलेल्या सर्वसामान्यांशी जोडलेल्या राजकारणाची परंपरा आणि पक्ष संघटना अधिक मजबूत करण्याचा निर्धार यावेळी व्यक्त करण्यात आला.

महाराष्ट्राच्या राजकरणतील लोकाभिमुख नेतृत्व, ग्रामीण भागाशी नाळ जोडून जनसामान्यांना केंद्रस्थानी ठेवत राज्याच्या प्रगतीसाठी योगदान दिलेले राज्याचे माजी मुख्यमंत्री,लोकनेते स्व.विलासराव देशमुख यांना जयंतीदिनी विनम्र अभिवादन !

आपल्या राज्य सरकारने मंत्रिमंडळ बैठकीत घेतलेले काही महत्वपूर्ण निर्णय : ✅सावंतवाडी रेल्वे स्थानकाला कोकण रेल्वेचे शिल्पकार ज्येष्ठ नेते स्व. मधु दंडवते यांचे नाव. सावंतवाडी रेल्वे स्थानकाचे नाव ‘लोकमान्य मधु दंडवते रेल्वे टर्मिनस’ असे करण्यास मंत्रिमंडळाची मंजुरी. कोकणातील जनतेची अनेक वर्षांची मागणी मार्गी. नामकरणाबाबतचा प्रस्ताव केंद्र शासनाकडे पाठविण्यात येणार. (परिवहन विभाग) ✅शासकीय कर्मचाऱ्यांच्या २०२६ मधील सर्वसाधारण बदल्यांना मुदतवाढ. त्यासाठी महाराष्ट्र शासकीय कर्मचाऱ्यांच्या बदल्यांचे नियमन आणि शासकीय कर्तव्ये पार पाडताना होणार्‍या विलंबास प्रतिबंध अधिनियम २००५ मध्ये सुधारणेस मान्यता. (सामान्य प्रशासन विभाग) ✅डोंबिवलीतील सोनारपाड्यातील पिंपळेश्वर मंदिराला जमीन. डोंबिवली औद्योगिक क्षेत्रातील मौजे सागाव सोनारपाडा (ता. कल्याण, जि. ठाणे) येथील पिंपळेश्वर देवस्थान मंदिर ट्रस्टला ४ एकर २५ गुंठे जमीन मिळणार. या जमिनीवरील मंदिर ट्रस्टचा वापर नियमित करण्यास व ही जमीन ट्रस्टला नाममात्र दरात देण्यास मान्यता. (उद्योग विभाग) ✅नवीन नागपूर व नवीन बाह्य वळण रस्त्यासाठी खरेदी करायच्या जमिनीसाठीचे मुद्रांक शुल्क माफ करण्याचा निर्णय. मौजे गोदणी आणि मौजे लाडगाव (रीठी) (ता. हिंगणा, जि. नागपूर) येथील खाजगी जमीन नवीन नागपूर व नवीन बाह्य वळण रस्ता प्रकल्पासाठी वाटाघाटीने थेट खरेदी करावी लागणार. या व्यवहारावरील मुद्रांक शुल्क व नोंदणी शुल्क माफ करण्यास मान्यता. (महसूल व मुद्रांक शुल्क व नोंदणी विभाग) #मंत्रिमंडळनिर्णय #CabinateDecisions

स्त्री शिक्षण, सतीप्रथा निर्मूलन आणि आधुनिक भारताच्या सामाजिक परिवर्तनाचे शिल्पकार राजा राममोहन रॉय यांना जयंतीदिनी विनम्र अभिवादन! #राजा_राम_मोहन_रॉय #rajarammohanroy

निसर्गातील प्रत्येक जीव, वनस्पती आणि पर्यावरणीय घटक हे आपल्या जीवनचक्राचा अविभाज्य भाग आहेत. जैवविविधता ही पृथ्वीवरील समतोल टिकवून ठेवण्याची शक्ती असून, तिचे संरक्षण करणे ही आपल्या सर्वांची सामूहिक जबाबदारी आहे. आंतरराष्ट्रीय जैवविविधता दिनानिमित्त पर्यावरण संवर्धन, जैवविविधतेचे जतन आणि भावी पिढ्यांसाठी समृद्ध निसर्ग वारसा निर्माण करण्याचा संकल्प करूया! #WorldBiodiversityDay