Mahad Salad

Ciid Wanaagsan Dhammaan ummadda Soomaaliyeed iyo Muslimiinta caalamka meel kasta oo ay joogaan, waxaan ugu hambalyeynayaa munaasabadda barakaysan ee Ciidul-Fidriga. Waxaan Alle ka baryayaa inuu naga aqbalo soonkii iyo cibaadadii aan gudannay intii lagu jiray bishii barakaysnayd ee Ramadaan. Waxaan isku boorrinaynaa dhammaanteen in aynu maalmahan khayrka iyo farxadda badan si buuxda u garab istaagno Ciidanka Qaranka Soomaaliyeed, kuwaas oo Alle ka sokow suurta geliyey in aynu nabad ku cibaadaysanno. Sidoo kale, dagaalka xaqa ah kula jira cadowga Khawaarijta ah ee ku soo duulay dadkeenna, dalkeenna iyo diinteenna. Ugu dambeyn, waxaan Eebbe ka baryayaa inuu ciiddan ciiddeeda kale innagu gaarsiiyo caafimaad qab, amni iyo barwaaqo. Farxad iyo nabad ku ciida dhammaantiin!

Ramadaan Kariim Bilashada bisha barakaysan ee Ramadaan awgeed, waxaan hambalyo qiimo badan u dirayaa dhammaan dadka Soomaaliyeed iyo muslimiinta kale ee caalamka. Bilashada bishan barakaysan ee Ramadaan waxa ay xambaarsan tahay khayr badan, waxaana Alle ka baryayaa inuu naga aqbalo soonkeena, salaadeena iyo ducadeena, nagana dhigo kuwa Ramadaanka dambi-dhaaf iyo naxariis ku hela. Sidoo kale, waxaan Alle ka baryayaa inuu dalkeena ku mannaysto nabad iyo barwaaqo waarta. Waxaan ugu baaqayaa dhammaan shacabka Soomaaliyeed in ay gacan u fidiyaan qoysaska iyo dadka danyarta ah ee u baahan kaalmo iyo garab istaag, si aan wadajir ugu faa’iidaysanno barakada iyo ajarka maalmahan khayrka badan. Ugu dambeyn, waxaan ku boorrinayaa shacabka Soomaaliyeed in ay si buuxda u garab istaagaan Ciidanka Qaranka iyo geesiyaasha deegaanka ee xilligaan adag dagaalka kula jira cadowga Khawaarijta ah, kuwaas oo har iyo habeen u taagan sugidda amniga iyo difaaca shacabka.

إنا لله وإنا إليه راجعون Waxaan tacsi tiiraanyo leh u dirayaa fannaanka Dayax Dalnuurshe geerida xanuunka badan ee ku timid xaaskiisii Farxiya. Waxaan Alle uga baryayaa in uu Janadii Firdowsa ka waraabiyo, samir iyo iimaanna ka siiyo saygeeda, caruurteeda, qoyska, qaraabada iyo dhammaan umadda Soomaaliyeed. Aamiin.

Waxaan hambalyo u dirayaa dhammaan xubnaha Guddiga madaxa bannaan ee Doorashooyinka Qaranka iyo Soohdimaha ee xalay ay ansixiyeen Golaha Wasiirrada ee Xukuumadda Federaalka Soomaaliya. Sidoo kale, waxaan boggaadinaya Xildhibaannada Labada Aqal ee Baarlamaanka Jamhuuriyadda Federaalka Soomaaliya oo maanta si wadajir ah u meelmariyay xubnaha Guddiga si loo dardargeliyo qabashada doorashooyinka Dalka. Guddiga doorashooyinka waxaa saaran masuuliyad weyn oo ah in ay Dalka ku hoggaamiyaan doorasho qof iyo cod ah, waxaan eebbe uga baryayaa in uu la garab galo masuuliyadda culus. Ugu dambeyn, waxaan u mahadcelinaya Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud iyo Ra’iisul Wasaaraha XFS Mudane Xamsa Cabdi Barre oo u istaagay sidii shacabka loogu celin lahaa awoodda, doorashooyinka Dalkuna u noqon lahaayeen kuwo daahfuran oo ka tarjumaya rabitaanka Shacabka.

Waxaan u hambalyeynayaa Madaxweynaha la doortay ee Somaliland Mudane C/raxmaan Maxamed Cabdullaahi (Cirro) iyo ku xigeenkiisa Mudane Maxamed Aw-Cali Cabdi oo ku guuleystay doorashadii taariikhiga ahayd ee ka qabsoontay deegaanada Somaliland. Shacab weynaha Somaliland, waxa ay muujiyeen biseyl siyaasadeed, ilbaxnimo iyo dimuqraadiyad, iyaga oo farriin togan u diray dhammaan deegaannada kale ee Soomaalida ee dadkoodu rajeynayaan in ay madaxdooda soo doortaan. Sidoo kale, waxaa ammaan iyo bogaadin mudan madaxdii hore ee Xukuumadda Somaliland ee kasoo shaqeysay in awoodda Shacabka loo celiyo.

Waxaan aad ugu faraxsanahay in aan maanta goobjoog ka ahaado munaasabadda heshiiska Taariikhiga ah ee ay kala saxiixdeen Shirkadda Hobyo Investment Company iyo METAG HOLDING oo ah shirkad laga leeyahay dalka Turkiga taasi oo dhisaysa Dekadda Hobyo. Waxaa kale oo aan bogaadinayaa dadaalka Guddiga sida gaarka ah isugu xilqaamay dhismaha Dekadda, kuwaas oo u soo dhabar adaygay in maanta la soo gaaro heerkan bilowga u ah in si rasmi ah loo guda galo dhismaha Dekadda Hobyo. Dhismaha Dekadda Hobyo waxa ay kaalin wayn ka qaadanaysaa horumarka deegaannada Galmduug iyo wadanka oo dhan. Waxaan ku dhiirigelinayaa guud ahaan reer Galmudug in aan loo kala harin riyadaan muddada dheer la sugayay.

Waxa aan cambaareynayaa weerarkii bahalnimada ahaa ee argagixisadu xalay kusoo qaaday shacabkii ku fiidsanayay xeebta Liido ee magaaladda Muqdisho. Intii naga dhimatay Allaha u naxariisto, inta dhaawaca ahna Allaha u booga-dhayo. Dhibaatada shacabkeena ku dhacday waxa ay na fareysaa in aan si dhab ah ugu gurmano walaalaheen, bixino dhiig, kaalmeynana dadka shacabka ah ee isbitaalada kujira, sida Nabigeena NNKH uu na faray: "مثل المؤمنين في توادهم وتعاطفهم وتراحمهم كمثل الجسد الواحد إذا اشتكى منه عضو تداعى له سائر الجسد بالسهر والحمى". Khawaarijtu waa koox aaminsan in ay libin ku gaarayaan daadinta dhiigga shacabka Soomaaliyeed, sida qura ee taas aan ku beenin karno, kuna burburin karno jiritaanka cadawgan arxanka daran waa inaan garab istaagno Dowladdeena, lana shaqeyno laamaha amniga ee har iyo habeen u taagan difaaca dalka iyo dadka, muujinina adkeysi iyo midnimo.

Innaa Lilaahi Wa Innaa Ileyhi Raajicuun. Waxaan tacsi tiiraanyo leh u dirayaa dhammaan umadda Soomaaliyeed gaar ahaan qoyska, ehelka uu ka geeriyooday Guddoomiyihii hore Golaha Shacabka Baarlamaanka Federaalka Soomaaliya, Marxuum Maxamed Sheekh Cusmaan Jawaari. Gudoomiye Jawaari waxa uu kaalin taariikhi ah ka soo qaatay Dastuurka Dalka, dhismaha Hay’adaha Dowladeed ee Soomaaliya, isaga oo dhaxal uga tagay ummadda Soomaaliyeed. Waxaan Alle uga baryayaa in uu Janadii Firdowsa ka waraabiyo, samir iyo iimaanna innaga wada siiyo dhammaanteen. Aamiin.

Waxaan tacsi u dirayaa qoyska, qaraabada, saraakiisha, xubnaha Hay’adda iyo dhammaan ummadda Soomaaliyeed ee uu ka shahiiiday Marxuum Bakaal Kooke Taliyihii NISA G/Gedo, waxaan farayaa qaybaha baarista ee hay’adda in ay baaritaan dhab ah ku soo sameeyaan kiiskaan.

Allaha u naxariisto Taliyahii Ciidanka Booliska Gobolka Banaadir S/Guuto Farxaan Qaroole. Farxaan wuxuu shahiiday isagoo xaq ku diriraya, naftiisana u hibeeyay sidii dalka iyo dadka looga dulqaadi lahaa cadowga Khawaarijta ah AS. اللهم تقبل شهادته وأسكنه الفردوس الأعلى

Ciid Wanaagsan! Waxaan Alle ka baryeynaa inuu naga aqbalo Soonka, Salaada iyo Acmaashii wanaagsaneed. Aamiin.

إنا لله وإنا إليه راجعون Allaha u raxmado intii ku dhimatay, inta dhaawaca ahna Allaha u boogadhayo. Argagixisada arxan laaweyaasha ah ee falkaas foosha xun geystana waa in meel looga soo wada jeesto!

Madaxweyne Xasan Sheekh “waxaan rabaa guushaas weyn ee Soomaali u soo hoyatay inaan hoos loo soo dhigin oo wax qof ama qolo gaar ah sameysay aan laga dhigin”!

Mahadsanid Mudane Ra’iisul Wasaare Galmudug iyo Dowladnimada labadaba waad u hiilisay!

Waxaan Dowlada iyo Shacabka Jubaland uga tacsiyaynayaa dhalinyarada ciyaartooyda ku geeriyooday qaraxii Kismaayo. Waxaan Alle uga baryayaa naxariistiisa janno, ehelada iyo asxaabta ay ka geeriyoodeena samir iyo iimaan Allaha ka siiyo. Aamiin.

As earlier indicated I am attaching here for public view the legal submission of the committee of parents alongside my own. Am transmitting the 2 documents to the AG by email & I trust he will act accordingly.This should not just be a call by affected parents but Somali at large.

CIID MUBAARAK

25 April maalin taariikhi ah oo dadka Soomaaliyeed aysan hilmaami doonin. Kuna asteysan difaaca dalka, dadka iyo dimuqoraadiyada‼️

Waxaan galabta si wadajir ah uga qaadnay isgoosyada Dabka iyo Mirinaayo difaacyadii Ciidamada Badbaado Qaran waxaanan amniga goobahaas ku wareejinay Ra’iisul Wasaaraha Xukuumada Xilgaarsiinta Maxamed Xuseen Rooble. Guul iyo horumar ayaan adiin rajeynayaa. Mahadsanidiin.

بِأيّ ذَنْبٍ قُتلَتْ Allaha u naxariisto dhamaantood. Samir iyo iimaan Allaha naga siiyo. Qabriga Allaha u waasiciyo, Jannaatul firdowsane Allaha ku abaal mariyo. Aamiin.