منصور الدعجاني

تجاهل الجاهل على شان ترتاح واسمع من العارف لا منه تكلم .

والله إنه ما يضيّق على صدر الشجاع غير تكشيرة زمانه وفرقى اللي يبيه ياوجودي وجد من ضيعه وقته وضاع بين حلمٍ ما تحقق وحظٍ لك عليه .

احبك واعرف ان ماورى حبنا مصلوح سوا دمعةٍ تاخذ من الخد مجراها .

تبي تعيش اجمل علاقه بحياتك لا تتبع المقفي ولا تكبر الجاي

ياما تحملنا الخطا لجل يرضون وأصبح خطانا يوم ندمح خطاهم .

تجرح وأجي مجروح وأروح مجروح وتزل في حق الأحاسيس وأدمح مليتني كلي معاناة و جروح ماباقي الا جرح جرحين وأسمح

احبها صح بس احبها باحترام حتى من النفس صاينها ما ضريتها كتبت فيها البيوت اللي بعضها حرام وانا علي الحرام اني ما مسيتها اطهر من الغيث لا وطاه بطن الغمام وانقى من أنقى هناديبي لا غنيتها آخر لقى بيننا على بساط الغرام سويت فيها قصيدة وانسرق بيتها

رغم الظروف الي تمرّنا عايشين والوقت يمشي ما يطالع فايته ممتع شعور الصبر بكل الحالتين يعلّمك كل شيء بيوصل غايته نتصنع الضحكه وحنا ساكنين وفالساكتين أشياء ماهي ساكته

عاهدتني في حُب غيري ماتحيد ولا تميلّ و أثرك مخاشر قلبيّ و قلبه لياليك الحُمر

اليا حصلي من سوالفك فنجال  ما عاد ابي فنجال ثاني بداله .

اجي واكمل باقي النقص وازود واروح ولا احدٍ يسد بمكاني .

تعودت الرحيل و ماعلي خلاف انا في كل نفس الله موزعني تخاف الفقد يوجعني؟ انا ماخاف انا اخاف الحنين اللي يرجعني

عزت علي نفسي وانا اطلب وصالك اسكت ولو ماني على الوضع راضي لا صرت تنساني بوقت انشغالك مابيك تذكرني اذا صرت فاضي

أستخسر الوقت فالكلمه وفالكلمتين وشلون أناقش عقول العالم الجاهله ! أحيان حتى الكلام الزين مهوب زين لا صار مع واحد مهوب يستاهله

والله ماندري نحب الناس ولا نعيف ؟ ماعاد فينا على بعض الاوادم صبر اذا عطيت البشر وجهك قالولك خفيف واذا تقفيت قالو عنك وش هالكبر

من شافني ضاحك بكل التواقيت يقول ما عنده من الهم .. ذره مايدري اني في صلاتي لا صليت اسجد سجود السهو عشرين مره

راس مالي في الحياة الطيبين الي على وضح النقا دستورها النهج واضح لا يسار ولا يمين والوجه واحد لو تشين امورها .

غبت ياللي تدري اني من الفرقا حزين ما تخاف الله من الروح واللي ناشها صار حبك مثل الايام في عمر السجين تنحسب له في حياته وهو ما عاشها

والله إن القلب شفقٍ على بعض الامور  بس عندي عزّة النفس حاجة ثانيه .

ما عاد فوق البسيطه شي يعنيني من شدة الفقد صرت أحس بالغربه من كثر ما حن قلبي و ذرفت عيني حتى أقرب الناس صرت أخاف من قربه

ياليت الأيام في يديني وأرجعها وأعدل أشياء ما كانت على بالي .