Rwanda Broadcasting Agency (RBA)

🔴RWANDA TV LIVE twitter.com/i/broadcasts/1…

Minisiteri y'Ubumwe bw'Abanyarwanda n'Inshingano Mboneragihugu, yamuritse Inkoranyamuga y’Ikinyarwanda y’ibikoresho byifashishwa mu ikoranabuhanga. Intebe y'Inteko y'Umuco, Masozera Robert, avuga ko ubu ari uburyo bwiza bwo kwigisha Ikinyarwanda abakoresha ikoranabuhanga, cyane cyane imbuga nkoranyambaga. #RBAAmakuru

Abatuye mu Murenge wa Musange mu Karere ka Nyamagabe begerejwe amazi meza, barashishikarizwa kuyageza mu ngo zabo, kugira ngo abafashe kurushaho kunoza isuku no kuyakoresha mu bindi bikorwa bya buri munsi, bakanafata neza ibi bikorwaremezo by’amazi kugira ngo bizakomeze kubagirira akamaro. #RBAAmakuur

Minisitiri ushinzwe Ibikorwa by'Ubutabazi, Gen Maj (Rtd) Albert Murasira, yasabye abaturage n'inzego z'ubuyobozi, kwirinda ibintu byose byatuma abantu bagirwaho ingaruka n'ibiza kubera uburangare, ahubwo bagafata ingamba zo kubikumira hakiri kare. Yabigarutseho ubwo yifatanyaga n'abatuye Akarere ka Nyaruguru mu bikorwa byo gucukura imirwanyasuri ku misozi imwe yo mu Murenge wa Ngoma, mu kubungabunga icyogogo cy'Umugezi w'Akanyaru. #RBAAmakuru

Abatuye mu mirenge itandukanye y’Akarere ka Kirehe, bifuza ko amazi meza yakongerwa aho batuye, kuko ngo ayo babona atabahagije bitewe n’uko akenerwa na benshi. Ubuyobozi bw’aka Karere bwo bwatangaje ko ikibazo cy’amazi gishobora kuzabonerwa igisubizo mu 2027. #RBAAmakuru

Kuri uyu wa Gatandatu, Minisitiri w’Intebe, Dr Nsengiyumva yifatanyije n'abandi Bakuru b'ibihugu na za Guverinoma mu muhango wo gutangiza Inama ya 11 y'Umuryango w'Ibihugu bya Afurika, Karayibe na Pasifika ibera i Malabo muri Guinée Equatoriale. Dr Nsengiyumva yagize ati "Mu gihe imiterere y’Isi igenda ihinduka, birumvikana ko n’uburyo bwacu bwo gutera inkunga ibyo dukora bugomba kujyana n’izo mpinduka." Avuga ko u Rwanda rwizera ko uyu muryango ushobora kurushaho gukomeza gushimangira uruhare rwawo, ntube gusa urubuga rw’ubufatanye, ahubwo ukaba n'urubuga rworohereza ishoramari kandi rugateza imbere impinduka mu bukungu. #RBAAmakuru

PHOTOS Prime Minister Dr Justin Nsengiyumva, who is in Malabo, Equatorial Guinea, joined Heads of State and Government at the Inaugural ceremony of the 11th OACPS Summit on Saturday. “Rwanda believes the OACPS can further strengthen its role, not only as a forum for cooperation, but also as a platform that facilitates investment and drives economic transformation”.- Prime Minister reiterated in his remarks. #RBANews

📹AMASHUSHO 📹 Ubwiza bwa Stade Amahoro yanditse amateka yo gukinirwaho bwa mbere, Imikino Mpuzamahanga ya Gicuti, itegurwa n'Ishyirahamwe rya Ruhago ku Isi, FIFA. Muri iyi mikino izwi nka #FIFASeries2026, u Rwanda rwakiriye amatsinda abiri, arimo iririmo 'Amavubi' rikinira kuri Stade Amahoro. #RBASports 📹: @luckyfilmz27

📹AMASHUSHO 📹 Umukozi mu Kigo cy’Igihugu cy’Ubuzima RBC, Bagahirwa Irène, yavuze ko ubushakashatsi bwagaragaje ko kenshi mu bana bahura n’uburwayi bwo gucukuka amenyo akenshi usanga n’isuko yo mu kanwa iba ititaweho neza uko bikwiye. #RBAAmakuru

“Ntitugomba gusubira inyuma mu guharanira ubumwe n’ubudaheranwa by’Abanyarwanda.” Perezida wa Sena y’u Rwanda Dr. Kalinda François Xavier, yasabye Abanyarwanda gushyira hamwe mu kubaka Igihugu cyabo. #RBAAmakuru

“Mu bihe nk’ibi dukunze kugabwaho ibitero by’abahakana n’abapfobya Jenoside yakorewe Abatutsi.” Ubwo yari mu muganda usoza Ukwezi kwa Werurwe 2026, Perezida wa Sena y’u Rwanda, Dr. Kalinda François Xavier, yasabye urubyiruko kugira uruhare mu kurwanya ingengabitekerezo ya Jenoside. #RBAAmakuru

U Rwanda na Grenada bihuriye mu itsinda A hamwe n’ibihugu bya Kenya na Estonia, mu Irushanwa ry’imikino ya gicuti itegurwa n’Ishyirahamwe ry'Umupira w'Amaguru ku Isi, FIFA. Umukino wa nyuma muri iri tsinda uzahuza u Rwanda na Estonia, mu gihe Kenya na Grenada bizahurira ku mukino wo guhatanira umwanya wa gatatu. #RBASports #FIFASeries2026

Grenada yakinnye n’u Rwanda, ni igihugu cyo muri Amerika y’Amajyaruguru, mu Birwa bya Karayibe. Ni ubwa mbere iki gihugu cyari gikinnye n’Ikipe y’Igihugu cyo ku Mugabane wa Afurika. Iki gihugu kiri ku mwanya wa 164 ku Isi ku rutonde rwa FIFA. #RBASports #FIFASeries2026

📷 𝐌𝐮 𝐦𝐚𝐟𝐨𝐭𝐨 📷 Ibihumbi by'abakunzi b’umupira w’amaguru bari Stade Amahoro mu ijoro ryo ku wa Gatanu, tariki 27 Werurwe 2026, batahanye ibyishimo bisendereye. Babikesheje abakinnyi b’Ikipe y’Igihugu ‘Amavubi’ barangajwe imbere n’Umutoza, Stephen Constantine, batsinze Igihugu cya Grenada, ibitego 4-0, mu mukino wa #FIFASeries2026. #RBASports 📷: @Nkuranga_ &: @Bahizi_Imela

Kuri uyu wa Gatandatu, abitabiriye irushanwa rya #FIFASeries2026 bitabiriye igikorwa cy'umuganda rusange batera ibiti mu busitani bwa hoteli y'Ishyirahamwe ry'Umupira w'Amaguru mu Rwanda, FERWAFA. Ni igikorwa cyanitabiriwe na Minisitiri wa Siporo, Mukazayire Nelly. #RBAAmakuru

Perezida wa Sena y'u Rwanda, Dr François Xavier Kalinda, yasabye abaturage muri rusange kwitabira ibikorwa byo kwibuka ku nshuro ya 32 Jenoside yakorewe Abatutsi no kwirinda ibikorwa ibyo ari byo byose byahungabanya abarokotse Jenoside mu gihe cy'icyumweru cy'icyunamo n'iminsi 100 yo #Kwibuka32. Ni ubutumwa yahaye abitabiriye Umuganda Rusange wo kuri uyu wa Gatandatu, usoza ukwezi kwa Werurwe 2026, aho abaturage bakoze ibikorwa byo gukora isuku ku Rwibutso rwa Jenoside rwa Nyanza ya Kicukiro, mu rwego rwo kwitegura kwibuka ku nshuro ya 32 Jenoside yakorewe Abatutsi mu 1994. #RBAAmakuru

Minisiteri y'Uburinganire n'iterambere ry'Umuryango irasaba abagore gukoresha neza amahirwe igihugu cyabahaye kugira ngo barusheho gutera imbere. Ibi babisabiwe mu Nama y’Ihuriro Nyafurika ry’abagore bari mu buyobozi yabereye i Kigali kuri uyu wa Gatanu. #RBAAmakuru

Umuryango AVEGA Agahozo urashimira igihugu cyashyizeho gahunda zitandukanye zafashije abapfakazi ba Jenoside yakorewe Abatutsi kwiyubaka, no kurenga amateka mabi ya Jenoside bakabasha gukomeza ubuzima. #RBAAmakuru ▶️ tinyurl.com/bdd7bnre