🙊рахма💙

انا وبنت خالتي ممرمطين بنت اختها علشان مينفعش نصور موديل كبيره😭😭

عشان كدة بقص شعري مجهود أقل شكلي أجمل قفايا مش حران مش بشيل هم غسله مش بشيل هم تسريحه بشتري المنتج بيعيش معايا شهور استراتيجية منوفية بس شغالة معايا

الغريب فى قضية البنتين اللى إتحبسوا بتهمة تزوير أوراق رسميه وطلعت الأم اللى غلطانه والأب مظلوم إن الناس اللى كانت بتهاجم الأب لما الحقيقه إتعرفت مغيروش كلامهم وهاجموا الأم الحوار ده بيوضحلك إن القصة بالنسبالهم إنه راجل حبس بناته لما الصورة إتعكست والأم هى السبب صوت صرصور الحقل

كل الناس شايفين إنها سيئة فعلا لأسباب بيولوجية والبكتريا وبروسيس التسوية وما إلي آخره وكله كلام مظبوط. بس انا اشتغلت ايام الدراسة في مطعمين علي فترات والاتنين كانوا بيعملوا شاورما وإحب اقول إنها اسوء بكتير مما تتخيلوا، سواء جودة اللحوم او الفراخ اللي بتتحط فيها او طريقة التحضير، ودا ملهوش علاقة سواء كان المطعم نضيف او لأ. بس الكميات الكبيرة اللي بتيجي مرة واحدة وتتطلع من الفريزر وتتفرش علي بنك التحضير وتتبل وتتلغوص وتتحط علي السيخ والشيف يسيبها ويطلع يشرب شاي ويرجع يكمل.. واكتر من ايد شغاله فيها والهزار والضحك.. المهم يعني هي ازفت من الفسيخ بكتير كمان، لأنه بيتعالج بإهتمام اكبر عشان هو كدا كدا هيبوظ لوحده فلازم يهتموا بيه قد الإمكان عشان ميبظش اكتر من اللازم.😠

المصريات زمان كلهم شعرهم ولبسهم كان مخلي كلهم هوانم وصور أمهاتنا وجداتنا زمان بتثبت كدا ربنا يلعن اللي دخل علينا الحاجات دي وبوظ شعرنا وشياكتنا 😔

عندي رغبة اموميه غريبه محدش فاهمها ولا أنا فهماها وكل مااقول لحد يقولي مستعجله علي الخلفه والهم ليه اوك دا شيئ يرجعلي أنا عاوزه اخلف وأنا صغيرة وأنا حاسه إن احسن حاجه اعملها اخلف قبل ال 25 بس محدش فاهمني

لما كنت بلاقي بنت مش عارفة تفتح برطمان مربى ولا صلصة اقولها بحرف السكينة واتصرفي ياحبيبتي.. كنت بفتخر اني ضد النوع دة من الدلع بس بعترف اني كنت غلطانة. بلاش تبقي الشاطرة اللي بتعرف تعمل كل حاجة. اللي بتتدلع وتغرق في شبر مية هي اللي بتتخدم وبيتعمل لها ألف حساب انما انتي يا شاطرة ياللي بتعرفي تتصرفي هتشيلي حاجات اكبر فأكبر لحد ما تتعبي ولما تشتكي ولا تزهقي يتقالك مالك اية الدلع دة؟ وهتتمني ترجعي لمرحلة "افتح لي ازازة المية" *عشان انا كيوت مش بعرف* 🥹🤪

بستغرب جداً الرجالة اللي بيقعدوا في شقق ايجار مفروشة ويستلموها نضيفه ويخلوها خرابة من غير مره حتى ينضفوها ! والحجه ايه ؟ انهم رجالة طبعاً مفيش اي مبرر انك تستحمل المنظر ده طالما انسان كامل متكامل وعندك ايدين ورجلين

الله يمسيه بالخير احمد الحارس كان بيقول ف احد بودكستاته إن اكتر شخص معرفه باحتياجات الشاب هي أمه بتبقى فاهمه من غير ما يتكلم هو عاوز اي وخاصة في موضع اختيار شريكة حياته هي بتبقى اكتر حد فاهم ابنها بيدور على اي حتى لو مقالش دا صراحة بلسانه الصبح أن شاء الله هجيب لكم الفديو

قعدات الستات المتجوزين بقت تزعلني أوي يعني إيه خايفه من جوزك فمش قادره تعملي ابسط تصرف في الحياة لو ده مش أقرب حد وأكتر حد المفروض الواحدة تطمنله تبقى إيه العلاقة دي بجد

عايزه مبرر ديني بجد ل ليه ربنا سمح للرجال يتجوز اربعه يعني ليه ميبقاش له واحده بس ليه اربعه

عريس جاي رؤيه شرعيه ومجابش معاه حاجه فايده وهو داخل قله فهم منه 🙃 بخييل🙂 اجابه تالته 🤔

ممكن اسأل سؤال اتمنى متكنسلش بسببه ايه فايدة الورد؟ بالذات لو كل شويه يعني بيفرح في وقتها بس لكن بعد كده بتعملوا بيه ايه 😔