CAPKRYS OFFICIAL@teamcapkrysofc_
sabi nila, ang buhay ay parang gulong— umiikot. minsan nasa itaas, minsan nasa ibaba. ngunit sa kasalukuyan, tila hindi na ito ganap na umiikot. para sa marami, ang mundong ginagalawan natin ay hindi na patas. ang dating simpleng metapora ng gulong ng buhay ay tila nawalan ng saysay, sapagkat ang pag-ikot nito ay tila nahinto—pinabigat ng mga suliraning hindi na basta kayang lampasan, tulad ng patuloy na pagtaas ng presyo ng gasolina at iba pang pangunahing pangangailangan.
sa ganitong kalagayan, napakahirap itanong kung paano pa tayo makakarating sa ating mga paroroonan. paano natin mararating ang ating mga pangarap kung ang bawat hakbang ay may kaakibat na hadlang? ang daan patungo sa kinabukasan ay tila mas lalong humihirap tahakin, lalo na kung ang mismong sistemang inaasahan nating susuporta ay nagiging balakid sa pag-usad.
mahirap simulan ang gyera ng kinabukasan, mahirap patakbuhin ang buhay kung walang higit na kakayahan. tulad ng isang sasakyang tumirik sa gitna ng daan, mahirap itong itulak kung nag-iisa, kaya’t sparckles maraming salamat dahil hindi niyo kami iniwan.
matagal na rin naming plano ang proyektong ito, kahit napagod, kahit natigil, hindi ito naglaho. hindi man namin mabago ang sistemang matagal nang nakaukit, nagawa naman nating buhayin ang diwang hindi kailanman malulupit—ang bayanihan: tahimik man, ngunit matibay na paninindigan.
nawa ay maging isa ito sa pag-asa at magpaalala na sa gitna ng unos, may kamay na handang umalalay at sumuporta sa kapwa’t bayan.
#capkrys
