عبدالله فهد النوفل

لا تعذر عن خطاك المستمر السافر انت واشكالك تحتنا مستحيل نشوفه والله انك ياضعيف مثل ذنْب الكافر لا وراه استغفر الله او لحقه حسوفه #بيت_شعر

بعض العرب فعلاً يبي قطعة لسان ودك مع لسانه تقطع لهاته يمشي وينشد وش بلا فلان وفلان كنه مخاشر كل شخص بحياته فلان معرس ليه ما جاب بزران وفلان تاجر وين ودى زكاته وفلان حالق لحيته وين الايمان وفلان مات ابوه وش هي وصاته الظاهر اني كان ماني بغلطان من صغر سنه مايفارق خواته .

مع مغيب الشمس تقلط علي من كلّ صوب الله انّه لا يحيي الوفود اللافية . دايمٍ شغل الطواري مثل شغل الهبوب أشعلت بين المعاليق نارٍ طافية . شاعرٍ لا أطيع شفّي ولا أقتصّ الدروب ما وطيت الشوك وأقدام رجلي حافية. لا غدا سيل المعاني كما السيل الجذوب الشعور أكبر من الوزن ومن القافية. الشغف شمس الضحى والملل شمس الغروب والهقاوي سيف والستر بشت العافية. ملّ قلبٍ ودّه يتوب لكن ما يتوب تزعجه الأيام بأحداثها المتنافية. وش يجي شيب الشوارب معا شيب القلوب كدّرت الأيام جمّ العدود الصافية . الحقيقة وجهها أبيض ولا هوب إمحجوب لو يطيح أحيان بين الأيادي الخافية . لو قعدنا في رضا الناس نلبس كلّ ثوب أنحرمنا من ثياب الشموخ الظافية.

ابوي م قصر على مر الحياه يوم الليالي تزوي العالم زوي ضحى بما يملك لنا والله معاه كافح بقلبٍ صلب وبضلعٍ قوي حمل على عاتقه من عرف ونقاه واجه بحزم وعزم والذيب يعوي مصدر سعادتنا ي جعله للغناه يا طيب راسٍ للمواقيف احموي والله ثم والله م نلحق جزاه اعظم رجل يعطيك دافع معنوي

الزمن جاب الطواري ، و الحزن جداً ثقيل كل نسمه حركت شعر الغياب ، و تنتخيه و الطريق اللي مشيته من بعد صده طويل لا تعبت من المسافه .. ارمي همومي عليه في وداعه انطفى نوري ، و انا حكيي قليل قالت عيوني كلامٍ من قبل .. ما اقول ليه ؟ ادري إنه راح يلقى فـ الرخاء غيري بديل بس طيفي حاضرٍ في شدته .. قبل الوجيه و ادري إن مره صباح و مرت أيامي بـ ليل و ادري إنه في سعاده بس انا وحدي بـ تيه ما صدمني في رحيله والله ان قبل الرحيل كل حاجه لوحت لي .. قبل تلويحة يديه و السنين الماضيه في وجهها كل الدليل و إنه أول من تأخر في حضوره ، و احتريه "و إن رجع نادم يبيني ؟ ماله بـ ظلي مقيل ماني اللي .. مثل اول فـ المكان اللي يبيه الليالي علمتني درس ، و دموعي تسيل من تركني لو تعذر تنكسر رجلي ما اجيه "

نمشي على الأرض دام الأرض ممتده و أن أظلم الليل ما تهنا ولا ضعنا عشنا التجـارب و ذقنا الليِن والشده وعجايب الوقت توجعنا و تنفعنا .

لا تخاف من اللي ياخذ حقه بيده خـاف من اللـي يتركها " على الله "..

انت الشعور الصادق و غيرك سراب و انت المقرّ الثابت و غيرك ممر غلاك بضلوعي تربّع ليين ذاب يفوح مثل العود من فوق الجمر يا أغلى البشر وجهك علاج الإكتئاب و مواصلك مثل السحاب المنّهمر حتى و لو قلبي شَعر بـ الإغتراب انت الوطن و اجمل ملذّات العمر..

ليت هالدنيا مثل مدّت ابوي  لا عطا ،، ما ينتظر رد الجميل .

" أنضج مراحل فـ الحياة التغافل تدري عن الزله وتسكت عن الرد "

ًياراشد ان غنيت من واقعي غن بعد كثر حزني وقل اهتماامي ليلً بقى ثلثه وثلثينه اقفن لعل احصل ضحكتي وانسجامي ادوي بهواجيسً صداها ليا ادون صدى ابن شايق مع رشيد الزلامي اعيف واجامل مع الناس واحنّ لاكثرت اشواقي وناح الحمامي ليت العصى اللي في يدي كل ماظن عصى النبي موسى عليه السلامي واضرب بها فـ دروبي اللي لاضاقن قامت بذن ربي توسّع أمامي ماطاب لي جرحن ولاضحك لي سن ياقلب هونها وياعين نامي النفس ماتقبل والارياق يبسن مدري علام الوقت ؟ ولا علامي دنيا تدانت والمقادير تستن .. نارن لهب ماهيب برد وسلااامي مافيه اشّد من الجفا وخيبة الظن وندامة العاقل وكثر الملاامي كنهاا على صدري حمل كيلو الطن وايشلها ضلعن من اطرف عظامي مما فصدري يشتعل لاهب الكن .. لو صاد عشب القاع حل الصرامي سوا سوا راحن هقاويي وجن ضواميً راحت وعادت ضوامي مع من رحت وجيت مدري مع من اسااميً ماهيب قد الاسااامي كلا يبي يصبح بطوليه وفن .. الناس تبغى تعيش فلمً درامي الله ولا منّة هل الكبر والمن .. لاعيت الشيمه وعيّا مقااامي اللي من اول ماينادي سوى حن ؟ الحين قد هو مااايرد السلااامي العب بقافن يلعب بطرقه الجن وانا ترى شاعر مانيب بحرامي اما كسبت ارجال اهل هيلن وبن ولا سلاام ولا عليكم سلامي .

تجمل ترا والله مال للجميل انكـار  ولا ينكـره من كان في راسـه مـروّه عسى راعي ابشر ماتقفي به الاقدار ولا ينقطـع ذكـره ولا تنطفي ضـوّه .

بالقفى ماهمني من يعذرب في قفاي مدامه بوجهي عينه بعيني ما يوازيها ..

يالله برزقٍ يحوّل مثل وبل السحاب ألذ من شربة الماء بعد طول الضما ويالله بدعوة خشوعٍ وقتها مستجاب تروح من خاطري سيده لباب السما .

شفت العجب بين العرب والغرايب علامة ٍ عن قرب يوم القيامه ؛ النار شبت في ثياب القرايب والصف ضاعت وحدته والتحامه ؛ قذف التهايم بين مخطي وصايب كم من نقاش ٍ خارج ٍ عن نظامه ؛ مات الأدب من علية القوم طايب وين الأديب اللي يثمّن كلامه #سداح_العتيبي

الرجل لاقال مافالوقت غيري لاتضج ولاتضيق ان مات فاره @fahadalnofal

الصاحب اللي عنالي يوم ناديته كنه من الطيب غداني وعشاني ماهوب مثل العزيز اللي تمنيته وبديت باسمه قبل لبدا مع اخواني #شعر

سلام والخاطر مع الوقت سواح من فضل ربي لو لحقنا مضرّه نحمدك ياربي على كل ماراح والي تجيبه قدرتك من مسره قولو لها ترضا وتصبر وترتاح ماضاع لبن ادم مع الله ذرّه

#عبدالله_فهد_النوفل عندما يكون أبي عمود شامخ في روحي بفراقه تنهد العزائم شوقا واحتياج اللهم ارحم روحا سكنت روحي وأبرِ اللهم ما خلف الفراق من جروح صبرا وجبرا💕

ابيات قالها الشاعر فهد بن ابراهيم بن هزاع النوفل يرثي الفقيد عبدالله بن فهد الهزاع النوفل رحمه الله