𝑬𝒉𝒂𝒃

١٧ أكتوبر ١٩٧٣ كتير من الشباب فاكرين إن حرب أكتوبر ٧٣ خلصت في أول أسبوع- وإنها انتهت بثغرة بسبب السجال اللي بدأة الشاذلي والسادات أنجر لة- وطبعا اعلام التيار الاسلامي اللي كان بيكرة السادات و حب يغتزل الحرب بالثغرة- الحقيقة إن يوم ١٧ أكتوبر ١٩٧٣ كان بداية مرحلة تانية أخطر وأعظم في الحرب- والجيش المصري بدأ ينظم نفسه وسط المعركة بعد هجوم ١٤ أكتوبر، ويستعد لأي تحرك إسرائيلي من يوم ١٤ أكتوبر بدأ الخلاف الكبير بين السادات والشاذلي، وده بدأ يأثر على روح القوات- من يوم ١٤ أكتوبر أمريكا فتحت الجسر الجوي العسكري الاكبر بالتاريخ (وقتها) لإسرائيل- وبدأت تبعت طيارات وأسلحة ومعدات بكميات مرعبة، وده كان إعلان إن الحرب بقت دولية يوم ١٧ أكتوبر القادة الكبار في مركز القيادة اعتبروا إن المعركة دخلت فصل جديد- على الأرض، قوات شارون بدأت تتحرك ناحية الدفرسوار، وتحاول تتسلل غرب القناة، لكن الجيش المصري كان واعي، وبدأ يرد وينظم دفاعاته- اللي دفع التمن الحقيقي في الفترة دي كانوا المهندسين العسكريين المصريين، اللي اشتغلوا تحت القصف، بيصلحوا الكباري، وبيحموا شريان العبور- اللي أنصف المهندسين العسكريين كان المشير الجمسي، لما كتب عن أحمد حمدي وتضحيات سلاح المهندسين في مذكراته- وكان كلامة مهم جدا لأن كسر فكرة كانت موجودة وقتها وسط بعض أفرع القوات المسلحة القتالية زي المدرعات والمشاة- إن المهندسين مش مقاتلين- وإن دورهم فني بس- الجمسي كسر الفكرة دي واعتبرهم جزء أصيل من المعركة، وكتب عنهم باحترام كبير- ووضح إنهم كانوا بيحاربوا بجد-بأسلوبهم بيبنوا، بيصلحوا، وبيحموا شريان النصر تحت القصف- الجمسي كان أول قائد كبير يكتب بالشكل ده عن سلاح المهندسين، ويثبت إن البطولة مش بس في ضرب النار، لكن كمان في اللي بيخلي الضربة توصل يوم ١٧ أكتوبر مكنش ابدا هزيمة- ده بداية ايام الصمود واعادة التنظيم ١٧ أكتوبر يوم بيشهد على أن رجال الجيش المصري-اللي هما المصريين- وقفوا في وش الجسر الجوي الأمريكي وأكدوا أن مصر مش هتقع- المجد للشهداء، والمجد للمهندسين العسكريين، والمجد لكل قائد كتب الحقيقة زي ما هي من غير ما يلونها علشان نفسه وعلشن نرجسيتة-

🚨 عاجل 🚨 فرضت المفوضية الأوروبية اليوم غرامة قدرها 1.8 مليار يورو (1.95 مليار دولار) على آبل بسبب سلوكها المناهض للمنافسة ضد خدمات بث الموسيقى المنافسة.