ّ

لا عاد احد يلحق زمانه مشاريه بيّح سدود الناس كثر التشكي خل الحياه تسوي اللي تسويه دامك على شداد الكرامه متكي

صناديق قلبي وسطها واهجٍ وقاد ولا أحدٍ درا ويش الصناديق محتويه ترا اللي جعلني طول وقتي حزين فواد مسير القدم والنفس ماهيب مهتويه سعيد ابن جخدب

اللهُمَّ في هذا اليوم ارحم امواتنا وطيّب قبورهم وارفع مقامهم واجعلهم في فردوسك الأعلى يارب

ـ ترى الكلمة الزينة لها بالصدر مثقال تجي بالصدور المجدبة مثل وسمّية .

من أقسى ماكُتب في الرثاء: "لمَّا رأيتُكَ قد أدرجْتَ في كفنٍ مطيَّبًا للمنايا آخـر الأبَـدِ أيقنتُ بَعدَكَ أنِّي غيرُ باقيةٍ وكيف يَبقىٰ ذراعٌ زال عن عضدِ؟!"

أشوف أبوي الرجل الوحيد اللي يستحق هالبيت : عطاك الله حنان الكون كله في ذرى يمناك وطن لا شحّت الأوطان وملجأ منهو بليّا

" من وقاري .. يحسبون إنّي بليدٍ ما أتشرّه " وإلا أنـا مبدأ التغاضي والتعامي من وقاري

اتعزّز وادري إني ماعاد حولي شلا - صالح النشيرا

مغادر الخايبين اللي ما عقبه — قدوم " الذ من جيت الغالين عقب - البطا " - جابر النشيرا -

"صرت مثل الظامي اللي طرد وجه السراب لا فرح في قطرة الما ــــــــــ ولا حصّل ذرا" عبدالله المجلاد وأنا.

يامل عينٍ يعلّ الجيب ذارفها اربع وعشرين ساعه تهجل اهجالي والنوم يادحيم عايفته وعايفها دارت سنتها على سهر وتملاّلي مدري على النوم عيني وش مكلّفها للسهر في نونها ممسى ومقيالي - عبدالله بن عون

انهمر دمع الحزين وشابت حروف المعاني و انكسر عزم الصبور وحالته ماهي سليمه انذبح حلم الشجاع وطاحت اركان المباني و أنهزم من لا يحسب في حياته للهزيمه.

يامرحبا يا مروي الضامّي ويا عذب القراح يامبعّد الضيقات عن صدر الحزين إليّا لفت

ياحفيدة من يـقود الجمع لو أنك رقيقة أسم ابوك يـعدل المايل ومزبن كل جاني

[ دون الهقاوي ] معي ضيقةٍ لا طرّف الليل ياستار على غيري من الناس ماهيب دواجه تراديد ماهي مره ولا ثلاث أمرار ورا صدري وكنها تواجهني مواجه ما يقفي بها الا سجه وهزعةٍ عن قار وعن البيت وأسواره والأرسال وأبراجه ورا ديرةٍ ماهيب عِرضه على الأقمار ولا داج فيها راعي الشاه بنعاجه مداهيل وضحاً مالها فالصياهد كار يباري لها عودٍ خلط رمشه حجاجه توصّى عليها رايح الغيم بالأمطار مقابيس برقه في محاجيه وهاجه مغنّ النبات وضحكة الشيح للصفار دوا اللي يدور عن دواه وعن علاجه بعيدٍ عن العالم .. بعيدٍ عن الأضرار ما يقلب مزاج الآدمي غيرهم حاجه لو اللّٰه يسلطني على اللي يحرث النار رميته ورا بحرٍ تلاطم به أمواجه سمحنا من اللي زلته مالها معذار وعن اللي علينا قلبه أسود من الصاجه وعن اللي ليا طاح الجمل صاح للجزار ودعى للشماته شلته واوقد سراجه لكْن الحسود اللي مقامي يزيده نار ماني سامحٍ منّه ولا آسف على إزعاجه هقينا وجا دون الهقاوي قصير أشبار ترك درب أبوه ودرب جده ومنهاجه ياكم واحدٍ فيه العجايب صغار كبار يشيل اسم عود بذكره الناس لهاجه وهو والله ان كنه مضيّر عليه اضيار ما اخذ من خصايله الحميده ولا حاجه - غازي مشعل

ﻻجيت في مجلسٍ فيه الخفيِّف ثقيل فنجال واحد عن الشِّكة وخلك عجل

«اذا انك بخير أنا بعد ما علي خلاف تخطيت مرحلة الجفا الأنتقاليه يا حي الفراق وقسوة الظلم والأجحاف ولا وصل من شاف أوله عاف تاليه لا تفرح بكسر الخاطر اللي عليك يخاف ترى أحيان كسر الشي يزيده جماليه أنا من تعودت أسمع أسمي بصوتك حاف وأنا داري ان حبك على آخر لياليه»

من أيامنا وش عاد باقي من الأعمار ؟ إذا منتب مداوي جروحي لا تجرحني - منيف الجراش

ما راح من دنيا الفنا بـ ألف طقاق ! " العمر سلفه " . . والأوادم طراقي _ عبدالله بن زويبن

طبع البدو فيني يجدد شجوني أكره حياة نيلها بالسهولة اللي على روس الهضاب أرفعوني من مات منهم رأس ماله ذلوله —الأمير بندر بن فهد بن سعد